Eclesiastés 3:13 - Biblia Mixe de Quetzaltepec

¹³ jä'ä ko pën ëëtsajtëm ka'ayëm ukëm jää n'ijxmëty wi'ix yë ntuunk'ajtëm ntuk'oy'ajtëmën, mëti'ipë Tios të xymyo'oyëmën.

Biblia Dc en Mixe de Quetzaltepec

¹³ jä'ä ko pën ëëtsajtëm ka'ayëm ukëm jää n'ijxmëty wi'ix yë ntuunk'ajtëm ntuk'oy'ajtëmën, mëti'ipë Dios të xymyo'oyëmën.

Eclesiastés 3:13 ပူးပေါင်းရင်းမြစ်များ

Eclesiastés 9:7

Paaty ni'ik oy, ko xytyukxoonta'akëty yë mkääky m'uuky mëti'ipë mpatyp m'ijxpyën; tukxoontä'äky yë tsatym nyëë mëti'ipë tëëpë nyimaanaxyën ko xy'uukëty, jä'ä ko yë Tios y'oy'ijxyp yë oypyë mtu'unën.

Eclesiastés 2:24

Yi'iyë mëpaat yë naaxwiinyëtë ja'ay mëpaat tuny ets kyäyëty y'uukëty ets tukxoonta'akëty mëti'ipë nyijëtu'unëpën, jä'ä ko yi'iyës të nwinjawë ko tääpë yë'ë Tios yäjkpy.

Salmos 128:2

Yë'ë mjë'kxëp mëti'ipë myajnimëjaawtäkpyën, janty jotkujk myajpaatëty ets oy tsuj mjuuky'atëty.

Eclesiastés 6:2

Jëtu'un yaj'ixy win'ixy yowë Tios ja'ay wit meeny tmo'oy ets win'ixy yowë jotkujk ja'ay tyajjuuky'äty, mëti'ipë tii tyëkoy'ajtxëtën mëti'ipë tsyojkën'ajtëpën; je'eyëp ka'ap yë'ëjëty tukjuuky'atë wiink ja'ay tyukjuuky'äjtyp. Ya'atë jëtu'unpë nän natëk winma'any yë'ë ets je'eyë pyäätyë nimo'on nitujkmëty.

Deuteronomio 12:7

Jam mkaytyëty m'uuktëty ma ja mWintsën Tiosën ets mëët ja m'u'unk m'ëna'këty ets ja mjëëky mëku'ukëty, nëjkxëp xytyukxon xytyuk'itë ja mjë'kxy mpëkyëty mëti'ipë ënäty të y'ity të wyintëyën ets ja mWintsën të tkënu'kxyën.

Deuteronomio 26:11

Tääts nëjkx tu'uk yë xëëw xyaj'apaatë. Mëët ko ënäty ja mWintsën mëj këjää të tkënu'kxy ja mkam mtu'u ets tëkokyë ja m'u'unk m'ëna'k, m'u'unk mto'oxytyëjk nëjkxëp mëët tu'ukyë mxëëwtuunta'ay. Ma ja xëëw ënäty jëtu'un xyaj'apaatën, mwowëp ja Leví ja'ayëty ets ja jaaypyaat jaaypyo'kxyëty mëti'ipë yajpatëpën ma mnaax mkajpnën.

Salmos 34:12

¿Mjuuky'ataanp jekyë? ¿Mtukxoonta'akäämpy yë juukyajtënë?

Eclesiastés 2:3

Etsës të nmay të ntajy ets wijyajtën yë'ëjës mëët nätyukmajts'ityë, tëë n'uukyës yë tsatym nyëë mëti'ipë tëë nyimaanaxyën, etsës të n'uuky të një'kxy ijxtëm tu'uk yë naaxwiinyëtë ja'ay kyu'uxyën mëët yë nëë etsës n'ijxmatsa'any pën yë'ë mëpaat yë naaxwiinyëtë ja'ay tuny ma naaxwiiny naaxkëjxy wäänë jyuuky'ajtkojyën.

Eclesiastés 8:15

Paatyës ëjts yë'ëjës ni'ik nyajmëjnajxyp yë xoontakën. Yi'iyë jëtu'un mëpaat yë naaxwiinyëtë ja'ay tuny, kyäyëty y'uukëty, y'uukëty jyë'kxëty ets y'äts xyoonta'akëty, jä'ä ko yi'iyë jëtu'un jyaak jëkyejpy tunëty ma yaa yë Tios naaxwiinyëtë naaxkëjxy të pyëjktä'äkyën.