Eclesiastés 2:8 - Biblia Mixe de Quetzaltepec

⁸ Tëë nipëjkpetyës may yë pu'ts pujxn, poop pujxn, wit meeny këtiinëm jyëtu'un'atë mëti'ipë jëyëjp të yajkutuktë. Tëës nmëët'aty yë xuxpë wojpë, ëëwpë yaxpë, kanaakës yë to'oxytyëjk të nmëët'aty ets tëëjës yë njuukyajtën yajxon ntukxony.

Biblia Dc en Mixe de Quetzaltepec

⁸ Tëë nipëjkpetyës may yë pu'ts pujxn, poop pujxn, wit meeny këtiinëm jyëtu'un'atë mëti'ipë jëyëjp të yajkutuktë. Tëës nmëët'aty yë xuxpë wojpë, ëëwpë yaxpë, kanaakës yë to'oxytyëjk të nmëët'aty ets tëëjës yë njuukyajtën yajxon ntukxony.

Eclesiastés 2:8 ပူးပေါင်းရင်းမြစ်များ

1 Reyes 10:10

Tä tukë'ëtëjkëy ja yajkutujkpë tëkëëk mil ja taxtujk mëko'px tsim ja pu'ts pujxn, ëpëky ja ujts nëë mëti'ipë pa'akxu'kpën ets may ja tsaa oyjyätyëtypë mëti'ipë tsowëtyën. Nijëna'a ënäty jëtu'un kyayaj'ixynyëm ja ujts nëë pa'akpë xyuukyën jëtu'un tä tyäjkyën ja to'oxytyëjk mëti'ipë yajkutujkpën jam Sabá ets tukë'ëtëjkëy ja Salomón.

1 Reyes 9:28

ets jam jyajtë Ofir, jamts may tpatë yë pu'ts pujxn, ojts jëtää tpaatë majkmäjtsk mil tsimën ets ojts tukninëjkxtë ja Salomón.

2 Samuel 19:35

majkta'pxës yë njëmëjtnë; ka'apës nitii n'ëkxu'kxja'awënë mëti'ipës njajë'kxypyën ets mëti'ipës nja'ukpyën; nän ka'apës n'ëkmëtoownë pën wi'ix ja ëëpë jya'ëwtë. ¿Ëjts tiijës yë Wintsën n'ëktukmëtunëp?

1 Reyes 10:14

Ja pu'ts pujxn mëti'ipë ja yajkutujkpë Salomón ënäty y'ëxajëpën winjëmëjt, jä'ä wyimku'ujty mäjtsk mil tsim.

Amós 6:5

ets ënät nitsuu nipoj mxu'uxtë mwoptë; m'ëna'antë ko jëtu'un ja David ijty xyu'uxy wyopy, kë'ëm xytsyätstë ja mxuxnëty ets ja mwojpnëty;

Daniel 3:15

¿Wi'i m'ëwtatantëp ets mwinkoxtänëjantëp yë awinax mëti'ipës të ni'ënä'ämën ets kyojëtyë ko ënäty ja xuxpë wojpë tyëkëtë xuxpë? Jä'ä ko pën miitsëty ka'ap xy'ëwtatë ya'atë awinax, jap ënät jëëntooytyaknjoty myaj'ajëpipëtëty mëti'ipë jap tyam aanpëjkpën; e ko ënät jap myajpëjkta'aktëty ¿pën tios ënät mnäyajtso'okëtëp?

Daniel 3:7

Ko ja ja'ay tmëtoowtë ja xuxn ets ja kow y'ënaantä'äky ënätyë ojts nyäkyoxtënaaytyakta'ajëtë ets t'ëwtajtë ja awinax mëti'ipë ënäty të yaj'oytyunyën mëët yë pu'ts pujxn.

Daniel 3:5

Ko xymyëtowtëty ja xuxn yajtukxu'uxy ets ja cítara, ja lirë ja salterië ja gaitë ets tu'kë'ëyë xuxn wojpk mëti'ipë ënaanpën, ënätyë mnäykyuxtënaaytyakta'ajëtëty ets xy'ëwtatëty ya'atë ja awinax pu'ts pujxnëmpë mëët y'oytyunyëtyën, mëti'ipë të tni'ënä'ämën yë yajkutujkpë Nabucodonosor ets kyojëty.

