Eclesiastés 7:18 - Biblia Mixe de Quetzaltepec

¹⁸ Oy ko tii ta'tspëky nmajtsmëty ets ka'ap nmajtstutmëty. Mëti'ipë ja'ay jyä'ämyejtsypyën yë Tios aak'oy winë wyimpëtsë'ëmxëty.

Biblia Dc en Mixe de Quetzaltepec

¹⁸ Oy ko tii ta'tspëky nmajtsmëty ets ka'ap nmajtstutmëty. Mëti'ipë ja'ay jyä'ämyejtsypyën yë Dios aak'oy winë wyimpëtsë'ëmxëty.

Eclesiastés 7:18 ပူးပေါင်းရင်းမြစ်များ

Eclesiastés 12:13

Jëtu'un jyëjpkëxy ja kë'ë ëma'ayën. Yë Tios yë'ë mmëjjaw mkënu'kxyjyawëp ets yë'ë mpatunëp yë y'ënä'ämën tyiyajtën, jä'ä ko yi'iyë jëtu'un mëpaat yë naaxwiinyëtë ja'ay tuny.

Lucas 11:42

Miits fariseë ja'ayëty mon tuk myajpaatë, ko tu'pëky xyjyajëpëktë ma ja majk pëkpyën ets ja Tios xyjyatukwintsë'ëkëtë; tä ja menta, rudë ets wiinkëtypë aay ujts mëti'ipë tojkx tsooy'ajtpën; je'eyëp ko ka'ap xymyëjpëjkta'aktë ja mëtëypyë ja nipaye'eyën ets ja Tios ja tsyojkën jya'awën.

Lucas 1:50

Xëmë tpa'ëyoy mëti'ipë wiinkutsë'këyëpën.

Malaquías 4:2

E miitsëty mëti'ipës xywyintsë'këtyëpën, mëti'ipë winë oy nyipaye'eytyëpën, yë mpaye'eyënës mëtëypyë jëtu'un nëjkx tyi'kxy jyäjy xëëwën, mëti'ipë yajtsokp yaj'akëtakpën. Ets nëjkx mnëpëkax mtsajpëkaxtë jëtu'un tä tsajpkaa u'unkën jam ma y'ijtaknën mëët ko ënäty mxoonta'aktën.

Eclesiastés 11:6

Mni'ipëp yë mtëëmp jopyëp ets mni'ipëp näjyëtu'un jënäkyxyëëw, jä'ä ko ka'ap yajxon yajnijawë mëti'ipë wintëwaanp, pën yë'ë mëjëyëjpë ëkë pën yë'ë okpë, ëkë pën majkpëky wyintëy.

Eclesiastés 8:12

Jëtu'un'äämpy ja ja'ay mëti'ipë tuuntëkoopy kajpxtëkoopyën jeky jëna'ajëty jyuuky'äty. Yi'iyës njaaknija'ap ko yë ja'ay mëti'ipë yë Tios y'ëwtajtypyën oy jyuuky'äty;

Jeremias 32:40

Ntunäämpyës yë käjpxytyu'unën mëët yë'ëjëty mëti'ipë xëmë itëpën: tyamës n'ënëëmëja'antë ko xëmës oy nyajjuuky'atanëtë ets nyajkutukäämpyës ets ëjts xëmë xyjyot'atëty ets xytyukxoonta'aktëtyës ets ka'ap nëjkx xy'ëkpuwa'ktutnëtës.

Eclesiastés 3:14

Ets nän nija'apës ko tëkokyë mëti'ipë yë Tios të tyajkojyën kë'ëyxyëëw kë'ëyjyëmëjt yë y'ita'any. Mëti'ipë të tyajkojyën ka'ap tjëkyepy ni'ikyë nyaj'o'oyëmëty ëkë ni'ikyë nyajma'tmëty; tëë winë tyajkojy ijxtëm mëpaat yajtuk'oy'ätyën ets yë'ë yajmo'ojëty tu'uk ja.

Proverbios 8:20

Ëjts yë'ëjës yë në'ë tu'u tëypyë nkuuynyijkxyp, ja tëypyë ja najxtakn.

Eclesiastés 5:7

Mijts myajkëxë'ëkëp yë näwyinkutsë'ëkë ma Tiosën, oy pën tëkatsy tyajtu'uye'eyëty yë jyuukyajtën ets oy pën je'eyë tii ëxëëk tnikäjpxy tnimëtya'akëty.

Eclesiastés 8:13

e yë ja'ay mëti'ipë ëxëëk juukyajtpën, ëxëëk jyatë kyëpätë mëët ko të tkamëët'atë näywyinkutsë'kën ma Tiosën.

Proverbios 12:21

Yë wa'ats ja'ay nijëna'a ëxëëk kyajaty kyakëpety, e yë ëxëëk ja'ay tu'kë'ëyë nëjkx tsëëmnajxta'ay ja ëyo'on jotmay.