Eclesiastés 7:2 - Biblia Mixe de Quetzaltepec

² Ni'ik tsyowpaaty ko nëjkxmëty ma ja'ay nyaaxtëkën ets këtii ko nëjkxmëty ma ja'ay xyëëwtunyën; jä'ä ko yë o'kën tëko'oyën kopkpëky ko yë naaxwiinyëtë ja'ay tpata'aja'any ets mëti'ipë juuky'ajtëpën oy ko jeexyë tja'amyätstë.

Biblia Dc en Mixe de Quetzaltepec

² Ni'ik tsyowpaaty ko nëjkxmëty ma ja'ay nyaaxtëkën ets këtii ko nëjkxmëty ma ja'ay xyëëwtunyën; jä'ä ko yë o'kën tëko'oyën kopkpëky ko yë naaxwiinyëtë ja'ay tpata'aja'any ets mëti'ipë juuky'ajtëpën oy ko jeexyë tja'amyätstë.

Eclesiastés 7:2 ပူးပေါင်းရင်းမြစ်များ

Salmos 90:12

Tukni''ijxëtëkës wi'ixës ja nxëëw njëmëjt nyajnaxtëtyën etsës nmëët'atëty ja ixpëkyajtën ets ja nija'awën.

Deuteronomio 32:29

Kooxyëp jeexyë y'ëkwijy'atë ets oy winë tmëmay tmëtajtë; wyinja'awëtyëp jeexyë ma jya'ta'antën ma ka'ap oy jyuuky'atëtyën.

Hebreos 9:27

Jëtu'un ijxtëm yajtuknipëjktakëyën ja ja'ay tuk'okyë y'ookëty ets yajnipaye'eytyëty.

Deuteronomio 32:46

Ko y'ëëwtaaytyë ënät yë Moisés t'ënëmaay ja naax kajpn: Mëmay mëtajtë tyam mëti'ipë të ntukmëmëtya'aktën, nëjkxëp näjyëtu'un xytyukmëmëtya'aktë ya'atë aaw ayuk, mëti'ipë ja ënä'ämën tëyajtën nyimëtyäkpyën.

Filipenses 3:19

yë'ëjëty ëxëëk nëjkx kyukëxë. Jam ja wyinma'any tpëjkta'aktë ma ja kääky uukyën; yë'ë nätyukmëjpëjktakëtëp mëti'ipë jeexyë tsyuktsëtyuuntëpën. Yi'iyë myääytyëp tyajtëp mëti'ipë yaa naaxwiinyëtën.

Mateo 5:4

Jotkujk yë ja'ay yajpaatë mëti'ipë jëëytyëp yaxtëpën, jä'ä ko yë'ë Tios yajjotkujk'atanëtëp.

Hageo 1:5

Ëjts Wintsën, mëti'ipë maaytyääyëpën winë, jëtu'unës n'ëna'any: ko yajxon xymyëmay xymyëtajtëty wi'ix mmaytyën mtajtën.

Isaías 47:7

Ets m'ënany: Ëjts xëmë wintaj'ataanp yajkutujkpë'ataanp. Mijts ka'ap ojts nijënu'un xymyëmay xymyëtajy wi'ix mkukëxëja'anyën.

Números 23:10

Jëtu'un yë'ëjëty tä naaxwayën. ¿Pën y'ëkmëtyowëp? ¿Pën ëkmayëtëp tnijawëty jënu'un nyimay'atë? Jëtu'unës njatsoky, jeexyë n'ookyës ntëkoyës tä yë'ëjëtyën. Wa'ats, nitii tuuntëko'oyën tkamëët'atë etsës jeexyë jëtu'un nkëxy nnaxy, tä yë'ëjëtyën.

Malaquías 2:2

Pën miitsëty ka'ap xymyëmëtowtës ets ka'ap xywyinkutsë'ëkëtës, nëjkxëp mpoktë. E miitsëty mëët ko ka'ap të xymyëmëtowtës ëjts ëxëëkës yam nyaj'awinpita'any yë oypyë tu'unën kajpxën ets yë'ëpaat mëti'ipë yë teetytyëjkëty oy të tjatuntën. Yë Wintsën mëti'ipë maaytyääyëpën winë yë'ë jëtu'un ënaanp.

