Eclesiastés 8:5 - Biblia Mixe de Quetzaltepec

⁵ Mëti'ipë mëtoopën ets käjpxyjyä'äykyujkëpën ka'ap tii jyata'any kyëpäta'anyë, mëti'ipë ja'ay wijyën nyija'ap wi'ix tii oy tunëtyën ets jëna'a tii oy tunyën.

Biblia Dc en Mixe de Quetzaltepec

⁵ Mëti'ipë mëtoopën ets käjpxyjyä'äykyujkëpën ka'ap tii jyata'any kyëpäta'anyë, mëti'ipë ja'ay wijyën nyija'ap wi'ix tii oy tunëtyën ets jëna'a tii oy tunyën.

Eclesiastés 8:5 ပူးပေါင်းရင်းမြစ်များ

Hebreos 5:14

E ja mëti'ipë yajpatëpën ijxtëm yë mëjatyjyä'äyën mëti'ipë kaaytyëp uktëpën, yë'ë mëti'ipë të tmëyujtën ets nyija'awëtyëp mëti'ipë oy ka'oyën.

Hechos 4:19

Tääts ja Pedro ets ja Juan y'ëtsoowtë: Miits kë'ëm yajxon ëkwinmay ëkwintajtë pën paat'ajtëp Tios wyintuuy ko miits myajmëmëtowtëty ets Tios ka'ap.

Lucas 20:25

Tääts ja Jesús y'ënëmaayëtë: Mo'otë ja yajkutujkpë mëti'ipë yë'ë jyä'ä'ajtypyën ets mo'otë ja Tios mëti'ipë yë'ë jyä'ä'ajtypyën.

1 Crónicas 12:32

Ma ja Isacar ja jyä'äyën, mëti'ipë nyija'awëtyëpën wi'ix ja xëëw po'o myiny kyëtä'äkyën ets tii mëpaat ja Israel ja'ayëty tuntën; jä'ä nyiwinë'ajtë mëti'ipë ojts tniwintsën'atyën nimäjtsk mëko'px ja mëti'ipë nyikopk'ajtën ja jyä'äyëty.

Hechos 5:29

Tääts ja Pedro y'ëtsooy mëët ja myëku'uktëjk: Yë'ë ëëts xypyatëp ets ja Tios nmëmëtowtëtyës, këtiinëm ja ja'ay.

Oseas 5:11

Yë Efraín ëxëëk yajtuny, ka'ap yë myëk'ajtën yajwinkutsë'ëkë mëti'ipë ja paat'ajtëpën mëët ko yë'ë të tpanëjkxtëkë yë wiink tios.

Eclesiastés 10:2

Yë wijyjyä'äy yë jyot wyinma'any jam tyajtëëynyë ma oypyën, e yë ëxëëk ja'ay jam tyajtëëynyë ma ëxëëkpën.

Eclesiastés 8:2

Mtunëp ja ënä'ämën mëti'ipë ja yajkutujkpë të tni'ënä'ämën, jä'ä ko jëtu'un të xytyuny ja waantakën ma Wintsënën.

Eclesiastés 2:14

Yë ja'ay mëti'ipë wijyën oy winë t'ixy tkoy, e mëti'ipë tsuujën jëtu'un jyëtity akootstuuypyën. Je'eyëp ko tëëjës nijawë ko tu'knax yë ja'ay kyëjxta'aja'antë.

Proverbios 17:24

Yë wijyajtën myëmääpy myëtäjpy tpaata'any wijyjyä'äy, e yë tsuuja'ay ka'ap tmëmay tmëtajy tii pyatäämpy.

Éxodo 1:17

E ja to'oxytyëjkëty, mëti'ipë ja'axtëpën mëti'ipë ja myëto'oxytyëjk kyëwent'ajtëpën, ojts ja Tios tsë'ëkëtë, ka'ap jëtu'un tuuntë tä ënäty ja mëj'ënä'ämpë të jyanë'ëmxëtën mëti'ipë jap Egiptë tuunpën. Yë'ë ojts tyajwë'ëmtë ja yä'äy ëna'k u'unkëty ets jyuuky'atëty.

Colosenses 1:9

Paaty, koos ojts nijawëtë, xëmë ja Tios miits ntuknija'amyätsëtë, n'amëtowtës ja Tios ets kä'pxy mtuknijawëtëty mëti'ipë tsyojkpyën ets mmo'ojëtëty tu'kë'ëyë wijyajtën kejyajtën mëët yë Kyënu'kxymyëk'ajtën.

Salmos 119:6

Ka'apës nitii ntsëtyu'unjawëty koos npatunëty ja m'ënä'ämën mtëyajtën.

Proverbios 12:21

Yë wa'ats ja'ay nijëna'a ëxëëk kyajaty kyakëpety, e yë ëxëëk ja'ay tu'kë'ëyë nëjkx tsëëmnajxta'ay ja ëyo'on jotmay.

Eclesiastés 12:13

Jëtu'un jyëjpkëxy ja kë'ë ëma'ayën. Yë Tios yë'ë mmëjjaw mkënu'kxyjyawëp ets yë'ë mpatunëp yë y'ënä'ämën tyiyajtën, jä'ä ko yi'iyë jëtu'un mëpaat yë naaxwiinyëtë ja'ay tuny.