Eclesiastés 9:3 - Biblia Mixe de Quetzaltepec

³ Yë'ë jëtu'un ya'atë ka'ap oy n'ijxmëty mëti'ipë naaxwiiny naaxkëjxy tuunëpën jajtëpën. Näyjyëtu'un ënät jatu'kpëky ja ayuk, yë naaxwiinyëtë ja'ay jä'ä xëmë myëmääpy myëtäjpy tuuntëko'oy kajpxtëko'oyën; ja tsuuwinma'any kupoj winma'any jä'ä nätyuk'ënä'ämëp mapaat jyuuky'ätyën; ets ko y'ooky tyëkoy nitëyë yajmënëjkxnë jutjoty.

Biblia Dc en Mixe de Quetzaltepec

³ Yë'ë jëtu'un ya'atë ka'ap oy n'ijxmëty mëti'ipë naaxwiiny naaxkëjxy tuunëpën jajtëpën. Näyjyëtu'un ënät jatu'kpëky ja ayuk, yë naaxwiinyëtë ja'ay jä'ä xëmë myëmääpy myëtäjpy tuuntëko'oy kajpxtëko'oyën; ja tsuuwinma'any kupoj winma'any jä'ä nätyuk'ënä'ämëp mapaat jyuuky'ätyën; ets ko y'ooky tyëkoy nitëyë yajmënëjkxnë jutjoty.

Eclesiastés 9:3 ပူးပေါင်းရင်းမြစ်များ

Jeremias 17:9

Nitii jëtu'un kyawin'ëëny ets nitii jëtu'un kyayajtsojkën'aty tä yë jot winma'anyën. ¿Pën y'ëkja'akyukëp wi'ix ko jyëtu'unëty?

Eclesiastés 8:11

jä'ä ko mëët ko ojts jëtu'unyë nyayaj'ijxninaxy ja nyëë pyoky mëti'ipë ënäty të tuuntëkoyën ets ka'ap ënätyë yajtukumëtooy, yë naaxwiinyëtë ja'ay xëmë ëxëëk tuun'ëtë'ëtsa'any.

Tito 3:3

Tëëyëp näjyëtu'un ijty ntsuu'ajtëmë, ka'ap nmëmëto'owëm ja Tios, tëkoy ijty nyajpatëmë. Ja atsojkën ets mëti'ipë ni'ik ntukjotkëtakëmën yë'ë ijty xyaj'ijtëm ijxtëm ja mëtuunpën ëne'empyë y'ityën. Ëxëëk ijty nja'ay'ajtëmë, ntuk'ëxëëk'ijxëm ijty winë ja nmëku'uk'ajtëmë, ëxëëk ijty nyajpatëmë ets ëxëëk näy'ijxëmë xim yam.

2 Pedro 2:16

E Tios yajkajpx ja Balaam ja kyërukts to'oxy ijxtëm tu'uk ja ja'ayën, ënät ojts y'oyë ko jëtu'un y'ëti'itsy.

Hechos 26:24

Ko ja Pablo jëtu'un nyäkyukajpxtaayë, ënät ja yajkutujkpë Festo mëk y'akajpxtujkë: Pablo kupoj. Yë m'ijxpëjkën yë'ë të myajlokëjajtënë.

Hechos 12:23

Ënät ajotkumonë ojts ja Wintsën ja y'anklës yajpa'ampetyë, jä'ä ko ka'ap tmëjja'aw tjaantyja'awëy ja Tios. Ënät tyënë'këy ets y'o'ky.

Lucas 15:17

Tä ojts myäy tyäjy ets y'ënäny: Ma ja nteetyës ja tyëjkën, ku'uxyë ja tuunpë jam kyäytyë y'uuktë ets natëjkëp winë, tyamts ëjts yaa nyuu'ookaanpë.

Lucas 6:11

E ja wiink ja'ayëty ojts jyoot'anpëktë ets xim yam nyäyajtëëwëtë wi'ix ja Jesús t'ëktuntëty.

Eclesiastés 12:7

Kom ok, naaxway jatëkok y'awinpity ja jot nini'kx, e ja jot ja'awën jam jatëkok wyimpity ma Tiosën, mëti'ipë jot ja'awën yäjkpyën.

Eclesiastés 9:2

Aak o'kpë aak tëkoopyë ja'ay y'itë, wä'än yë'ëjëty wa'ats ja'aytyëjk ets ëxëëkja'aytyëjk, wä'än t'oyjyä'äyëty wä'än t'ëxëëkja'ayëty, wä'än të'kxypyëty ets wä'än tpu'uxm mëëtpëty, wä'än yë'ëjëty mëti'ipë wintsë'kën yäjkpyën ets wä'än yë'ëjëty mëti'ipë ka'ap tyäkyën; näjyëtu'un yë wa'ats ja'ay ets pokyjyä'äy, mëti'ipë, jëtu'un mëti'ipë Tios xyëëwkuuykyäjpxypën ets mëti'ipë ka'ap txëëwkuuykyäjpxyën.

Eclesiastés 7:25

Ënätës ntëjkëy määpyë tajpë etsës ntëjkëy ijxpëjkpë, mpaata'anyës ja jot winma'any mëti'ipë mëpaat y'oypyëtsimyën, etsës ojts may ja winma'any npaaty oyëtypë. Tëës nijawë ko ka'ap y'oyëty ko tsuu nëpap nyajpatmëty ets ko ka'ap ko tsuu poj nja'ay'ajtmëty.