Eclesiastés 2:14

Yë ja'ay mëti'ipë wijyën oy winë t'ixy tkoy, e mëti'ipë tsuujën jëtu'un jyëtity akootstuuypyën. Je'eyëp ko tëëjës nijawë ko tu'knax yë ja'ay kyëjxta'aja'antë.

Eclesiastés 2:16

Jä'ä ko mëti'ipë ja'ay wijyën ëkë mëti'ipë ja'ay tsuujën ka'ap nimëti'ipë yajja'amyätsa'antë; ko nyäxy yë xëëw jëmëjt tääts winë yajja'atyëkooynyë, yë wijyjyä'äy ets tsuuja'ay tu'knax y'oka'an tyëkoya'antë.

Eclesiastés 3:19

Jää ënät yajwinjawë ko yë naaxwiinyëtë ja'ay ets aayjëyujk ujtsjëyujk tu'knax kyukëxëja'antë; tu'knax yë o'kën tëko'oyën jyää'aty wintu'uk paatu'uk ets tu'knax näjyëtu'un ja juukyajtën tsuxk'ajtën jyää'aty. Ka'ap tii mëk'ajtën yë naaxwiinyëtë ja'ay tmëëtëty mëti'ipë aayjëyujk ujtsjëyujk ka'ap tmëët'atyën; tääpë nän natëkë winma'any yë'ë,

Eclesiastés 3:20

ko y'ooktë tyëkoytyë aakjam jyajta'aja'antë ma tu'uk nyijkxyën; naax ojts yajtuk'oytyuntë ets nän naax jatëkok y'awinpita'antë.

Eclesiastés 6:6

jä'ä ko oy jeexyë mäjtsk mil jëmëjt jyatim jyuuky'ajtpë ka'ap tukjuuky'äty ja mëti'ipë nyijëtu'un nyiye'eyëpën. Ko tpaaty ja xëëw jëmëjt jap nyëjkxta'atë ma o'kpë nyipetyën.

Eclesiastés 9:2

Aak o'kpë aak tëkoopyë ja'ay y'itë, wä'än yë'ëjëty wa'ats ja'aytyëjk ets ëxëëkja'aytyëjk, wä'än t'oyjyä'äyëty wä'än t'ëxëëkja'ayëty, wä'än të'kxypyëty ets wä'än tpu'uxm mëëtpëty, wä'än yë'ëjëty mëti'ipë wintsë'kën yäjkpyën ets wä'än yë'ëjëty mëti'ipë ka'ap tyäkyën; näjyëtu'un yë wa'ats ja'ay ets pokyjyä'äy, mëti'ipë, jëtu'un mëti'ipë Tios xyëëwkuuykyäjpxypën ets mëti'ipë ka'ap txëëwkuuykyäjpxyën.

Eclesiastés 9:3

Yë'ë jëtu'un ya'atë ka'ap oy n'ijxmëty mëti'ipë naaxwiiny naaxkëjxy tuunëpën jajtëpën. Näyjyëtu'un ënät jatu'kpëky ja ayuk, yë naaxwiinyëtë ja'ay jä'ä xëmë myëmääpy myëtäjpy tuuntëko'oy kajpxtëko'oyën; ja tsuuwinma'any kupoj winma'any jä'ä nätyuk'ënä'ämëp mapaat jyuuky'ätyën; ets ko y'ooky tyëkoy nitëyë yajmënëjkxnë jutjoty.

Jeremias 16:8

Këtii mtëkëty ma jëën tëjkën ma ja'ay kyäytyën y'uuktën, këtii nëjkx jap mkääpyë m'ukpë,

Eclesiastés 9:5

Ets näjyëtu'un mëti'ipë ja'ay juuky'ajtëpën nyija'awëtyëp ko y'ooka'antë, e yë o'kpëty nitii tka'ëknija'awënëtë ets nitii tka'ëkpatnëtë, jä'ä ko ja'atyëkoy yë nyëjkxnëtë.