Eclesiastés 8:7 - Biblia Mixe de Quetzaltepec

⁷ yë'ë mëti'ipë tunan jatanëpën, ka'ap maa pën mëti'ipë jeexyë winë nyikäjpxypën.

Biblia Dc en Mixe de Quetzaltepec

⁷ yë'ë mëti'ipë tunan jatanëpën, ka'ap maa pën mëti'ipë jeexyë winë nyikäjpxypën.

Eclesiastés 8:7 ပူးပေါင်းရင်းမြစ်များ

Eclesiastés 10:14

Ja'ay mëti'ipë tsuujën je'eyë tyäty myëtyä'äky. ¿Pën y'ëknija'awëp tii tunan jatanëp? Ni pën tkanijawë mëti'ipë miimp wiinkoonpën.

Mateo 24:50

ma ënäty ka'ap t'a'ixy tjëjp'ixyën wyimpita'any ja wyintsën, jää nëjkx ja wyintsën y'ëkëty myiny,

Eclesiastés 9:12

Ets ka'ap tii jëna'ajëty nyayajtuk'oyë, ka'ap yajnijawë jëna'a yajtuk'oyëja'any: Jëtu'un tä yë nëë jëyujkën ëkë tä yë joonën muum ajotkumonë kyukäkë ma y'o'ktaknën, näjyëtu'un yë naaxwiinyëtë ja'ay nän ajotkumonë muum y'ëkëty y'ëyo'onpaaty.

Proverbios 24:22

jä'ä ko yë'ëjëty wäänë oy y'itë ets ëxëëk jyata'an kyëpäta'antë, ni pën tkanijawë tii tëytyu'unën mo'ojanëtëp yë Tios mëti'ipë ënä'ämp yajkutujkpën.

Mateo 24:44

Paaty miits näjyëtu'un mnäkyëwent'atëtëty, jä'ä ko jääjës nëjkx nminy ko ënäty miits ka'ap xyjyëjp'ixtës.

Eclesiastés 6:12

Ni pën tkanijawë, tii jëtää naaxwiinyëtë mëpaat yajxon tukxoontä'äky ma yaa wäänë jyuuky'ajtkojyën ets ma mëtyoy yë xyëëw jyëmëjt nyäxyën. Tä äpkën yë jyuukyajtën nyajxkojy, ¿ets pën ëktuk'ëwa'anxëtëp tii miimp wiinkoonp? ma ënäty të y'o'knën.

Eclesiastés 3:22

Tëës nijawë ko ka'ap maa wiinkpë tii jaak'oypyë mëti'ipë yë naaxwiinyëtë ja'ay mëpaat tukxoontä'äkyën, yi'iyë patëp tukxoonta'akëty ko tyunëty ye'eyëty, jä'ä ko yi'iyë jëtu'un pät nitëjkëyëp, jä'ä ko ka'ap tjëkyepy pën tyuk'ëwa'anxëtëty tii tunan jatanëp ko ënäty të y'o'knë.

Proverbios 29:1

Mëti'ipë ja'ay juun yë jyot wyinma'any pyëjktäkpyën ko yaj'ojy, ka'ap jeky jyuuky'ata'any; ets ni pën jää kya'ëna'anëty ëkë wi'ix ko të y'ooky.

Eclesiastés 7:14

Ko myajpaatëty akujk jotkujk, mtukxoonta'akëp; e ko ka'ap oy mjotkujk'ajtën xypyaatëty mëmay mëtajëp ko aakyë'ë Tios yäjkpy ets naaxwiinyëtë ja'ay ka'ap tnijawë tii nimiin nikëtakëp.

Ester 5:12

Ets ka'ap yi'iyëty, tyaa näjyëtu'un t'ënëmaay: Nen tëëjës näjyëtu'un ja Ester xywyoy kääpyë, ëjts atu'uk të nyajwoy mëët yë yajkutujkpë Asuero, ma xyëëw të yajtuknipëjktaakën; e tyam tëëjës nyaj'ënëmaaykyojnëpë etsës jatëkok nnëjkxëty jëpom kääpyë mëët ja yajkutujkpë ma Ester tnixëëwtuna'anyën ja yajkutujkpë.

Proverbios 27:1

Këtii xynyikajpx xynyimëtya'akëty tii jëpom mtunäämpyën, jä'ä ko ka'ap xynyijawë tii jëpom tunan jatanëp.

Eclesiastés 9:1

Tëyajtën yë'ë koos tëëjës nijawë, ko yë oyjyä'äytyëjkëty ets wijjyä'äytyëjk yë tyu'unënëty kyajpxënëty jam yë yajpaaty ma Tiosën. Yë naaxwiinyëtë ja'ay ka'ap ninu'un tnijawë yë tsojkën ja'awën ets näy'ëxëëk'ixë näkya'oy'ixë, oy janty jëtu'un wintuuy tjamëëtëty.