Eclesiastés 3:14 - Biblia Mixe de Quetzaltepec

¹⁴ Ets nän nija'apës ko tëkokyë mëti'ipë yë Tios të tyajkojyën kë'ëyxyëëw kë'ëyjyëmëjt yë y'ita'any. Mëti'ipë të tyajkojyën ka'ap tjëkyepy ni'ikyë nyaj'o'oyëmëty ëkë ni'ikyë nyajma'tmëty; tëë winë tyajkojy ijxtëm mëpaat yajtuk'oy'ätyën ets yë'ë yajmo'ojëty tu'uk ja.

Biblia Dc en Mixe de Quetzaltepec

¹⁴ Ets nän nija'apës ko tëkokyë mëti'ipë yë Dios të tyajkojyën kë'ëyxyëëw kë'ëyjyëmëjt yë y'ita'any. Mëti'ipë të tyajkojyën ka'ap tjëkyepy ni'ikyë nyaj'o'oyëmëty ëkë ni'ikyë nyajma'tmëty; tëë winë tyajkojy ijxtëm mëpaat yajtuk'oy'ätyën ets yë'ë yajmo'ojëty tu'uk ja.

Eclesiastés 3:14 ပူးပေါင်းရင်းမြစ်များ

Santiago 1:17

tu'kë'ëyë mëti'ipë oyën ets wa'atsën, këjxm yë tsyoony, Tios yë yäjkpy, ja Tios mëti'ipë pyëjktakën winë jam tsajpwinm mëti'ipë ajajp atë'kxpën. Yë Tios ka'ap tyëkatsy, nän yi'iyëm xëmë, ma yë'ëjën ka'ap tii tyëkatsy ets ka'ap tii y'akootsë.

Salmos 33:11

Mëti'ipë Wintsën të tuknipëjktaakën, ijtëëp xëmë.

Romanos 11:36

Tios tu'kë'ëyë winë myëët'ajtääpy, ets yë'ë winë yaj'ijtääpy. Jëtu'un xëmëkyëjxm y'itëty ja Tios ja myëj'ajt y'oyajtën.

Hechos 5:39

e pën Tios yë jyä'ä yajtuunëtëp, nijëna'a miits xykyayajkutëkoytyëty. Näkyëwent'atëtë, ka'ap mëpaat mtsiptuntë mëët ja Tios.

Proverbios 30:6

Nijënu'un xykyayajni'ikëty ja ayuk mëti'ipë yë'ë të tnikäjpxyën; jä'ä ko jëtu'un xytyunëty, tsojk ëxëëk mtunëtëty ets nëjkx mtijyë win'ë'ëmpë.

Tito 1:2

mëti'ipë ijtpën ko yajjëjp'ixy ja juukyajtën xëmëkyëjxmëpë. Tios ka'apë y'antä'äkyën, mëti'ipë ya'atë juukyajtën ojts twinwanën ka'anëm ënäty yë naaxwiinyëtë tsyo'ontä'äky,

Proverbios 21:30

Ma Tiosën ka'ap nimëti'ipë wijyajtën tsyowpaaty, yë'ëpaat ka'ap tsyowpaaty yë këpetyajtën ets ja ma'ayën tajën.

Efesios 3:11

Jëtu'un ja Tios të tuny winë ma ja Kristë Jesusën ijxtëm tëëyëp tuknipëjktaakën.

Hechos 4:28

Jëtu'un winë të tuntë ijxtëm ënäty mijts të xytyuknipëjktaakën tyunëtëty jyatëtëty.

Hechos 2:23

Tääpë ye'etyëjk, ojts miits myajtukë'ëtëkëtë, ijxtëm ja Tios ënäty të tuknimay të tuknitajën, miits ojts xyaj'ooktë, ko ja ëxëëkja'aytyëjk xytyukyajkruutspäjtë.

Isaías 46:10

Tëëyëpës nikäjpxy mëti'ipë tunan jatanëpën, ojts nimëtyä'äkyës mëti'ipë ënäty ka'ap jyätyënëm kyëpetynyëm; tëëjës n'ëna'any: Mëti'ipës të ntuknipëjktaakën kopkpëky ko tyuna'any jyata'anyë; ëjts ntuunta'ajäämpyës mëti'ipës nmääpy ntäjpyën.

