Eclesiastés 3:9 - Biblia Mixe de Quetzaltepec

⁹ ¿Tii yë ja'ay tyimpaat tyim'ixëp ko je'eyë mnäyajtunyë?

Biblia Dc en Mixe de Quetzaltepec

⁹ ¿Tii yë ja'ay tyimpaat tyim'ixëp ko je'eyë mnäyajtunyë?

Eclesiastés 3:9 ပူးပေါင်းရင်းမြစ်များ

Eclesiastés 1:3

¿Tii yë naaxwiinyëtë ja'ay tyimpatyp tyim'ijxyp? ko nëkooyë nyäyajtunyë.

Eclesiastés 5:16

Ya'atë je'eyë mëpaat yajnimony yajnituky, jä'ä ko jëtu'un tä ja'ay myinyën naaxwiinyëtë, näjyëtu'un jatëkok nyëjkxa'any. ¿Tii të tuny të tpaaty ko jyuuky'äty? nëkoopë je'eyë të tyäty tyuny.

Proverbios 14:23

Tëkokyë mëti'ipë yajtuk'oy'ajtpën, nimëjaaw yajpaaty. Ko ja'ay je'eyë kyu'awakëty, ëyo'on nätyukpatëp.

Mateo 16:26

¿Tii ja ja'ay nyawa'anëty oy tjaniwaanta'ay tu'kë'ëyë winë yaa naaxwiiny pën yajtëkoopy ja jyuukyajtën? ¿Ëkë jënu'un ja ja'ay ja jyuukyajtën t'ëknikëpäjtu'utëty?

Eclesiastés 2:11

Ënätës të nmëmay të nmëtajy mëti'ipëjatyës të ntunyën ets wi'ixës tii të nmëmay të nmëtajyën ets mëti'ipës mëj këjää të nituunkën ets të nijawës ko nëkoopë tääpë tuunk të nyatëkë'aty, jëtu'un tä ja'ay poj tmatsa'anyën ets ko kajtëm yaa nitii naaxwiinyëtë tii mëpaat ntukjotkëtäkëmën.

1 Corintios 16:16

Yë'ës ntsojkpy ets miits xymyëmëtowtëty jëtu'unpë ja'ayëty, näjyëtu'un mëti'ipë putëjkëtëpën ets mëti'ipë jëtu'unpë tuunk tyuunk'ajtëpën.