Eclesiastés 5:4 - Biblia Mixe de Quetzaltepec

⁴ Ko tii xywaanta'akëty ma Tiosën, ënätyë xykyuuytyunëty, jä'ä ko yë'ë ka'ap t'oy'ixy ko tii je'eyë yajwinwanë. Mtunëp jëtu'un mëti'ipë ënäty të xy'ëwaanën,

Biblia Dc en Mixe de Quetzaltepec

⁴ Ko tii xywaanta'akëty ma Tiosën, ënätyë xykyuuytyunëty, jä'ä ko yë'ë ka'ap t'oy'ixy ko tii je'eyë yajwinwanë. Mtunëp jëtu'un mëti'ipë ënety të xy'ëwaanën,

Eclesiastés 5:4 ပူးပေါင်းရင်းမြစ်များ

Números 30:2

Ko tii ja'ay twaanta'akëty ets Tios tuknijawëty ko winë tyaka'any nëjkxëp tkuuytyuny ets tyakëty mëti'ipë ënäty të twaantä'äkyën.

Mateo 5:33

Näy tëë xymyëtoy'atë ko ja aptëjk yaj'ënëmaaytyë: Pën tëë tii xywaantä'äky mëët ja Tios, mkuuytyunëp.

Salmos 76:11

Tuntë yë waantakën ma Tiosën, mëti'ipë m'ëwtajtëpën, je'eyëp ko mkuuytyuntëp jëtu'un. Miitsëty, jënu'un xynyatänëtën mëti'ipë patëpën yajwinkutsë'ëkëty, yë'ë tukmëyoxtë winë.

Salmos 50:14

Wä'än yë Tios yë'ë tyajtukwintsë'ëkë yë kukajpxën ja'awëkyëtakën; kuuytyun mëti'ipë të xytyukwinwanën ja Ni'ik Këjxmëpë.

Salmos 116:14

Nkuuytyunäämpyës ja waantakën ma ja Wintsënën mëti'ipës të ntukwinwanën, ets y'ixtëp tëkokyë ja naax kajpn mëti'ipë yë'ë kyajpn'ajtypyën.

Hebreos 10:6

Ka'ap të xy'oyjyawë ko jëyujk jyëëntë'ëtsy ets ko myajtukwintsë'ëkë winë ets jeexyë ja pyoky jyënäky.

Malaquías 1:10

Jääpëk jeexyë jam pën pyëtsimy ma miitsëtyën mëti'ipë tsajptëjk yaj'ëtukëpën, këtiipë pën tyajmëjëty jap yë jëën maas yë nwintsë'këntyaknën. Jä'ä ko ka'apës jotkujk näjyawëty mëët miitsëty ets ka'apës jëtu'un n'ëkupëkanë yë wintsë'kën mëti'ipë myajktëpën.

Jonás 2:9

E ëjts nyajnaxäämpyës ja kukajpxën ja'awëkyëtakën ma mijtsën ets nmo'ojäämpy yë mwintsë'kën. Mijts tu'ukyë maayëp wi'ix yë ja'ay xyaj'ëwaatsëpëtsëmëtyën.

Salmos 119:106

Ojts tu'uk yë waantakën ntunyës, ets kopkpëky ko nkuuytyuna'anyës. Ëjts nkuuytyunäämpyës yë m'ënä'ämën mtëyajtën mëtëypyë.

Génesis 35:3

Jam tyam nja'amëty Betel, maas tu'uk yë wintsë'këntyakn n'oytyuna'anyën etsës yë Tios nwintsë'ëkëja'any mëti'ipës ojts xypyutëkën ma ënäty mon tuk nyajpaatyësën ets mëti'ipës xëmë të xyjyämyëët'atyën oyës maa nnaxy ntëkë.

Génesis 35:1

Ënät yë Tios t'ënëmaay yë Jacob: Pëtë'ëk ets nëjkx jam mtsëënë Betel, jam xy'oytyunëty tu'uk yë wintsë'këntyakn, mëti'ipë Tios jyä'ä'atëpën, ma ojts nyänyikëxë'ëkyën ma mijtsën ko ënäty ja m'ajty Esaú xykyuke'eky.

Isaías 19:21

Nëjkxëp ja Wintsën nyänyikëxë'ëkyë jam ma Egiptë ja'ayëtyën, ets ja Egiptë ja'ayëty nëjkxëp nijawëtë pën Wintsën'ajtpën, nëjkxëp tmo'otë ja wintsë'kën ets ja ayajk ako'onën. Nëjkxëp ja wyaantakën tuntë ets nëjkx tkuuytyuntë.

Génesis 28:20

Jam yë Jacob ojts tu'uk yë waantakën tuny ets y'ënäny: Pën Tios yë'ëjës xyjyämyëët'ajtp ets pën xykyëwent'ajtpës maas nëëye'ey ntu'uye'eyën ets pën xymyoopyës yë nka'ayën n'ukën ets mëti'ipës nwit'at nxox'atëpën.

Jueces 11:35

Ko jëtu'un t'ijxy ënät ojts yë wyit amëjaaw tnënuky ets tkë'ëtswä'kxy mëët ko janty mëk tja'awëy ko jä'ä ja nyëëx pyëtsiimy äjtspë ets t'ënëmaay: U'unk maay janty o'ktëyës näjyawëty. Mijtsës ënät tyam ëxëëk xyajjajtp xyajkëpäjtp. Tëës yë waantakën tu'uk ntuny ma Wintsën e kopkpëky koos ënät nmo'ojëty mëti'ipës të ntukwinwanën.

Salmos 22:25

Ma ja mnaax mkajpnën jamës nimëtya'aka'any wi'ix tii mëtëy xytyunyën. Ma ja ja'ayëtyën mëti'ipë oy mëtuunëpën, jamës nkë'ëyaka'any mëti'ipë të ntukwinwanën.

Proverbios 20:25

Kutsë'ëkë wäänë ko yë ja'ay tii yë Tios tukwinwanë ets ënät ok tmëkjawë ko ja wyaantakën tyäky.