Esdras 2:65

ka'ap yajmëtyooy ja mëtuunpëtëjkëty ye'etyëjkpë to'oxytyëjkpë, jä'ä nyiwinë'ajtë wëxtujk mil ja tëkëëk mëko'px ja i'px majkmokx mäjtsk. Nimäjtsk mëko'px ëpëky ja ëëpëty, ye'etyëjk to'oxytyëjk.

2 Crónicas 9:11

Yë'ë ya'atë kepy yajtuun yë Salomón ko t'oytyuuny ja wa'kpäjn ko yajnipa'tëkë ja tëjk mëmäjtsk nikë'ëpë, näjyëtu'un ja kutujkëntëjk ja y'akäämtuk, nän yë'ë yajtuun ya'atë kepy ko t'oytyuuny ja kow, ka'tsnëty, xijtnëty. Ja jëtu'unpë, jemy ojts yaj'ixy jam Judá.

1 Crónicas 25:6

Tëkokyë yë'ëjëty, yë'ë tyeety ijty tu'uwinwoowëtëp, ko ijty jap yajpaatë ma ja Wintsën ja jyëën tyëjkën ets y'ëwtë ya'axtë jap, tyaj'ëna'antë ja pujxn, ak ets xuxn. Asaf, Jedutún ets Hemán yë'ë ijty tyimmëtuuntëp yajkutujkpë.

1 Crónicas 25:1

Ja David ets ja mëjja'aytyëjk, mëti'ipë ënäty myëtuuntëpën ja Wintsën, ojts ëpëky tmo'otë ja tyuunk ja Asaf ja y'ëna'k, Hemán ets Jedutún, mëti'ipë ijty y'akajpxtëpën tii ja Wintsën tyunäämpyën ëkë wi'ix ja aaw ayuk ënäty tyaka'anyën; yë'ëjëty yë'ë ijty mëët tyuntë ja xuxn, kow, ak, ets pujxn akojxmujk. E tsyaats myiny këxja'ay ja xyëëwëty mëti'ipë jëtu'unpë ja tuunk yajtuknipëjktën.

1 Reyes 14:27

Yë yajkutujkpë Roboam ojts ja jyä'ä näjyëtu'un tyajkojy, jä'ä ja pujxn mëti'ipë ijty ja tsiptuunpë ja'ayëty nätyuk'akëëytyujkëtëpën ko tsyiptuuntë, aakyë'ë pujxn ojts tyajtuntë mëti'ipë yajtijpën tsuxk pujxn, tääts tuknipëjky ja tsiptuunpëtëjk ets yë'ë tkëwent'atëty, ja mëti'ipë jam këwent'ajtëpën ma ja kutujkëntëjkën.

1 Reyes 10:21

Tëkokyë ja a'ukën mëti'ipë ja yajkutujkpë yajtuumpyën aak pu'ts pujxn ënäty mëët y'oytyunyëty ets aakjëtu'un ja y'apëjk y'atu'unën mëti'ipë jamën ma ja akujktëjkën mëti'ipë yajtijpën Líbano Yukjot. Ka'ap ijty ja'ay nëkooyë tyajtuntë yë poop pujxn, jä'ä ko ka'ap ënäty nëkooyë tsyowëty ko ja Salomón jyuuky'äjty.

1 Reyes 9:14

Ja Hiram jä'ä ënäty ja Salomón të tuknikexy ja pu'ts pujxn tëkëëk mil ja taxtujk mëko'px ja tëkë'px mil xajpk.

1 Reyes 11:3

Niwëxtujk mëko'px tmëët'ajty ja tyo'oxytyëjk mëti'ipë mëët yajxon pyijkyën y'ukyën, ëpëky tëkëëk mëko'px mëti'ipë jëtu'unyë nyamëët'ajtën, yë'ëts ojts ja jyot wyinma'any yajtëko'oyxyëty.