Eclesiastés 4:1 - Biblia Mixe de Quetzaltepec

¹ Ënätës ojts n'ixy ntuny wi'ix ja'ay tyaj'ëyoyën yaa naaxwiiny naaxkëjxy. Ënätës ojts n'ixy ko mëti'ipë ja'ay ëyoopën jëëytyëp yaxtëp yë'ëjëty ets ka'ap pën pyutëkëty; mëti'ipë ja'ay myëku'uk yaj'ëyoopyën ëxëëk myëku'uk tyajjaty tyajkëpety ets ka'ap pën pyutëkëty mëti'ipë ëxëëk yajtuuntëpën.

Biblia Dc en Mixe de Quetzaltepec

¹ Ënätës ojts n'ixy ntuny wi'ix ja'ay tyaj'ëyoyën yaa naaxwiiny naaxkëjxy. Ënätës ojts n'ixy ko mëti'ipë ja'ay ëyoopën jëëytyëp yaxtëp yë'ëjëty ets ka'ap pën pyutëkëty; mëti'ipë ja'ay myëku'uk yaj'ëyoopyën ëxëëk myëku'uk tyajjaty tyajkëpety ets ka'ap pën pyutëkëty mëti'ipë ëxëëk yajtuuntëpën.

Eclesiastés 4:1 ပူးပေါင်းရင်းမြစ်များ

Eclesiastés 3:16

Ëjts tëëjës n'ixy wi'ix yaa naaxwiiny naaxkëjxy yë kutuunktëjk tnimeenypyëktën këtiipë tii oy tnipaye'eytyëty ets tuntë ja ka'apë myëtëyëtyën ma jeexyë tyu'uye'eyën ja jaantypë mëtëypyë ja nipaye'eyën.

Eclesiastés 5:8

Këtii xytsyë'ëkëty ko muum ma naax ma kajpnën o'ktëy yajtunëty yë ëyoopëja'ay ets je'eyë yajwop yajka'atsëty jëtu'un tä jeexyë yajnipaye'eyën ets ijxtëm jyapaatë'atyën, jä'ä ko tu'uk yë yajkutujkpë tyuunpy winë ëxëëk ijxtëm yë jyot wyinma'anyën jä'ä ko tam yë mëj wintsën tmëëtëty mëti'ipë kuwanëpën ets yu'tsëpën ets mëti'ipë yu'tsëpën nän tam tmëëtëty mëti'ipë näjyëtu'un kuwanëpën.

Isaías 5:7

Ja tsatsymkyam, mëti'ipë ja Wintsën jyä'ä'ajtypyën, mëti'ipë maaytyääyëpën winë; yë'ë ja Israel kajpn, ja Judá kajpn. Yë'ë ja Wintsën të tjajëjp'ixy ma yë'ëjëtyën jeexyë tpatuntë ja ënä'ämën tëyajtën, e yë'ëjëty je'eyë yajja'ay'ooktë; ja nipaye'eyën të tjajëjp'ixy ma yë'ëjëtyën, yë'ë të tpaaty ma ja'ay je'eyë jyë'ëtën ya'axtën mëët ja pëjkën ijxën.

Santiago 5:4

Ja mtuunpëtëjk mëti'ipë ka'ap të xymyëjuytyën, mëti'ipë të tyajpëtë'ëktën ja mpëjktä'äkyëty, yë'ë jëëytyak nu'kxtaktëp ets miitsëty ëxëëk mjatëty mkëpätëty; e tëë ja Wintsën mëti'ipë maaytyääyëpën winë tmëtoy ko jyiiytya'ak nyu'kxta'aktë.

Mateo 26:56

Paaty ya'atë jëtu'un tyunyë jyätyë ets y'atëwëty ja aaw ayuk mëti'ipë ja Tios ja kyäjpxynyajxpëtëjk jyääytyën. Ënät ja Jesús ja y'ijxpëjkpëtëjk ni'ëmukë tsyo'ontaaytyë ets kyäktë.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënäty yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Tios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

Lamentaciones 1:9

Tëë yë nyëë pyoky yaj'ëxëëkëtë; ka'ap ojts tmëmay tmëtajy wi'ix wyimpëtsëma'any. Ka'ap nmëpëka'anmëty wi'ix të jyäty të kyëpetyën; ni pën kyajjotkujkmo'oyë. Ix Wintsën, wi'ixës o'ktëy njaty nkëpetyën ets wi'ix yë nmëtsipës nyämyëjaw nyäjyäänty jawëtyën.

Lamentaciones 1:2

Tu'ktsu'um jyi'iy yä'äxy; pëyë'ktëëp yë wyiin nëë ma y'apënuukyën. Nitu'uk yë y'atsoky ja'ay kyajjotkujkmo'oyë. Aak tëë yë y'ëxmajtsta'ayë mëti'ipë ijty mëët oy nyämyäyën; myëtsip të y'awinpijta'atë.

Isaías 51:23

Yë'ëjës nmo'ojäämpy yë ja'ayëty mëti'ipë ëxëëk të mtunyën, mëti'ipë ijty m'ënëmaayëpën: Xii naaxkëjxy nekyo'okët, wä'änës jam nkëxye'eytyë; ets ojts mnäkyo'okyë tää myaj'ate'eny myajtukte'eny naaxwayën.

