Eclesiastés 2:26 - Biblia Mixe de Quetzaltepec

²⁶ Yë Tios, yë'ë yäjkpy yë wijyajtën, ijxpëky'ajtën ets xoontakën ets yë'ë myoopy mëti'ipë nyi''ijxkëtäkpyën; e mëti'ipë tuuntëkoopy kajpxtëkoopyën je'eyë yajxon tyajtuny ets tnipëjkpety yë wit meeny ets tuk'oy'atëty yë'ë mëti'ipë ënäty nyi''ijxkëtäkpyën. Tääpë nän natëkë winma'any yë'ë ets nëkoopë juukyajtën ntuk'ëyë'kmëty.

Biblia Dc en Mixe de Quetzaltepec

²⁶ Yë Dios, yë'ë yäjkpy yë wijyajtën, ijxpëky'ajtën ets xoontakën ets yë'ë myoopy mëti'ipë nyi''ijxkëtäkpyën; e mëti'ipë tuuntëkoopy kajpxtëkoopyën je'eyë yajxon tyajtuny ets tnipëjkpety yë wit meeny ets tuk'oy'atëty yë'ë mëti'ipë ënety nyi''ijxkëtäkpyën. Tääpë nän natëkë winma'any yë'ë ets nëkoopë juukyajtën ntuk'ëyë'kmëty.

Eclesiastés 2:26 ပူးပေါင်းရင်းမြစ်များ

Proverbios 13:22

Yë ja'ay mëti'ipë oy määpy tajpën yajwë'ëmëp yë y'ok'u'unk yë kyuma'ayën. Yë pokyjyä'äy nëkoopë tnikoonpety yë wit meeny mëj këjää, ja wit meeny mëti'ipë nyikoonpejtypyën yë'ë wa'ats ja'ay jyä'ä'atäämpy.

Proverbios 28:8

Mëti'ipë ja'ay may yë meeny nyipëjkpejtypyën ko tyäky ënu'kxy, yë meeny y'u'unk yë'ë nëjkx tjä'ä'aty mëti'ipë jyiiky myëku'uk pya'ëyoopyën.

Juan 16:24

Tyampaat ka'ap miits tii xy'amëtowtës ëjtskyëjxm; amëtowtë ets myajmo'otëty, jëtu'un ja mxoontakën kya'pxtëty.

Santiago 3:17

pën myëët'ajtyp ja wijyajtën kejyajtën mëti'ipë tso'onpën ma Tiosën, wa'ats yajpaatë ma jyuuky'ajtënëtyën; ka'ap maa pën mëët yë tsip tmëët'atë, tëtä'äky jyuuky'atë, yaj'ijxëtëp ja y'oyjyot y'oywyinma'anyëty. Pa'ëyoow najts'ëyo'owëtëp, pyutëjkëtyëp yë ja'ay xim yam, ëmuumtu'ukjot winë tuntë ets oy myäytyë tyajtë.

Lucas 1:6

Nimäjtskëty oy ijty yë Tios tmëtuntë, pyatuuntëp ja Wintsën ja y'ënä'ämën ets ka'ap tii poky tmëët'atë.

Job 32:8

Oy jyayajnijawë ko tu'kë'ëyë ja'ay aak myëët'ajtyp ja jot winma'any, jä'ä ko yë mëti'ipë maaytyääyëpën winë tëë tmo'oy nitu'ukjaty yë ja'ay wi'ixjaty myäyëty tyajëtyën.

Génesis 7:1

Ënät yë Tios jatëkok t'ënëmaay yë Noé: Jënu'un tyam yë naaxwiinyëtë ja'ay jyuuky'atën, mijtsyë jëtu'un atu'uk mjuuky'ajtp ijxtëmës ntsokyën. Paaty ënät tyam tëkë jap ma kepy nëëwinye'epyën mëët tu'kë'ëyë m'u'unk mto'oxytyëjk.

Eclesiastés 1:14

Ets ojts nijawës ko tëkokyë mëti'ipë yaa naaxwiiny yajtuunp yajkajpxpën nëkoopë nyatëkë'aty, mëti'ipë jëtu'un nyapatypyën tä jeexyë poj nmatsa'anëmën.

Job 38:36

¿Pën të tmo'oy yë wijyajtën yë joon jëyujk?

Salmos 39:6

Tëkokyë yë naaxwiinyëtë ja'ay jëtu'un nyäxy poj'am tä tu'uk yë äpkën; ka'ap nijënu'un tuk'oy'atëty oy jënu'un yë wit meeny nipëjkpät nituumpätëty, jä'ä ko ni yë'ë tkanijawë pën nëjkx tmëwë'ëmy.

Salmos 51:6

Tëyajtën ko mijts yë'ë mtsojkpy mja'ap yë jot winma'any mëti'ipë wa'atsën ets mëtëyën, mijtsës yë wijyajtën të xymyo'oy mëti'ipë yu'utsypyaat yajpatpën.

Proverbios 2:6

Tios yë'ë yäjkpy yë wijyajtën ets yë'ë nyikäjpxyp yë nija'awën ets ixpëkyajtën.

Eclesiastés 1:13

Etsës ojts ni''ijxpëjkëtyä'äy winë, n'ijxtaay ntuuntaayës ets nmëmaay nmëtajyës tëkokyë mëti'ipë yaa naaxwiiny naaxkëjxy yajtuunp yajkajpxpën. Mëktuunk ets je'emty tyimy yë Tios të xymyo'oyëmë ets yë'ë mëët xynyaxmëtijëmëty.

Eclesiastés 2:25

Jä'ä ko ¿pën jotkujk yajpaataanp? pën ka'ap yë'ëjëty yë Tios yajjotkujk'aty.

Eclesiastés 3:10

Tëës n'ixy ko yë Tios yë'ë ja'ay të tuunkmo'oy ets tmëët'atëty tii tyunëpën.