Eclesiastés 7:1 - Biblia Mixe de Quetzaltepec

¹ Ni'ik tsyowpaaty ko ja'ay mëj'äämpy y'ity ets këtii ko ja'ay nye'onkuutsyë mëët yë pa'akxu'kpë. Ni'ik tsyowpaaty ko o'kën tëko'oyën y'ity ets këtii ko pën myëxu'unk'aty.

Biblia Dc en Mixe de Quetzaltepec

¹ Ni'ik tsyowpaaty ko ja'ay mëj'äämpy y'ity ets këtii ko ja'ay nye'onkuutsyë mëët yë pa'akxu'kpë. Ni'ik tsyowpaaty ko o'kën tëko'oyën y'ity ets këtii ko pën myëxu'unk'aty.

Eclesiastés 7:1 ပူးပေါင်းရင်းမြစ်များ

Apocalipsis 14:13

Ënätës nmëtooy tu'uk ja ayuk mëti'ipës xynyëmaayën: Kuja'a ya'atë: Jotkujk mëti'ipë tyam o'ktëpën ets mëti'ipë ookantëpën, mëti'ipë tu'ukyë ja Wintsën mëët y'itën. Jëtu'un ja Kënu'kxymyëkajtën y'ënä'äny: Jatëp jëtu'un. Po'kxantëp jä'ä, jä'ä ko oy të tyuntë, jääpaat ja tyuunk y'ëyo'on të tyajnaxtë.

Proverbios 22:1

Ni'ik tsyowpaaty ko mëj'äämpy ja'ay y'ity ets oy yajnikäjpxy yajnimëtyä'äky, këtiinëm ko pu'ts pujxn ets poop pujxn may tmëëtëty.

Eclesiastés 4:2

Paatyës të n'ëna'any nikë oy ko tyim ookëty ja'ay mëti'ipë myëku'uk yaj'ëyoopyën ets këtii ko jyuuky'atëty;

2 Corintios 5:8

Jëtu'un ëëtsajtëm ntukjoot'amëj'ajtëmë ets njatsojkëm ets jeexyë ja ni'kx'ajt nkopk'ajtëm n'ëxmajtsënë ets nnëjkxmëty juuky'ajtpë ma ja Wintsënën.

2 Corintios 5:1

Jëtu'un ëëtsajtëm tä tu'uk ja tëjkën naaxwiinypë yajpaatyën, tä wit tëjkën mëti'ipë ka'ap jeky y'ityën; je'eyëp ko nnija'awëm pën ya'atë tëjk wintëkoopy, tap ja Tios xytyukjëjp'ijxëm tu'uk ja tëjk tsajpjotm mëti'ipë xëmëkyëjxm ijtpën, mëti'ipë ka'ap jyä'äyëty të tkojyën.

Cantares 1:3

janty'oy janty tsuj mxuuky, jëtu'un jeexyë myajtijy ko janty'oy mxuuky. Paaty yë to'oxytyëjktëjk mtsokyë.

Eclesiastés 10:1

Ëxëëk xyuuky tu'uk yë tsaty'ooky, yajma'typ yë olivë on mëti'ipë pa'akxu'kpën. Yajmëjnajxyp yë ja'ay ni'ik yë wäänëpë inkäjpxy, këtiinëm yë wijy'aaw wijy ayuk mëti'ipë yajkajpxpën mëët näwyinkutsë'ëkë.

Proverbios 27:9

Yë jot winma'any yë'ë mëët jyotkujkë oyëtypë tsooy mëti'ipë pa'akxu'kpën; Näyjyëtu'un ja oypyë ja ëëwwij kajpxwijën yajjotkujktäkpy ja jëëky mëku'uk.

Isaías 56:5

ni'ikës winë nmo'oja'antë këtiinëm jyëtu'unëty ko jeexyë ja y'u'unkëty y'ëna'këty tmëët'atë, ëjts nëjkx kë'ëm n'ënëëmëtë ko jap yë xyëëw wyë'ëma'antë tsajptëkoty xëmëkyëjxm ma potsywyiinën, etsës yë xyëëw nmo'oja'antë mëti'ipë xëmë yajtukja'amyätstëpën.

