Eclesiastés 4:8 - Biblia Mixe de Quetzaltepec

⁸ tu'u yë naaxwiinyëtë ja'ay nätyu'ukpë jyuuky'ätyën, ka'apë y'u'unk y'ëna'kën ets ka'apë myëkä'äxën, ka'apë pyo'kxyën nitu'knu'un ets yi'iyë myëmääpy myëtäjpy wyit myeeny ets nijëna'a kyanäyajtëyë: ¿tiijës ko nëkooyë ntimy tyäty nyäyajtunyë? ¿Pën n'amëtu'unëp? ¿Tiijës ko ka'ap näyyajpo'kxyë? Ya'atë nän natëkë winma'any yë'ë ets je'emty yë oy.

Biblia Dc en Mixe de Quetzaltepec

⁸ tu'u yë naaxwiinyëtë ja'ay nätyu'ukpë jyuuky'ätyën, ka'apë y'u'unk y'ëna'kën ets ka'apë myëkä'äxën, ka'apë pyo'kxyën nitu'knu'un ets yi'iyë myëmääpy myëtäjpy wyit myeeny ets nijëna'a kyanäyajtëyë: ¿tiijës ko nëkooyë ntimy tyäty nyäyajtunyë? ¿Pën n'amëtu'unëp? ¿Tiijës ko ka'ap näyyajpo'kxyë? Ya'atë nän natëkë winma'any yë'ë ets je'emty yë oy.

Eclesiastés 4:8 ပူးပေါင်းရင်းမြစ်များ

Génesis 2:18

Ënät ja Wintsën y'ënäny: Ka'ap yowë y'oyëty ko yë ye'etyëjk atu'uk y'ity. Minës ëpëky n'ëkyajkojy mëti'ipë putëkëtëpën.

Salmos 39:6

Tëkokyë yë naaxwiinyëtë ja'ay jëtu'un nyäxy poj'am tä tu'uk yë äpkën; ka'ap nijënu'un tuk'oy'atëty oy jënu'un yë wit meeny nipëjkpät nituumpätëty, jä'ä ko ni yë'ë tkanijawë pën nëjkx tmëwë'ëmy.

Salmos 39:7

E ko jyëtu'un'aty, Wintsën, ëjts ¿tiijës njaak'ëwxitëp? Ëjts jämyës yë n'ëwxijtën nmä'kxtujkën njaakpëjktä'äky ma mijtsën.

Proverbios 27:20

Yë o'kën tëko'oyën, yë o'kpë jut, ets ko yë naaxwiinyëtë ja'ay ka'ap kyu'uxyë, jëtu'un mëti'ipë ka'ap nijëna'a kyixy nyäxyën.

Eclesiastés 1:13

Etsës ojts ni''ijxpëjkëtyä'äy winë, n'ijxtaay ntuuntaayës ets nmëmaay nmëtajyës tëkokyë mëti'ipë yaa naaxwiiny naaxkëjxy yajtuunp yajkajpxpën. Mëktuunk ets je'emty tyimy yë Tios të xymyo'oyëmë ets yë'ë mëët xynyaxmëtijëmëty.

Eclesiastés 1:8

Ka'ap pën yajxon tkajpxtë'kxy wi'ix yajtsipke'exyën mëti'ipë yajpatp yaj'ijxpën; ni pën maa tkamëtoynyëm oypyë aay ayuk mëti'ipë jeexyë yajxon jotkëtakpën.

Eclesiastés 2:21

jä'ä ko jëna'ajëty jyäty kyëpety je'eyë winë tyäty nyituunkë ets mëët yë jot winma'any, wijy'ajt kujk'ajtën ets jot mëjaaw tii yajpaaty yaj'ixy ets yë'ë jyä'ä'ajtnëp ok mëti'ipë ka'ap të tyajnimëjaawtä'äkyën. Tääpë nän natëkë winma'any yë'ë. Ets ka'ap jëtu'un jyamëtëyëty.

Eclesiastés 2:23

Je'eyë të y'ëyoy ko të jyuuky'äty, jëtu'un tä jeexyë tsëmy kë'ëy tyajye'eyën; tsu'um koots ka'ap yë wyinma'any tyajpo'kxy. Tääpë nän natëkë winma'any yë'ë.

Eclesiastés 4:7

Koos ojts wiinktsow najts'ixë, ënätës ojts n'ijxpaaty wiinkpë natëkë winma'any:

Eclesiastés 5:10

Mëti'ipë ja'ay yë wit meeny je'eyë y'ixk'ajtypyën ni'ikyë tmaytsyoky; mëti'ipë ja'ay je'eyë tyäty kyumeeny'ata'anyën ka'ap nijëna'a nyäjyawëty myeenypyääty. Tyaapë nän natëkë winma'any yë'ë,

Eclesiastés 5:9

Yë'ë tyaapëty nätyijëtëp ko naax kajpn tyajwinpätë ets yajkutujkpë tmëtuny yë nyaax kyajpn.

Isaías 5:8

Janty mon janty tuk miitsëty myajpaatë, nëkoopë mjëën mtëjk xynyijuuypyätë, nëkoopë mkam mtu'u xypyëjkta'aktë, ka'ap xy'a'ixëtë ets wiinkpë nyaax tpaatëty, ets të mtsënaaytyaknpëktë, jëtu'un tä jeexyë miits nätyu'uk nkajpn'atën.

Isaías 55:2

¿Wi'ix ko meeny nëkoo nyajtu'unmëty ma ka'ap tjëkyepyën wi'ix nkä'ämyëty n'ukmëtyën? ¿Wi'ix ko jam nyajtu'unmëty mëti'ipë nimëjaaw yajnitu'un yajniye'eyëpën, ma winë ka'ap jyotkëtä'äkyën? Mëtoow'itë mëti'ipës yam nikäjpxypën ets oy yajxon mkaytyëty m'uuktëty, xu'kx ets jotkëtä'äky.

Mateo 11:28

Nimiintëkës ni'ëmukë mëti'ipë të y'ënu'kxëtën mëët ja tuunk ets ja tsëmy kë'ëy, ëjts miits nyajpo'kxantëp.

Lucas 12:20

Tyam ënäty jëtu'un y'ënä'äny ko ja Tios y'ënëmaayë: Winma'anytyuk, tyam koots ënät m'o'knëty, ets mëti'ipë jap të xypyëjke'ekyën, ¿pën jyä'ä'atëp?

1 Juan 2:16

jä'ä ko tu'kë'ëyë mëti'ipë yë naaxwiinyëtë ja'ay y'ixk'ajtypyën ëkë y'atsojkpyën ka'ap jyamëty tsyoony ma Tiosën. Ko tii tsojkën'aty, ko tii pëk maay tjawë ets ko yi'iyë tmëmay tmëtajy yë wit meeny.