Eclesiastés 12:7 - Biblia Mixe de Quetzaltepec

⁷ Kom ok, naaxway jatëkok y'awinpity ja jot nini'kx, e ja jot ja'awën jam jatëkok wyimpity ma Tiosën, mëti'ipë jot ja'awën yäjkpyën.

Biblia Dc en Mixe de Quetzaltepec

⁷ Kom ok, naaxway jatëkok y'awinpity ja jot nini'kx, e ja jot ja'awën jam jatëkok wyimpity ma Tiosën, mëti'ipë jot ja'awën yäjkpyën.

Eclesiastés 12:7 ပူးပေါင်းရင်းမြစ်များ

Daniel 12:2

May ja mëti'ipë maatëpën jap naaxjoty, nëjkxëp jyuukywyijtë: Tam mëti'ipë nëjkx jyuuky'ätyën xëmëkyëjxm ets tam mëti'ipë nëjkx je'eyë tsyëtyuny jyääypyätë ets nëjkx ja ëyo'on tpaaty ja xëmëkyëjxmëpë.

Salmos 146:4

Ko y'ooktëty naaxway y'awinpita'antë, jä'ä xëëw winë y'atëkooytyä'äy mëti'ipë të tjamay të tjatajyën.

Zacarías 12:1

Ya'atë aaw ayuk yë'ë yë Wintsën tyuknikäjx yë Israel kajpn. Yë Wintsën mëti'ipë të twijtstëyën yë tsajp ets të tpëjktä'äky ma naaxwiinyëtë kyëxwäätsëtyën ets tjuukyajtënmo'oy yë ja'ay, yë'ë ënaanp:

Génesis 3:19

Mëk mtunëty ets mpëxyikëtëty, täänëm ja mka'ayën m'ukën xypyaatëty, jëtu'un mjuuky'atëty koonëm m'awinpitëty jatëkok naax, ma ojts mtsoonyën. Jä'ä ko mijts naax mëët m'oytyunyëty ets naax jatëkok mkawinpita'any.

Génesis 2:7

Paaty yë Wintsën ojts tu'uk yë naaxwiinyëtë ja'ay tyajkojy. Naax ojts yi'iyë t'oytyuunkojy, tä tjëjpmëpixëy ets tmooy jëtu'un ja jyuukyajtën. Jëtu'un ja naaxwiinyëtë ja'ay ojts jyuukpyiky.

Isaías 57:16

Ëjts ka'apës xëmë nnaax nkajpn yë pyoky ntukwinmëtowa'any, ets ka'apës xëmë ntukjoot'anpëka'any; këtiipë ja'ay myontëty tyuktëty mëti'ipës të nyajkojyën.

Números 16:22

E yë'ëjëty koxtänë kyëtaktë ets tmënu'kxtaktë ja Tios, t'ënëmaaytyë: Tios mijts mëti'ipë juukyajtën myäjkpyën ets xymyooytyä'äy yë ja'ay, ¿tii tëkokyë yë ja'ay xytyimtukjoot'anpëjkta'ay ets tu'uk je'eyë mëti'ipë pokytyuunpën?

Salmos 90:3

Mijts pojën yë naaxwiinyëtë ja'ay jatëkok xyaj'awinpity naaxway ko m'ënaankojnë: Awinpitë naaxway miitsëty naaxwiinyëtë ja'ayëty.

Job 20:11

Ma ënäty yajxon të myëjaawtëkën ets y'ëna'k'atyën jää nëjkx jyëjptä'äky jap naaxpa'tkë'p.

Números 27:16

Mijts Tios, mëti'ipë Wintsën'ajtpën, mëti'ipë juukyajtën mooytyääpyën tëkokyë yë naaxwiinyëtë ja'ay. Mijts win'ix tu'uk yë ja'ay mëti'ipë yë mnaax mkajpn tyu'uwinye'eyëpën, oy maa nyëjkxëty. Këtiipë jëtu'un tyimwë'ëmtëty tä yë tsajppax kupixynyën mëti'ipë ka'ap yë kyëwent'ajtpën.

Hebreos 12:23

Näy tëë xymyëwinkontë nimay ja Tios ja y'u'unk y'ëna'k mëti'ipë ja xyëëw jaaypyety tsajpjotm yajpatëpën. Miits të xymyëwinkontë ja Tios, mëti'ipë ni'ëmukë ja ja'ay pyaye'eytyëpën ets nän miits të xymyëwinkontë ja ja'ay jyot wyinma'anyëty mëti'ipë oyjyä'äy'ajtë ets ojts y'ooktë ets ja Tios ojts pyëjkta'akëtë oy wa'ats,

Hebreos 12:9

Näyjyëtu'un ko të nmutsk'ajtëm, tëë ja nteety'ajtëm yaa naaxwiiny xywyijtswinpijtën ets tëë nwintsë'këm. ¿E tii ko nkawintsë'këmëty ja Tios, mëti'ipë tsajpjotmën? Wä'än xywyijtswinpijtën ets npatmëty ja juukyajtën.

Jeremias 38:16

E ja Sedequías yajkutujkpë ame'tsyë ojts tatskmëkajpxë ja Jeremías ets t'ënëmaay: Yë Wintsënës yë xyëëw ntukkajpxypejtypyës ko ka'ap mijts ni'ënä'ämëja'any, ka'ap pën myaj'ookëtëty ets ka'ap nkë'ëyaka'any ma ja ja'ayëtyën mëti'ipë ënantëpën ko m'ookëty.

Génesis 18:27

Ënät yë Abraham ojts jatëkok y'ënaankojnëpë: Wintsën ëkmä'kx oy yam mijts jëtu'un n'ëkne'emy. Oy mijts mTiosëty, ëjts nitiijës nkakëjxmëty, naaxwiinyëtë ja'ayës.

Job 7:21

¿Ti këtii mëpaat xypyokymye'kxyësë? ¿Këtii mëpaat xynyime'kxyës maas muum ntëkoyënë? Ëjts wäänës yam njaakjuuky'ata'any, täätsës nwo'tstëwëty, ka'apës maa xy'ëk'ijxnëty.

Lucas 23:46

Tääts ja Jesús mëk yujk'ënany: Tios Teety, mijts ntukë'ëtëjkëp yë njot nja'awënës. Ko jëtu'un y'ënaantaay, tääts y'o'ky.

Hechos 7:59

Tam ënäty tkuka'atstë ja Esteban ko ja Tios tmëpëjktsooy ets y'ënäny: Wintsën Jesús, mijts ntukë'ëtëjkëp yë nja'awënës.

Salmos 103:14

yë'ë wa'ats tnijawë tii ëëtsajtëm mëët n'oytyuny'ajtëmë; wa'ats tnijawë ko naaxway ëëtsajtëmë.

Salmos 104:29

Pën mnäyu'tsëp tu'ktsojkyë ma yë'ëjëtyën, ënätyë tsyë'këtya'aktë; pën mijts myajxejytyujkpy, poj'am y'o'kta'atë ets jatëkok naaxway y'awinpitë.

Salmos 31:6

N'ëxëëk'ijxypyës yë ja'ay mëti'ipë awinax y'ëwtajtëpën ka'apë tii mëj'ajtën tmëëtëtyën. Yi'iyë tu'uk yë Wintsën ntuk'ijxpejtypyës.