Eclesiastés 7:4 - Biblia Mixe de Quetzaltepec

⁴ Yë wijyajtën myëmääpy myëtäjpy yë o'kën tëko'oyën ets tsuuwinma'any yi'iyë myëmääpy myëtäjpy wi'ix xyi'ika'any xyona'anyën.

Biblia Dc en Mixe de Quetzaltepec

⁴ Yë wijyajtën myëmääpy myëtäjpy yë o'kën tëko'oyën ets tsuuwinma'any yi'iyë myëmääpy myëtäjpy wi'ix xyi'ika'any xyona'anyën.

Eclesiastés 7:4 ပူးပေါင်းရင်းမြစ်များ

Oseas 7:5

Ko ojts ja nkutujkpë'ajtëm yajtukujeny ja kyujän, ojts ja wintsëntëjk yajpa'ampätëtë tsatym nyëë mëti'ipë tëë nyimaanaxyën, jä'ä ko y'anëty. Ets të tputëkë ja mëti'ipë tukxik tuk'ëwë'këpën.

Daniel 5:30

Jä'ä tsu'um ja Belsasar yajkutujkpë tyaj'o'ktë, mëti'ipë ënäty jam yajkutujkpën ma Caldeo ja'ayëtyën,

Jeremias 51:57

Yë Yajkutujkpë, yë Wintsën mëti'ipë maaytyääyëpën winë, jëtu'un y'ënä'äny: Nyajmukpëkäämpyës yë wintsëntëjkëty mëti'ipë jam Babilonyë yajpatëpën, näjyëtu'un yë wyintsëntëjkëty, y'ënä'ämpëtëjkëty ets tsyiptuunpëtëjkëty; jëtu'un jyajta'aja'antë tä jeexyë myaanaxtën ets ka'ap y'ëkwijnëtëty.

Jeremias 51:39

Ko ënäty y'an'ooktë, yë'ëjës ntuk'uukäämpy yë nëë mëti'ipë mukpën ets yajtëko'oxyëtëty yë jyot wyinma'any. Jëtu'un nëjkx tu'ukyë myaanaxtë xëmëkyëjxm ets ka'ap y'ëkwijnëtëty. Ëjts Wintsën, ëjts ënaanp.

Isaías 21:4

Ëjts ka'apës n'ëkwinma'anypyatnë, jëtu'unyës nkutsuu nkupojënë mëët ja tsë'ëkë. Ko ijty jyënäky xëëwaty janty oyës ijty nnäjyawëty, tyam ëxëëkëmës je'eyë nnäjya'awënë.

1 Reyes 20:16

Kujkxyëëw ojts tsyoontë, tam ënäty ja Ben-adad yajxon jyänty y'uuk jyänty pyëktë mëët ja myëkutujkpëtëjk, ma jam ja tëjkën nixo'ompyë mëti'ipë ënäty jam të tkojtën,

2 Samuel 13:28

tëë ënäty t'ënëëmë ja tyuunpëtëjk: M'ixtëp yajxon, ko ja Amnón myukpëkëtëty, koos nikajpxëty ets xyaj'ooktëty, tääts ënätyë xyaj'ooktëty. Këtii mtsë'ëkëtëty, ëjts yam jëtu'un ni'ënä'ämëp. Amëk jotmëk myajpaatëty.

1 Samuel 30:16

Ets ojts tjantywyoownëjkxy jam ma ënäty tääpë ja mä'tspë yajpaatën. Xity ko'ow ënäty të nyätyuunta'ajëtë jam kamjotm. Je'eyë jam kyääynyëtë pyëjknëtë ets y'uknëtë pyëjknëtë, tukxëëwtuntë ko ënäty ojts të myäätstë jam ma ja filistejë ja'ay ja kyajpnëtyën ets ma ja Judá kajpn näjyëtu'un tnitänën.

1 Samuel 25:36

Ko ja Abigail jyä'äjty ma tyëjkën, tä t'ijxy ko ja Nabal tyäty xyëëwtuump ënäty jam, jëtu'un tä tu'uk yë yajkutujkpë xyëëwtunyën. Janty jotkujk nyäjyawëty ets yajxon myukënë. Paatykyëjxm ka'ap wi'ix t'ënëmaay koonëm ojts wyijy.

Nahúm 1:10

Jëtu'un tä äpnyën tëëpë yajxon nyämyatsyën, tä yë tsajpmok kepyën të'ëtspë, jëtu'un nëjkx mnitooytya'atë.

Eclesiastés 2:1

Ënätës ojts kë'ëm nämyä'äy nätyajxëty: Tyam minës n'ëkjuuky'äty ijxtëmës kë'ëm ntimy myäy ntimy tyäjyën, minës n'ëktukxony yë juukyajtën. E ya'atë winma'any natëkë winma'any näjyëtu'un.

Eclesiastés 7:3

Ni'ik tsyowpaaty ko nyaxmëty ets këtii ko nxikmëty, jä'ä ko oy ëxëëk yë wiin jëjp ntu'unmëty jap jootjoty winma'anyjoty jotkujkëp jap.

Eclesiastés 7:5

Ni'ik tsyowpaaty ko tu'uk wijyjyä'äy xy'ojmëty ets këtii ko tu'uk tsuuja'ay xytyukxoontakmëty.