Proverbios 15:30

Ko ja'ay oy wyintë'kxy yäjkpy jotkujk'ajtën; ko pën tmëminy oy aaw oy ayuk yajjotmëkmëjkp yë'ë.

Job 3:17

Jap naaxjoty jap kyukëxë tëkokyë yë ëxëëkja'aytyëjk, yë y'ëxëëktu'un y'ëxëëk kajpxënëty, e mëti'ipë të y'ënu'kxën jap tpaaty yë po'kxtakn;

Juan 13:2

Ja mëjku'u tëë ënäty tuktëkë ja Judas Iscariote, Simón yë myaank ets ja Jesús tkë'ëyaka'any. Nyija'ap ja Jesús ko tsyoony ma Tiosën ets ko jatëkok nyëjkxa'any ma Tiosën ets ko ja Tyeety ënäty tu'kë'ëyë kutujkën ets mëk'ajtën të myooytyä'äyë; paatykyëjxm pyëti'ky, tam ënäty y'a'ux'atë, ets ja nyijän ojts tjeny ets nyätyukwë'ënë tu'uk ja wit myoxkëjxy.

Salmos 133:2

Jëtu'un nyäxy tä oypyë onën mëti'ipë pa'akxu'kpën, mëti'ipë ijty yë teetyëjk nätyukuku'tsëtëpën, ets pya'akxuuky ma kyëpajkën, ma wyiin y'aawën ets tyimkëtä'äky jëtu'un ma wyitëtyën.

Hebreos 11:39

E yë'ëjëty, nitu'uk ojts tka'ëxajëtë mëti'ipë ënäty ja Tios të twinwanën. Oy ojts oy jyamëpëktë,

Hebreos 11:2

Ja nteety'ajt n'ap'ajtëmë ojts ja Tios tyukjotkëta'akëtë ko myëpëjktë.

Lucas 10:20

Je'eyëp ko këtii yi'iyë xytyukxoonta'aktëty ko ja ku'oypyë mmëmëtowëtëty, yë'ë mtukxoonta'aktëp ko ja Tios të tuny ja mëyajtën ko mxëëw jap kuja'ay y'ijnëtë tsajpjotm.

Cantares 4:10

Janty oy yajjawë mwiin mjëjp koos ntsu'kxy mijts to'oxytyëjk, mëti'ipës mpëkäämpyën. Jëtu'un yë mwiin mjëjp pya'akëty koos ntsu'kxy tä yë tsatym nyëëjën mëti'ipë tëë nyimaanaxyën ets ni'ik y'oyëty yë tsooy mëti'ipë mnätyukja'axëpën këtiinëm jyëtu'unëty yë tsooy oypyë pya'akxuuktën.

Eclesiastés 7:8

Ni'ik tsyowpaaty ko nyaj'apatëmëty tu'uk yë tuunk ets këtii ko nyajtso'ontakmëty. Ni'ik tsyowpaaty yë ëwxijtën mä'kxtujkën ets këtii yë jotmëk'ajtën.

Jonás 4:3

Paatykyëjxm yam n'ënëëmë mijts Wintsën, ko xypyëjkëtyës yë njuukyajtënës. Tsoopaatëp ni'ik koos n'ookëty këtii koos njuuky'atëty.

Rut 3:14

Jam yë Rut myääy Booz tyeky'ix'am jä'ä tsu'um. Komjëpom ka'anëm ënäty xyiinyë ko ojts pyëtë'kojy, tëë ënäty ja Booz y'ënë'ëmxëty ko nipën mëpaat tkanijawë ko ënäty jam të myä'äy kamjotm.

Proverbios 25:10

jä'ä ko wä'änxyëp ënäty jam pën tmëtoow'ity ets nëjkx myajtsëtyu'unpaatyë, e mijts ëxëëk nëjkx mwë'ëmy ets ka'ap nëjkx t'ëkjëkyäjpnë wi'ix mnäyajtso'okëtëty.