Eclesiastés 7:18

Oy ko tii ta'tspëky nmajtsmëty ets ka'ap nmajtstutmëty. Mëti'ipë ja'ay jyä'ämyejtsypyën yë Tios aak'oy winë wyimpëtsë'ëmxëty.

Eclesiastés 5:7

Mijts myajkëxë'ëkëp yë näwyinkutsë'ëkë ma Tiosën, oy pën tëkatsy tyajtu'uye'eyëty yë jyuukyajtën ets oy pën je'eyë tii ëxëëk tnikäjpxy tnimëtya'akëty.

Proverbios 19:21

Yë ja'ay kanaakpëky winë tnimay tnitajë, e yi'iyë tyuunpy mëti'ipë Tios të tyajkutukyën.

Salmos 76:10

Ko yë naaxwiinyëtë ja'ay jyoot'anpëky, mijts ni'ikyë mxoontä'äky, oyxyëp janty tu'k nu'unën jyoot'anpëky, mijts jëtu'un xyjyawë tä jeexyë tu'uk yë kujän myajtukujenyën.

Salmos 64:9

Jäänëm nëjkx tëkokyë ja'ayëty tmëjjaw tkënu'kxjyawëtë yë Tios, ets tnikäjpxy tnimëtya'aktë tii ko Tios winë të tuny të tkäjpxyën; ets tja'akyukëtëty tiikyëjxm ko ënäty winë të tyajkojyën.

Apocalipsis 15:4

¿Pën jëtää mkatsë'ëkëtëp, Wintsën, pën jëtää mkamëjjawëtëp mkajaantyjyawëtëp? Mijts tu'uk mwa'ats. Mmëjja'aw mjantyjya'awëyëp ni'ëmukë yë naaxwiinyëtë ja'ay, jä'äkyëjxm ko mtëyajtën xyaj'ixyë.

Daniel 8:8

Ja tsajppax ni'ikyë ja yaj'ixy myëktä'äky, e ma ënäty yajxon të myëjaawtëkën, ënät të tyijy ja mëjpë ja wyaj ets të pyëtsimy taxk wiinkpë ja wyaj tu'uk nyas'ixë xëëwpëtsëmtsyow, tu'uk xëëwkëtä'äkytsyow, tu'uk anëkëjxytsyow ets tu'uk ëpa'tkë'ëytsyow.

Eclesiastés 12:13

Jëtu'un jyëjpkëxy ja kë'ë ëma'ayën. Yë Tios yë'ë mmëjjaw mkënu'kxyjyawëp ets yë'ë mpatunëp yë y'ënä'ämën tyiyajtën, jä'ä ko yi'iyë jëtu'un mëpaat yë naaxwiinyëtë ja'ay tuny.

Deuteronomio 32:4

Yë Wintsën yë'ë xykyuwa'an xykyënu'kxëm, yë'ë aak'oy winë tuny, ko tii tuny aakyë'ë mëti'ipë mëtëyën. Yë'ë Tios'ajtp ets yë'ë tëy'ajtën'ajtp, yë'ë nijëna'a winë tëkatsy tkatuny, yë'ë tyuunpy mëti'ipë oyën ets mëtëyën.

2 Samuel 22:31

Yë Tios yë nyë'ë tyu'u mëtëy yë'ë, ja mëti'ipë të twinwanën jyëkyejpy ja n'a'ijx njëjkp'ijxmëty; Tios kyuwäämpy nyixäjpy yë mëti'ipë tu'ukyë tuk'ijxpäjtëpën.

Eclesiastés 5:6

Këtii xykyupëkëty ets mwiin m'aaw myajtëkoyëtëty, këtiipë ok m'ëna'anëty ma ja Wintsën ja kyäjpxynyajxpën: tëëjës ntëkoy. Këtii nëkoo Tios je'eyë xyajjoot'anpëkëty këtiipë tyajkutëkoyëty mëti'ipë të xy'oytyunyën.