Eclesiastés 12:5 - Biblia Mixe de Quetzaltepec

⁵ ka'ap nëjkx t'ëkmakxnë ja it ets nëjkxëp tmëët'ajnë ja tsë'ëkë ko muum jyanëjkxa'anëty. Ets ja almendrë nëjkx pyijy, ka'ap nëjkx ja nëë jëyujk t'ëtsu'utsanë ets ka'ap nëjkx yuu y'ëkpatënë. Jä'ä ko yë'ë ënäty wiinkoonëp ja y'ijtakn xëmëkyëjxmëpë ets në'ëjoty tu'ujoty nëjkxëp yajnijëëy yajniyaxnë.

Biblia Dc en Mixe de Quetzaltepec

⁵ ka'ap nëjkx t'ëkmakxnë ja it ets nëjkxëp tmëët'ajnë ja tsë'ëkë ko muum jyanëjkxa'anëty. Ets ja almendrë nëjkx pyijy, ka'ap nëjkx ja nëë jëyujk t'ëtsu'utsanë ets ka'ap nëjkx yuu y'ëkpatënë. Jä'ä ko yë'ë ënety wiinkoonëp ja y'ijtakn xëmëkyëjxmëpë ets në'ëjoty tu'ujoty nëjkxëp yajnijëëy yajniyaxnë.

Eclesiastés 12:5 ပူးပေါင်းရင်းမြစ်များ

Job 17:13

Ëjts yi'iyës xyjyaaknitëjkëp yë o'kën ets näjyëpijptëwëtëtyës akootstuuy.

Job 30:23

Nnija'apës ko mijts xyaj'ookaanpës, ma kyukëxëtën mëti'ipë juuky'ajtëpën.

Proverbios 16:31

Ko yë mëjja'aytyëjk wyääy yaj'ixtë poop, patëtëp ets yajwinkutsë'ëkëtëty; yë'ë mëti'ipë oy të jyuuky'atën.

Salmos 71:18

Tios, mëti'ipës nTios'ajtypyën, këtiis xy'ëxmats xymyajtstu'utëty oyës ënäty të nmëjja'ayënë etsës të nkupo'ojënyë, jä'ä ko ëjts njaaknimëtya'akäämpyës yë mmëjajtën ma ja'ayëtyën tyampë jyuuky'atën ets mëti'ipë juuky'atantëpnëm.

Job 15:10

Mëjja'ay mëj ëna'k yam ëëtsëty ets nija'awëtyëpës ni'ik winë këtiinëm jyëtu'unëty ja mteety.

Levitico 19:32

Ko yë mëjja'aytyëjk xy'ixëty, mwa'akë'ëkëp ënätyë ets xykyajpxpo'kxëty. Myaj'ixëtëp yë näwyinkutsë'ëkë, mëët ko jyääjëty yë Tios. Ëjts jëtu'un Wintsën.

Hebreos 9:27

Jëtu'un ijxtëm yajtuknipëjktakëyën ja ja'ay tuk'okyë y'ookëty ets yajnipaye'eytyëty.

Jeremias 1:11

Ënät ja Wintsën ojts xymyëkäjpxyës ets xy'ënëmaayës: Jeremías, ¿tii xim m'ijxyp? Tääjës n'ëtsooy: Yë'ë tu'uk almendrë xe'enty n'ijxypyës.

Isaías 46:4

ëjts je'eyëmës ënäty n'ixëty ko miitsëty nëjkx mëjja'ayëtë, ko ënäty miitsëty tëë mkupo'ojënëtë ëjts je'eyëm nëjkx miitsëty nmajts'itë. Ëjts miitsëty të nyajkojtë ets je'eyëm ntsäänä'an nkona'antë, ëjts miitsëty nmajts'itantëp ets nyajtso'okantëp.

Eclesiastés 9:10

Mëti'ipë jyëkyejpyën mëpaat xytyunyën tun ets winë aaw winëjot xytyunëty; jä'ä ko jap o'kpëjutjoty ma mnëjkxa'anyën ka'ap jap tii yajtuny yajkäjpxy, ka'ap jap tii yajmëmay yajmëtajy ets ni ijxpëjkën ets ni wijyajtën jap kyä'ty.

Proverbios 20:29

Mëti'ipë ëna'ktëjkëty tyukmëjnajxtëpën, yë'ë ko kyumëjaaw'atë; e mëti'ipë mëjja'aytyëjk tyukmëjnajxtëpën, yë'ë ko jyap'atë yë jyot wyinma'anyëty oypyë.

Génesis 44:31

Ko yë'ë t'ixëty ko ka'ap ma myaank, tsojk y'ëk'o'knëty etsës ënät nwë'ëmtëty pokymyëët, ko yë mëjja'ay y'ëk'o'knëty mëët yë monyëtukyë.

Génesis 44:29

Pën xytyukwinwoowtutëpës ja wiinkpë ja n'u'unkës ets muum wi'ix jyatëty kyëpätëty, miits yë poky mëët'atëp, ko ya'atë mëjja'ay y'ookëty tyëkoyëty mëët yë monyëtukyë.

Génesis 42:38

Tä yë Jacob y'ëtsooy: Yë n'u'unkës ka'ap yë mpanëjkxëtëty, ojts yë y'äjty José y'ooky, e yi'iyë tu'uk jaakwë'ëmp, ko tii jyatëtëty kyëpätëtëty ma mnëëye'eya'an ntu'uye'eya'antën, mijts ënäty yë poky mëët'ajtëp ko ya'atë mëjja'ay y'ookëty mëët yë monyëtukyë.

Jeremias 9:16

Nyaj'aye'eyëjantëpës ma wiinkëtypë naax kajpnën ma ka'ap t'ixy'atën ets ma ka'ap t'ixyajtën ja y'aptëjk; tëypyujxn nëjkx yajtukpajëtitë oy tyimmaajëty koonëm y'o'kta'atëty ets nitu'uk kyawë'ëmtëty.