Salmos 42:9

Jëtu'unës Tios n'ënëëmë mëti'ipës xykyuwaanpën: ¿wi'ixës ko xyjyä'äytyëkoy? ¿Wi'ix koos nyajpaatëty jë'ë ya'ax ko ja nmëtsipës ëxëëk y'ëti'itsy y'ënä'äny?

Salmos 42:3

Xëëny kootsës të një'ëy të nyä'äxy, jëtu'un yaj'ijxnë yë'ëjës yowë nwiin nëë xykyuxp. Ja nmëtsipës jëtu'un y'ëna'antë: ¿Maa ënät ja mTios?

Salmos 12:5

Yë Wintsën jëtu'un të y'ënä'äny: Yë ëyoopëja'aytyëjk ets paki'ixtëjk; o'ktëypyë jyatën kyëpätën, mëti'ipë jëëytyëp yaxtëpën. Yë'ëjës yam mputëkëjantëp etsës nkuwa'ana'antë, ijxtëm yë'ë tsojkën'atën.

Job 35:9

Ma ëxëëk yajtuntën jam jyë'ëtë ya'axtë yë naaxwiinyëtë ja'ay ets tja'ixta'atë pën putëkëtëpën ma ja kumeenyjyä'äytyëjk ëxëëk tyunëtën;

Isaías 59:7

Mtimnyëëkajp mtimyujkajptëp yë mtekyëty ets ëxëëkpë xytyuna'antë, xyaj'ooka'antë ja mjëëky mëku'ukëty. Aakyë'ë mëmaay mëët'ajtëp wi'ix myajja'ay ooktëtyën maajaty mnaxtën xit ko'ow winë xytyuunta'atë.

Malaquías 3:18

Ënät jatëkok xywyinjawëtëty mëti'ipëtën oy, ka'oyën; mëti'ipë ja Tios y'ëwtajtypyën ets mëti'ipë kya'ëwtajtypyën.

Malaquías 2:13

E miitsëty ni'ikyë winë xyjyaak timtyuuntëkoytyë: mwiinnëë jam mtäämnëtëp mjä'tsnëtëp ma wintsë'këntyaknën ets xy'ënëëmëtë yë Wintsën ko tii ko tka'ëk'ëxajënë yë wintsë'kën mëti'ipë yajmoopy yajkäjxpën.

Eclesiastés 7:7

Yë tsiptu'un tsipkajpxën yajkujo'py yë ixpëkyjyä'äy ets wit meeny mëti'ipë pokyjyä'äy mooyëpën yajma'typ yë oypyë tu'unën kajpxën.

Proverbios 28:3

Yë ëxëëk ja'ay mëti'ipë o'ktëy tyuunpyën yë ëyoopëja'ay, jëtu'un nyäxy tä kyomtu'uyën ets tyajma'ta'ay ja pëjktä'äky.

Salmos 142:4

Koos nja'ijxwinpity ni pën maa nka'ixyës mëti'ipës jeexyë xypyutëjkëpën. Ni pën maa kyakëxë'ëky mëti'ipës jeexyë xynyiwaantutpën. Ka'ap maa kyëxë'ëky pën mëti'ipës xymyëmääpy xymyëtajpën.

Salmos 80:5

Yë nwiinnëëjëtyës yë'ëjës të xytyukjë'kxtë; ka'ap y'ëk'ëmaay'ajnë, mëpaatëpës n'uknëtë,

Salmos 69:20

Koos nyaj'ojy nyajyä'äxy, jëtu'unës nnäjyawëty tim tsëtyujtp yowë njuukyjotës ets tim këjxp yowë njot nmëjaawës; Natëkës nëkoo të n'ixta'ay pënës jeexyë xyajjotkujktakpën ets xypya'ëyoopën.

Job 16:4

Ko jeexyë miits jëtu'un m'ëk jat m'ëk këpätë tääjës yamën, näjyëtu'unës jeexyë nkäjpxy tä mkajpxtën; je'eyës jeexyë nkëpajk njëpipy etsës jeexyë n'axiktu'uty, nëkooyës jeexyë n'ëëwnë nkajpxnë,

Job 6:29

Ëna'antë ko miitsëty nëkoopë wi'ixjaty mkajpxtë mmëtya'aktë, këtii nëkoo mnäyaj'ëxëëktëkëtë. Ja'aykyukëtë ko ëjts mëtëypyës nikäjpxyp.

Jueces 4:3

Jabín jä'ä ënäty tmëëtëty taxtujk mëko'px yë pujxnwintëkäämpë mëti'ipë myëtsiptuuntëpën, i'px jëmëjt ënäty o'ktëy të tuny ja Israel ja'ayëty, koonëm yë Israel ja'ayëty ja wyintsën Tios tja'amyäjtstë ets pyutëkëtëty.

