Eclesiastés 2:1 - Biblia Mixe de Quetzaltepec

¹ Ënätës ojts kë'ëm nämyä'äy nätyajxëty: Tyam minës n'ëkjuuky'äty ijxtëmës kë'ëm ntimy myäy ntimy tyäjyën, minës n'ëktukxony yë juukyajtën. E ya'atë winma'any natëkë winma'any näjyëtu'un.

Biblia Dc en Mixe de Quetzaltepec

¹ Ënätës ojts kë'ëm nämyä'äy nätyajxëty: Tyam minës n'ëkjuuky'äty ijxtëmës kë'ëm ntimy myäy ntimy tyäjyën, minës n'ëktukxony yë juukyajtën. E ya'atë winma'any natëkë winma'any näjyëtu'un.

Eclesiastés 2:1 ပူးပေါင်းရင်းမြစ်များ

Lucas 12:19

Täätsës kë'ëm näy'ëna'anëtëty: Mëku'uk, tap pëjkë'ëk winë may xyaj'ity mëti'ipë myajtunëpën kanaak jëmëjt; po'kx, kay uuk ets tukxon je'eyë ja juukyajtën.

Eclesiastés 8:15

Paatyës ëjts yë'ëjës ni'ik nyajmëjnajxyp yë xoontakën. Yi'iyë jëtu'un mëpaat yë naaxwiinyëtë ja'ay tuny, kyäyëty y'uukëty, y'uukëty jyë'kxëty ets y'äts xyoonta'akëty, jä'ä ko yi'iyë jëtu'un jyaak jëkyejpy tunëty ma yaa yë Tios naaxwiinyëtë naaxkëjxy të pyëjktä'äkyën.

Santiago 5:5

Akujk jotkujk miits yaa naaxwiiny të myajpaatë, tä tsajpkaajën të mni'kxëtë, tëë timpyääty jëna'a ja tsajpkaani'kx y'ooka'antën.

Santiago 5:1

Mëtowtë miits, kumeenyjyä'äyëty. Mëjë'ë mëya'axtë ja m'ëyo'on mjotmayëty mëti'ipë mpaatantëpën.

Salmos 27:8

Jëtu'unës njawë yë njot nwinma'any y'ënä'äny: Ixta'a yë Wintsën ma yajpaatyën. E ëjts, Wintsën, mijts n'ixtääpy.

Santiago 4:13

Mëtoow'itë ya'atë, miitsëty ko m'ëna'antë: Tyam ëkë jëpom nja'amëty wiink kajpn ets jam tu'kjëmëjtën n'aju'uy n'ato'kmëty ets meeny npatmëty.

Tito 3:3

Tëëyëp näjyëtu'un ijty ntsuu'ajtëmë, ka'ap nmëmëto'owëm ja Tios, tëkoy ijty nyajpatëmë. Ja atsojkën ets mëti'ipë ni'ik ntukjotkëtakëmën yë'ë ijty xyaj'ijtëm ijxtëm ja mëtuunpën ëne'empyë y'ityën. Ëxëëk ijty nja'ay'ajtëmë, ntuk'ëxëëk'ijxëm ijty winë ja nmëku'uk'ajtëmë, ëxëëk ijty nyajpatëmë ets ëxëëk näy'ijxëmë xim yam.

Lucas 16:19

Jam ijty tu'uk ja kumeenyjyä'äy, xoxy pëky, oytyuny, aak winjemy nyäxyoxyë ets xëmë ka'ayën ukën mëj nipëjktaakë.

Isaías 50:11

E tëkokyë ja ja'ayëty mëti'ipë je'eyë tsip y'ixkujkëtyëpën ets tnipëjktaakëtë wi'ix tii tuuntëkoytyëtyën, kë'ëm nëjkx ëxëëk jyatë tsipjoty, ma ja tsipën mëti'ipë ënäty kë'ëm të xy'ixkukëtën. Yë Wintsën kyäxäämpy ya'atë ëyo'on ets jam nëjkx m'ooktë.