Proverbios 14:32

Yë ëxëëk ja'ay kë'ëm ëxëëk nyätyunyë ko ëxëëk y'ëti'itsy y'ënä'äny; e yë ja'ay mëti'ipë tëy tëtä'äky winë tyuunpyën, yë'ë kuwanëp ma mëtëy tyu'uye'eyën.

Salmos 51:5

Tyamës yajxon nikäjpxy koos ëxëëkës nja'ay'äty, jëtu'unës ntimmyiiny ntimyjyä'äjty naaxwiiny naaxkëjxy pokyjyä'äy, koos ënäty njap'atynyëm ntaakës jyootjoty.

Job 15:16

ni'ik yë ja'ay, mëti'ipë pokytyum xëmë yajpatpën ets aakjä'ä xëmë y'ijxyp tyuunpy ka'apë y'oyëtyën, mëti'ipë pokytyuunpën tä jeexyë nëë t'uukyën.

Génesis 8:21

Ko jyä'äjty ja xu'kën janty'oy jam Tios wyintum, ënät y'ënäny yë Wintsën: Nijëna'ajës yë naaxwiinyëtë jëtu'un nka'ëkpojknëty mëët ko ënäty yë naaxwiinyëtë ja'ay pyokymyëët'atë. Jä'ä ko yë naaxwiinyëtë ja'ay mutsknëm jëtu'un tmëtso'ontaakëtë tuuntëko'oy kajpxtëko'oyën. Yë jëyujkëty nän ka'apës nëjkx n'ëkyajkutëkooynyë, ijxtëm tyam të jyäty të kyëpetyën.

Hechos 26:11

Kanaak'okës të ntsaatsytyuntë ma ja tsajptëjkën ets atsip ja Jesús ntukmëkajpxtëkoya'antës. Jä'ä koos nëkooyë njoot'anpëjknë, paatykyëjxm ojts npajëtijtä'äkyës jëkämpaat ma tsyëënëtën ja ja'ay mëti'ipë ka'ap jyutiis'atën.

Génesis 6:5

Ko jëtu'un ja Tios t'ijxy ko ja naaxwiinyëtë ja'ay tyëkooynyë ets je'eyë xëmë tmëmaay tmëët'ajnë wi'ix pyokytyunëtyën.

Eclesiastés 2:14

Yë ja'ay mëti'ipë wijyën oy winë t'ixy tkoy, e mëti'ipë tsuujën jëtu'un jyëtity akootstuuypyën. Je'eyëp ko tëëjës nijawë ko tu'knax yë ja'ay kyëjxta'aja'antë.

Eclesiastés 7:2

Ni'ik tsyowpaaty ko nëjkxmëty ma ja'ay nyaaxtëkën ets këtii ko nëjkxmëty ma ja'ay xyëëwtunyën; jä'ä ko yë o'kën tëko'oyën kopkpëky ko yë naaxwiinyëtë ja'ay tpata'aja'any ets mëti'ipë juuky'ajtëpën oy ko jeexyë tja'amyätstë.

Eclesiastés 9:4

Jyaak jëkyejpy njaakjëjp'ijxmëty yë ja'ay mëti'ipë juukyën. Jä'ä ko ni'ikë oy tu'uk yë uk mëti'ipë juukyën ets këtiinëm tu'uk yë kaa mëti'ipë tëë y'o'knën.

Jeremias 16:12

E miitsëty nän wäänë o'ktëy të m'ëtëtsnëtë këtiinëm ja m'ap m'okëty, nitu'ukjaty aakjëtu'un winë të xytyuunëtë tä kë'ëm mmaytyën mtajtën ets ka'apës të xymyëmëtowtë.

Jeremias 17:10

Ëjts, mëti'ipë Wintsën'ajtpën, mëti'ipë nyija'awëtyääpyën yë jot winma'any, mëti'ipë wa'ats y'ixy'äjtypyën wi'ix ja'ay tu'ukjaty myäy tyäjyën, mëti'ipë myooytyääpyën nitu'ukjaty yë ja'ay kyuma'ayën ijxtëm të tyuny të kyäjpxyën.

Job 9:22

Aakjëtu'un winë y'ixëty. Jëtu'unës ëjts nmay ntajy; yë'ë je'eyëm tyaj'ooky ja'ay, wä'än tpokyjyä'äyëty ets wä'än twa'atsja'ayëty.

Job 21:26

Jap naaxjoty kyëtakta'atë, jap aak tu'knax yajpaatë; aak tsu'tsëtëp yë tënë'k ets pijky.

Salmos 64:7

Tios yë'ë nëjkx yajtsëtyutëtë mëët yë tyi'pxn, ajotkumonë nëjkx yajtsëtyutëtë;

Eclesiastés 9:11

Ma ya'atë naaxwiinyëtën nän tëëjës n'ixy ko ka'ap yë'ëjëty yajtijy pe'tym yë ja'ay mëti'ipë pe'tym pëyë'kpën ets ka'ap yë'ëjëty yajtijy jotmëk mëti'ipë mëtakpën tsipjoty; ets ka'ap yë'ëjëty xëmë tmëët'atë yë ka'ayën ukën mëti'ipë wijyëtyën ets ka'ap yë'ëjëty kyumeeny'atë ja'ayëty mëti'ipë ixpëkyëtyën ets ka'apë xyëmëty yaj'ëxaj yajkupëktë yë ja'ayëty mëti'ipë tëë këpetyëtyën; yë'ëjëty ënät yë winë tpaatë oy ko jëtu'un txëëwatë.