Deuteronomio 28:48

Yë mmëtsiptëjk yë'ë nëjkx xymyëtuny mëti'ipë ja Wintsën të mtuknikexyën ets ëxëëk mtunëtëty. Nëjkxëp m'ayuu'aty m'axëëw'aty, nëjkxëp ja nëëtëëtsë xymyënaxy xyajnaxy, ni mwit ni mtujkxy nëjkx kyaka'ty, o'ktëy mjat mkëpätëty. Yë Wintsën nëjkx jëtu'un myaj'ëyoyë, koonëm m'ookëty mtëkoyëty.

Deuteronomio 28:33

Ja pëjktä'äky ets ja aaytyëëm ujtstëëm mëti'ipë ënäty të xynyitunën, wiink ja'ay nëjkx tjë'kxy tpëky, mëti'ipë nikajëna'a të xy'ixyën. Ëxëëk nëjkx yë ja'ay xëmë mtunyë ets nijëna'a pën mkawinkutsë'ëkëtëty.

Éxodo 1:22

Yë yajkutujkpë ojts t'ëne'emy yë ja'ay ets t'ënëmaay: Nëjkx nëëkujëpijpta'atë yë mëxu'unktëjk, mëti'ipë yä'äy ëna'këtyën, yë'ë jëtu'un yë hebreo ja'ayëty y'u'unkëty, tu'kë'ëyë jëtu'un tyimmintën naaxwiiny, yë to'oxy ëna'k'u'unkëty myajwë'ëmtëp, wä'än tjuuky'atë.

Éxodo 1:16

Ko jam xypyutëkëtëty yë to'oxytyëjkëty yë hebreo ja'ayëty, ma jam tyajmintën naaxwiiny yë y'u'unk myääyëty, yajxon xytyim'ixtëty, pën to'oxytyëjk yajwë'ëmtë wä'än tjuuky'äty, e pën ye'etyëjkts ënätyë xyaj'ooktëty.

Proverbios 19:7

Pën ëyoopë yë ja'ay, yë'ëpaat yë myëkä'äx ka'ap y'oyjyawëty; ni'ik mëti'ipë je'eyë mëët oy nyäjyawëtyën, poj'am nyawa'ktu'utyë.

Eclesiastés 8:9

Tëkokyë ya'atë wi'inma'any aak ënätës të mpata'ay koos të ntuknipëjktaakë ets n'ixa'any ntuna'anyës wi'ix yaa naaxwiiny naaxkëjxy ja'ay myëku'uk t'ëxëëktuny.

Jeremias 16:7

Ni pën ja kyääky y'uuky tkanipëjktaakëja'any ets ja o'kpë yajwinkay yajwin'uukëty. Këtii nëkoo tyimmon tyimtuktëty ja mëti'ipë ku'o'këtëpën, oy yë'ë'atëty ja teety taak jyatimy'ooky.

Lamentaciones 1:16

Je'eyës xyajyaxnë. Je'eyës yë nwiin nëë kyä'änë, ka'ap maa pën pënës xyajjotkujkëp, pënës xyajxäjku'tëp. Xit ko'owës ja n'u'unk n'ëna'k të jyajta'atë jä'ä ko ja mëtsip ni'ik ja myëkëty.

Job 9:24

Yë naaxwiinyëtë, yë'ë ëxëëkja'aytyëjk tyukmëwë'ëmpy, yë yajkutujkpë ni'ikyë twinkumats tjotkumatsë. Pën ka'ap Tyiosëty, ¿pën?

Salmos 69:21

Maas yë n'uuky ntojkxën tëë jap t'apëkëtë mëti'ipë yaj'o'kpën, koos të ntëëtsë yë'ëjës të xytyuk'uuktë nëë mëti'ipë xunën ets ta'amën.

Salmos 142:5

Wintsën, jëtu'un n'ënëëmë: Mijts ntsoktakn'ajtyp, mijtsyë tu'ukyë ntukjotkujk'ajtyp maas yaa ja juukyajtën nyajtu'uye'eyën.

Proverbios 29:2

Ko oyjyä'äytyëjkëty yë'ë yajkutuktë, jotkujk yë naax kajpn y'ity; ko ëxëëkja'aytyëjk yë'ë yajkutuktë, o'ktëy yë naax kajpn jyäty kyëpety.

Lamentaciones 1:17

Ja jëëytyak ja nu'kxtakp yë Sión ets jyaxajtëëpy yë kyë'ë, je'eyëp ko ka'ap pën myëto'owxëty, tëë yë Wintsën tni'ënä'ämë ets myëtsip yajnatukëtëty; Jerusalén ëxëëk yë myëtsip y'ixyë ets ka'ap tsyokyë.

Amós 3:9

Nimëtya'aktë ja aaw ayuk jam Asdod ets jam Egiptë ma kutujkëntëjkën: Mintë ma Samaria kopkën; min ixtë wi'ix y'ëtë'ëtstë y'ëna'antën ets wi'ix ja'ay y'ëyowtën tsipjoty.

Amós 3:10

Jëtu'un yë Wintsën y'ënä'äny: Yë'ëjëty ka'ap tnijawëtë wi'ix tii oy tuntëtyën; jap tyajnipätë ma kyutujkëntëjkëtyën mëti'ipë ja'ay pyëjkëtëpën atsip.