Eclesiastés 9:18 - Biblia Mixe de Quetzaltepec

¹⁸ Ni'ik tsyowpaaty yë ixpëkyajtën këtiinëm yë pujxn mëti'ipë ja'ay myëtsiptuunpyën. Ko tii oy tkatuny mëj këjää ëyo'on jotmay y'ity.

Biblia Dc en Mixe de Quetzaltepec

¹⁸ Ni'ik tsyowpaaty yë ixpëkyajtën këtiinëm yë pujxn mëti'ipë ja'ay myëtsiptuunpyën. Ko tii oy tkatuny mëj këjää ëyo'on jotmay y'ity.

Eclesiastés 9:18 ပူးပေါင်းရင်းမြစ်များ

Josue 7:5

jä'ä ojts y'ooktë yë Israel ja'ayëty i'px majkmokx tu'uk, ëpëky ja mëti'ipë ojts jyaakä'äktën ojts yajpapo'otë jampaat ma ja tsaatunën. Jam yajnajtspatëtë ma wyinjënäkyën ets ëxëëk yajtuuntë. Paaty ojts may ja ja'ay jyotmäjtskëtë ets ja jyotmëk'ajtën tyajtëkooytyë.

Josue 7:1

Tu'uk yë ja'ay mëti'ipë xyëëwajtypyën Acán yë'ë Judá jyä'äy, yë myaank yë Carmí, y'ok'u'unk yë Zabdí ets Zara, ojts kanaak winë tmënëjkxy ma tyëjkën mëti'ipë ënäty yë Tios të tni'ënä'ämën ets kyutëkoyëty, e mëët ko ojts toonpë mëti'ipë ënäty ja Wintsën të tnikäjpxyën ets kyutëkoyëty, tëkokyë ja Israel ja'ayëty ojts pyokytyëëmë'kta'atë. Yë Wintsën ojts tyukjoot'anpëkëtë.

Eclesiastés 9:16

Ëjts jëtu'un n'ëna'any ko ni'ik mëpaat tsyowpaaty yë wijyajtën këtiinëm yë jotmëk'ajtën, oy yë oyoopë ja'ay wijypyë pën kyatunëtëty këwentë ets oy pën kyamëj'ixëtëty ets tkämëtoow'itëty yë y'aaw y'ayuk.

2 Timoteo 3:8

Ets jëtu'un ijxtëm ja Janes ets Jambrés tmëtsippëjktën ja Moisés, näjyëtu'un tääpë ja'ayëty tmëtsippëktë ja tëyajtën. Ma'at yë wyinma'anyëty ets tëë ja myëpëjkën tyajtëkooynyëtë.

Josue 22:20

Ja'amyätstë ko yë Acán yë Zara myaank ojts yë Tios tmëtëkoy ko ojts tyu'utsy mëti'ipë ënäty ja Wintsën yë'ë të yajtuknipëjktaakën ets mëët yë'ëkyëjxm tëkokyë ja Israel kajpn y'ëyo'onpataay. Tääts yajja'akyukë ko yë Acán ka'ap y'atu'ukëty je'eyë ja pyoky tku'o'këy.

2 Reyes 21:2

Je'eyëp ko ja tyu'unën kyajpxën ka'ap ja Wintsën ojts oy t'ixy, jä'ä ko näjyëtu'un winë tuuny ëxëëkjaty tä ja kajpnëtyën mëti'ipë ënäty ja Wintsën të t'ëxwopyën ko ja Israel ja'ayëty jam jyajtë:

Eclesiastés 2:13

Ets të npaaty yë winma'any ko oy ni'ik yë wijyajtën ets këtii yë tsuuajtën, jëtu'un tä ni'ik y'oyëtyën yë të'kxën jajën ets këtii yë kootsajtën.

Eclesiastés 7:12

Jä'ä ko yë wijyajtën jëtu'un kyuwa'any tä yë wit meenyën, je'eyëp yë wijyajtën yäjkpy ets kyuwäämpy yë juukyajtën ma wijyjyä'äyën.

1 Samuel 14:30

ets ni'ik ko jeexyë ja ja'ay të tjë'kxtë mëti'ipë ja mëtsip të tyajtukni'o'ktu'utën. Ets wä'än jeexyë ni'ik ëxëëk të ntu'unëm yë filistejë ja'ayëty.

Job 35:8

Yë naaxwiinyëtë ja'ay yë'ë m'ëxëëk tuumpy mëët yë mpoky ets pën oy winë të xytyuny yë'ë tyuk'oy'ajtëp.

Eclesiastés 7:19

Ni'ik yë ja'ay jotmëk nyäjyawëty mëti'ipë wijyën, këtiinëm jëtu'un ko nimajk njatukjotmëk'ajtmëty yë yajkutujkpë naaxjoty kajpnjoty.

Eclesiastés 10:1

Ëxëëk xyuuky tu'uk yë tsaty'ooky, yajma'typ yë olivë on mëti'ipë pa'akxu'kpën. Yajmëjnajxyp yë ja'ay ni'ik yë wäänëpë inkäjpxy, këtiinëm yë wijy'aaw wijy ayuk mëti'ipë yajkajpxpën mëët näwyinkutsë'ëkë.

Eclesiastés 10:10

Ko yë jatyë jyëjpkëtä'äky ka'ap oy pyuxy, koonëm mëk yajnixajjë'ëky täänëm tyuky yë ja'axy.