Eclesiastés 8:4 - Biblia Mixe de Quetzaltepec

⁴ Yë yajkutujkpë mëët jä'ä ko tmëët'aty kutujkën ko kyäjpxy, ka'ap tjëkyepy pën yajtëwëtëty tii ko jëtu'un winë tuny.

Biblia Dc en Mixe de Quetzaltepec

⁴ Yë yajkutujkpë mëët jä'ä ko tmëët'aty kuttujkën ko kyäjpxy, ka'ap tjëkyepy pën yajtëwëtëty tii ko jëtu'un winë tuny.

Eclesiastés 8:4 ပူးပေါင်းရင်းမြစ်များ

Job 9:12

Ko tii tjä'äniwa'anëty, ¿pën tuk'ojëtëp? ¿Pën ëkyajtëwëtëp tiijaty tyuunpy?

Daniel 4:35

Ma yë'ëjën nitu'uk yë naaxwiinyëtë ja'ay kyamëkëty. Yë'ë jëtu'un winë tuny tä të tuknipëjktaakën, tsajpjotm ets naaxkëjxy. Ka'ap pën tjëkyepy yë myëk'ajtën tjëjpkuwa'akëty ets ka'ap pën tjëkyepy tyajtëëwinpitëty tii ya'atë xi'itë jëtu'un tuny.

Romanos 9:20

Mijts naaxwiinyëtë ja'ay ¿tiikutujkën mëët'ajtyp ets ja Tios xyajtëwëty tii tyuunpyën oy ka'oy? ¿Wä'än jëtää ja tu'ts nëëmëty ja mëti'ipë yajkojëpën tiijës ko jëtu'un të xyajkojyë?

Proverbios 20:2

Ko tu'uk yë yajkutujkpë jyoot'anpëky, jëtu'un tä kaa nyiitsyën; pën yajjoot'anpëkëp jam ënäty nyäpyëjktä'äkyë o'kënjëjp'am.

Proverbios 19:12

Ko tu'uk yë mëj ënä'ämpë jyoot'anpëky, jëtu'un yë'ë tä tu'uk yë mëj kaa nyiitsyën; e ko oy nyäjyawëty, jëtu'un tä yë maanik kyä'äyën ujtskëjxy.

Daniel 3:15

¿Wi'i m'ëwtatantëp ets mwinkoxtänëjantëp yë awinax mëti'ipës të ni'ënä'ämën ets kyojëtyë ko ënäty ja xuxpë wojpë tyëkëtë xuxpë? Jä'ä ko pën miitsëty ka'ap xy'ëwtatë ya'atë awinax, jap ënät jëëntooytyaknjoty myaj'ajëpipëtëty mëti'ipë jap tyam aanpëjkpën; e ko ënät jap myajpëjkta'aktëty ¿pën tios ënät mnäyajtso'okëtëp?

Proverbios 30:31

yë këtseynyë'aaw, yë tsajppax yä'äypyë ets yajkutujkpë mëti'ipë jëyëjp nëjkxpën ma ja tsyiptuunpëtëjkën.

1 Reyes 2:46

Tä ja yajkutujkpë t'ënëmaay ja Benaías, yë Joiadá myaank ets nëjkx ja Simí tyaj'ooky; tä ja Benaías tsyo'ony ets ojts tjanty yaj'ooky ja Simí. Jëtu'un ojts kyopkpëky ja Salomón ja kyutujkën.

1 Reyes 2:25

Ënät ojts ja Benaías, ja Joiadá myaank tuk'ëne'emy ets tyaj'ookëty ja Adonías, jëtu'un ja Adonías y'o'ky.

Éxodo 1:18

Ënät ja mëj'ënä'ämpë ojts myëkajpxëtë ja japë Egiptë yajkutukyën ets y'ënëmaayëtë: ¿Wi'ix ko të xyajwë'ëmtë yë mëxu'unktëjk, mëti'ipë yä'äy'ëna'këtyën ets jyuuky'atëty?

2 Samuel 24:4

E ja yajkutujkpë ojts ja y'ënä'ämën tukkupëky ja Joab ets ja tsyiptuunpëtëjk, paaty ja Joab ojts jam tsyo'onëtë mëët ja tsiptuunpëtëjk ets tjaaymyuka'antë ja ja'ayëty.

1 Reyes 1:30

mëti'ipës ojts ntukwinwanën Wintsën xyëëwkyëjxm, mëti'ipë yaj'ëwtajtpën ma Israel ja'ayëtyën, tyamës nkuuytyuna'any: Yë mmaank Salomón yë'ëjës xykyutëkëp ets yë'ë yajkutukëty.

Esdras 6:13

Ënät ja yajkutujkpë Tatenai, mëti'ipë jam ënä'ämpën matsow ja xëëw kyëtä'äkyën, wiinkonpë Éufrates nëëjën ets ja Setar-boznai ets ja myëku'uktëjk, tuuntë jëtu'un tä ënäty ja Darío yajkutujkpë të tni'ënä'ämën.