Eclesiastés 11:9 - Biblia Mixe de Quetzaltepec

⁹ Miitsëty ëna'ktëjkëty, tukxoonta'aktë mjuukyajtënëty ma tyam ëna'knëm myajpaatën; tukxoontä'äky oypyë jaantypë ma tyam tjëkyepyën. Tun winë jëtu'un ijxtëm mwinma'anypyäatyën ets mëmay mëtaj winë ijxtëm yë m'aaw mjot y'ënä'änyën ets ix tii mtimy'ixäämpyën, je'eyëp yë'ë mnijawëp ko tëkokyë mëti'ipë mtuumpy mkäjpxypën ets mëti'ipë mëmääpy mëtäjpyën ets mëti'ipë m'ijxypyën, yë Wintsën nëjkxëp m'amëtoowta'ayë ets myajtëëwta'ayë.

Biblia Dc en Mixe de Quetzaltepec

⁹ Miitsëty ëna'ktëjkëty, tukxoonta'aktë mjuukyajtënëty ma tyam ëna'knëm myajpaatën; tukxoontä'äky oypyë jaantypë ma tyam tjëkyepyën. Tun winë jëtu'un ijxtëm mwinma'anypyäatyën ets mëmay mëtaj winë ijxtëm yë m'aaw mjot y'ënä'änyën ets ix tii mtimy'ixäämpyën, je'eyëp yë'ë mnijawëp ko tëkokyë mëti'ipë mtuumpy mkäjpxypën ets mëti'ipë mëmääpy mëtäjpyën ets mëti'ipë m'ijxypyën, yë Wintsën nëjkxëp m'amëtoowta'ayë ets myajtëëwta'ayë.

Eclesiastés 11:9 ပူးပေါင်းရင်းမြစ်များ

Eclesiastés 12:14

Yë Tios yë'ë xyajtëwa'anëmë wi'ix tu'uktu'uk të njuuky'ajtëmë, oy ënäty ëxëëk ëkë oy të njuuky'ajtëmë ets oy ënäty tii yu'utsy me'ty të ntu'unëmë.

Eclesiastés 12:1

Ja'amyäts mëti'ipë myajkoj mpëjktakën tyam ma m'ëna'k'atyën ma ka'anëm mmëja'ayënëm; minaanp ja xëëw jëmëjt ma nëjkx m'ëna'anyën: Nijënu'unës xoontakën; nkapaaty ma juukyajtënën.

Lamentaciones 3:27

Oy ni'ik ko yë ja'ay yë'ë tëyajtën tuny.

Eclesiastés 3:17

Paatyës ëjts n'ëna'any ko yë Tios yë'ë nyija'ap wi'ix tuna'any yë ja'ay mëti'ipë oy ja'ay'ajtpën ets ja'ay mëti'ipë ëxëëk ja'ay'ajtpën, jä'ä ko myëët'ajtääpy yë nyixëëw nyijëmëjt jëna'a winë tyunyë jyätyën ets ma winë yajtuny yajkäjpxyën.

2 Corintios 5:10

Jä'ä ko ni'ëmukë nëjkx nwa'këxë'këmë ma ja Kristë ja kyutujktaknën, ets nitu'ukjaty n'ëxajëmëty mëti'ipë xypyaat'ajtëmën ijxtëm ënäty tii oy ka'oy të ntu'un të nkajpxëmën ko të njuuky'ajtëm ma ja ni'kx'ajt nkopk'ajtëmën.

Hebreos 9:27

Jëtu'un ijxtëm yajtuknipëjktakëyën ja ja'ay tuk'okyë y'ookëty ets yajnipaye'eytyëty.

Job 31:7

Pën tëëjës njëjpye'eytyu'uty ja tëytyu'u, pën tëëjës winë n'atsoky, pën tëë yajpaaty winë maas ntëjkën mëti'ipës ka'ap njä'äjëtyën,

Romanos 14:10

¿E tii ko mijts ja mmëku'uk xynyi'ojë? ¿Ëkë tii ko xywiink'ixy? Ni'ëmukë ëëts nëjkx nwa'këxë'këmë Tios wyintum ets yë'ë nëjkx xypyaye'eyëmë.