Isaías 50:5

Yë Wintsën yë'ëjës të xymyo'oy ijxkujk ja'aykyujkën, e ëjts käjpxykyupëjkpë të nnäpyëjktä'äkyës ets ka'apës ni'ikyë të nnäyu'ts të nnäkyiiyënë.

Eclesiastés 11:9

Miitsëty ëna'ktëjkëty, tukxoonta'aktë mjuukyajtënëty ma tyam ëna'knëm myajpaatën; tukxoontä'äky oypyë jaantypë ma tyam tjëkyepyën. Tun winë jëtu'un ijxtëm mwinma'anypyäatyën ets mëmay mëtaj winë ijxtëm yë m'aaw mjot y'ënä'änyën ets ix tii mtimy'ixäämpyën, je'eyëp yë'ë mnijawëp ko tëkokyë mëti'ipë mtuumpy mkäjpxypën ets mëti'ipë mëmääpy mëtäjpyën ets mëti'ipë m'ijxypyën, yë Wintsën nëjkxëp m'amëtoowta'ayë ets myajtëëwta'ayë.

Eclesiastés 7:4

Yë wijyajtën myëmääpy myëtäjpy yë o'kën tëko'oyën ets tsuuwinma'any yi'iyë myëmääpy myëtäjpy wi'ix xyi'ika'any xyona'anyën.

Eclesiastés 2:15

Ënätës të näy'ënä'änyë kë'ëm: Ma tsuuja'ay kyëxa'anyën nän jamës ëjts nkëxa'any, paaty yë wijyajtën tiijës nyajwa'anëty. Tääpë nän natëkë winma'any yë'ë.

Salmos 14:1

Ja'ay mëti'ipë winma'anytyukën ënaanp ko ka'ap ma Tios, tëë wyinma'any tyëkooytya'atë, aakyë'ë të tuntë ëxëëkpë. Ka'ap ma pën mëti'ipë oypyë tyunëpën.

Salmos 10:6

ets ënät myäy tyäjy ko ni pën kyamayëtëty, ets nijëna'a tkapaata'any yë ëyo'on jotmay.

2 Reyes 5:5

Ënät ja yajkutujkpë y'ëtsoowë: Oy'atëp, oy mnëjkxëp, tyamës tu'uk yë noky ntuknikäxëty yë yajkutujkpë jampë y'ëne'emyën Israel. Ënät ja Naamán tsyo'ony. I'px majk mil ojts tmënëjkxy yë poop pujxn meeny, tëtujk mil yë pu'ts pujxn ets majk ni'kx yë wit,

Génesis 11:7

Nikë tim oy'atëp yowë ko yë y'ayukëty ntimyajnäyjyo'pëmëty, këtiipë nyäjyä'äkyukëtëty yë'ëjëty.

Lucas 16:23

Jap ënäty y'ëyoy ja kumeenyjyä'äy ma ja o'kpë nyipätën, tääts ojts y'ijxë'ëky ets t'ijxpaty ko jam tsajpjotm yajpaaty ja Abraham mëët ja Lázaro.

Isaías 5:5

E tyam ntuknijawëja'antë wi'ixës ja ntsatsym kam ntuna'anyën: njëpëkäämpyës yam ja nyikemy ets ja kam tyimkutëkoyëty; tyamës ja nyipotsy njijtë'ëkanë ets ja ja'ay jap tyëkëtëty ets tkutä'änta'atëty;

Proverbios 14:13

Yë'ëpaat ko ja'ay xyi'iky atoonp joot'ëjx ma jyëjpkëxyën yë xoontakën yä'äxy y'awinpity.

Eclesiastés 2:10

Tëës winë ntuunta'ay mëti'ipë ntsojkën'ajtypyën; tëë n'ety nxoontä'äky janaam jatsojk. Tëës yajxon ntukxony yë ntuunkës, etsës yë'ë të nkuma'ayën'aty.

Eclesiastés 2:25

Jä'ä ko ¿pën jotkujk yajpaataanp? pën ka'ap yë'ëjëty yë Tios yajjotkujk'aty.