Eclesiastés 6:3 - Biblia Mixe de Quetzaltepec

³ Oy jënu'un yë ja'ay may y'u'unk y'ëna'k tmëët'atëty ets jeky jyuuk'atëty; pën ka'ap tukxoontä'äky yë juukyajtën ets ko y'ooky tyëkoy ni pën kyayajnaaxtëkëty, ëjts jëtu'unës n'ëna'any nikë wä'än jyaktsowpaaty pi'k ëna'k mëti'ipë ooky miinpën naaxwiinyëtë ets këtiinëm tääpë ja'ay,

Biblia Dc en Mixe de Quetzaltepec

³ Oy jënu'un yë ja'ay may y'u'unk y'ëna'k tmëët'atëty ets jeky jyuuk'atëty; pën ka'ap tukxoontä'äky yë juukyajtën ets ko y'ooky tyëkoy ni pën kyayajnaaxtëkëty, ëjts jëtu'unës n'ëna'any nikë wä'än jyaktsowpaaty pi'k ëna'k mëti'ipë ooky miinpën naaxwiinyëtë ets këtiinëm tääpë ja'ay,

Eclesiastés 6:3 ပူးပေါင်းရင်းမြစ်များ

Job 3:16

¿Wi'ix ko ojts xykyatimyajnaaxtëkëtës tä nyaaxtëkën yë mëxu'unk o'kpë, tä nyaaxtëkëtën mëti'ipë ooky miintëpën naaxwiiny?

Jeremias 22:19

Tä kruktsën nëjkx nyaaxtëkë, je'eyë nëjkx yajwinpajëtuty ets jam yajnajtsjëtutëty ma Jerusalén kyajpnpa'ajën.

Eclesiastés 4:3

nikë jotkujk yajpaatë mëti'ipë ka'ap tyimminyëmën naaxwiinyëtë, jä'ä ko ka'ap t'ixynyëm mëti'ipë ja'ay tuuntëkoopyën yaa naaxwiiny naaxkëjxy.

2 Reyes 9:35

E ko ojts tjaninëjkxtë ets tyajnaaxtëkëja'antë, yi'iyë ojts tjaakpaatë yë kyëpajk, yë tyekpyajk ets kyë'ëkox.

Génesis 47:9

Ënät yë Jacob y'ëtsooy: Ëjts mëko'px ja i'px majkës tyam yë njëmëjtnë maas jëtu'unyë naxy ntëkën xii yaa ets wäänës njawë të njuuky'äty, je'eyëp ko mëk oyës ka'apës yam jëtu'un oy ntimjyuuky'ätynyëm ijxtëm ojts ja n'ap n'okës jyuuky'atën.

Mateo 26:24

Jëtu'unës nja'ata'any ijxtëm kuja'ay myinyën. Temë tääpë ja'ay mëti'ipës xykyë'ëyakaanpën, oyxyëp të kyaminy naaxwiinyëtë.

Jeremias 36:30

E ka'ap wyi'ixëty, ëjts, mëti'ipë Wintsën'ajtpën, tyam mijts n'ënëëmë, Joaquim, mëti'ipë ënä'ämp yajkutujkpën ma Judá kajpnën, mijts ka'ap nëjkx yë m'u'unk m'ëna'k ets m'u'unk m'ok xymyëët'aty mëti'ipë jam ja'tëpën ma David yë kyutujktaknën. Ko ënäty m'ooky, yë mjot mnini'kx jëtu'unyë nëjkx wyin'aankëtä'äky xëëny ets jëtu'unyë nëjkx tyipjuuny koots,

Jeremias 8:2

jam nëjkx yajpëjktëwtë xëëw antuuy, po'o antuuy ets mëtsa'a antuuy, mëti'ipë ënäty të t'ëwtatën, të tmëtuntën, të tpanëjkxtën ets të tyajtëwtën winë. Ni pën nëjkx kyapëjkmukëtë ets nyaaxtëkëtëty. Jëtu'un wyimputskëta'aka'antë tä të'ënyën.

Proverbios 17:6

Yë mëjja'aytyëjk yë'ë tyukmëjnajxtëp yë y'ok'u'unk y'ok'ëna'k; yë u'unk ëna'k yë'ë tyukmëjnajxtëp tyeety tyaak.

Salmos 58:8

wä'än jëtu'unyë tëtstëkoytyë, tä yë nu'pyky yë y'anëë tyëtstëkoyën, ets jëtu'un jyatëty kyëpätëty tä mëxu'unk ooky jyä'tyën naaxwiiny, ets ka'ap jajën të'kxën t'ixy nijëna'a.

Ester 7:10

Jëtu'un'äämpy ojts ja Amán jam y'ooky ma ja o'ktaknën mëti'ipë ënäty të tukni'oytyunën ja Mardoqueo. Tä ojts jëtu'un ja yajkutujkpë jyotxeemy.

Ester 5:11

ets tukmëmëtyaktaay wi'ix ënäty tmëëtëtyën ja wit meeny mëj këjää, wi'ix nyimayëtyën ja y'u'unk y'ëna'k ets wi'ix ja yajkutujkpë të myo'oyën ja ënä'ämtakn kutujktakn, yi'iyë atu'uk këtiinëm ja myëku'uktëjk ets wi'ix ni'ik mëj'äämpy të yajnaxyë.

2 Crónicas 11:21

Roboam, majkmokx tëkëëk yë tyo'oxytyëjk tmëët'ajty ets tëkë'px mëti'ipë jëtu'unyë nyamëët'ajtën; je'eyëp ko ja Maacá ni'ik tsyojkë këtiinëm jyëtu'unëty ja wiinkëtypë. I'pxtuktujk ijty yë myaank ets nitëkë'px yë nyëëx.

1 Crónicas 28:5

E maas ja n'u'unk n'ëna'kën, ijxtëm yajnijawën ko nimay oyëty mëti'ipës yë Wintsën të xymyo'oyën. Yë Wintsën yë'ë të twin'ixy yë nmaankës Salomón ets yë'ë t'ëxajëty ja kutujktakn, ma ja Wintsën ja ënä'ämën kutujkën tyaj'ityën ma ja Israel ja'ayëtyën.

2 Reyes 10:1

Jä'ä ënäty yë Ahab yë y'u'unk jam Samaria yajpaaty nitëkë'px majk, ënät yë Jehú ojts yë noky kanaak tkäjxwä'kxy jam kajpntum, ma ja kutuunktëjkëtyën, mëj ja'atyëkëtyën ets ma ja ja'ayëtyën mëti'ipë ja Ahab ja y'ëna'k jam myëët'ajtëtëpën, jëtu'un t'ënëmaay:

Génesis 33:5

Ko t'ijxy ja Esaú ja to'oxytyëjkëty ets ja y'u'unk y'ëna'këty, ënät tyajtëëy: E ya'atë to'oxytyëjkëty mëët yë y'u'unk y'ëna'këty. ¿Pën yë'ëjëty? Tä Jacob y'ëtsooy: Ëjts yë n'u'unk n'ëna'k mëti'ipës yë Tios të xymyo'oy të xykyexyën.

Eclesiastés 6:4

jä'ä ko pi'k ëna'k mëti'ipë ooky miinpën naaxwiinyëtë, mëti'ipë miimp ja'ajtpën akootstuuy ets ka'ap yajnijawë,

Job 3:11

¿Wi'ixës ko ojts nkatimy'ooky ntaakës jyootjoty, ëkë maas ënäty jam ntimmyinyën naaxwiiny?