Mateo 5:28

E ëjts jëtu'un miits nëëmëtë, pën ja to'oxytyëjk y'ixk'ajtyp, tëë ënäty tyajtëkoy ja wintsë'kën ma ja pëjkën ukën jyootjoty wyinma'anyjoty.

Eclesiastés 2:10

Tëës winë ntuunta'ay mëti'ipë ntsojkën'ajtypyën; tëë n'ety nxoontä'äky janaam jatsojk. Tëës yajxon ntukxony yë ntuunkës, etsës yë'ë të nkuma'ayën'aty.

Génesis 6:2

Yë Tios yë tyuunpëtëjk ko t'ijxtë ya'atë to'oxy'ëna'këty janty'oy janty tsujëtypë. Ënät ojts twin'ixtë aakjä'ä oyëtypë ets mëët pyëjktë y'uktë, mëti'ipë ënäty tyimtsojkën'ajtëpën.

Génesis 3:6

Ënät ja to'oxytyëjk t'ijxy, ko ja ujtstëëm janty'oy kyëxë'ëky ets janty oyjyë'kxnë. Tää tu'uk tnëtujky ets ojts tjë'kxy. Jä'ä ko y'atsojkpy ja këpetyajtën. Ojts tmo'oy näjyëtu'un ja nyiye'etyëjk ets ojts tjë'kxy.

Números 15:30

E pën tu'uk yë ja'ay tsoky tyimpokytyuunpë, ëjts jëtu'un xyajjotma'tp, wä'än yë'ëjëty yë Israel ja'ay ëkë wä'än yë'ëjëty yë jaaypyaat jaaypyo'kxy. Tääpë ja'ay nëjkxëp tyimyajjo'otsy ma nyaax kyajpnën.

2 Pedro 3:7

E ja naax ets ja tsajp mëti'ipë tyam n'ijxëmën, tëë ja Tios tuknipëjktaakë ko tyajkutëkoyä'äny mëët ja jëën, ets ko tyajkutëkoyä'äny ja ëxëëkja'aytyëjk ko ënäty ja tëytyu'unën ets ja paye'eyën tyunyë jyätyë.

Jeremias 23:17

Mëti'ipë y'ëxëëk'ijxtëpën yë n'aaw n'ayukës, jëtu'un yaj'ëëmëtë: Aak oy winë mwinpëtsëma'anxëtë. Mëti'ipë mëët tsuuwinma'any winë tyuuntëpën jëtu'un yaj'ënëëmëtë: Ka'ap wi'ix mjata'antë.

Jeremias 7:24

E yë'ëjëty ka'ap xymyëmëtoowtës ets ni xykyamëjpëjktaktës, ni'ikyë ojts winë tuntë tkajpxtë ijxtëm ja jyot wyinma'anyëtyën. Ijxtëm jeexyë ëjts xynyimiintën, ni'ikyës ojts xymyëjëkämkä'äktës.

Salmos 81:12

Paatyës të ntimy'ëxmatsy, wä'än t'ixtë tii tyuuntëp, ets jëtu'un të jyuuky'atë ijxtëm yë'ëjëty t'oyjyawëtën.

Deuteronomio 29:19

Pën jam pën y'ënä'äny ëkë myäy tyäjy; ëjts tiijës pën xykyëwentëty jyëkyejpyës ntunëty oy tii ntimtyuna'anëtyës, jëtu'unpë ja'ay yë'ë ja poky myëët'atëp, ko ënäty miitsëty wi'ix mjatë mkëpätë.

Números 15:39

Jëtu'un'äämpy ko xy'ixtëty ya'atë piity jyo'oky ma mwitëtyën. Ënät nëjkx xyjyä'ämyätstë ja n'ënä'ämën ntëyajtënës, mëti'ipë të nmo'otën ets xypyatuntëty. Ka'ap nëjkx mkë'ëmwinma'anyëty xyajtuntë ets jëtu'un ka'ap winë xy'ëktuunëtëty mëti'ipë xëmë myajtëkooyëtëpën ets ëxëëk myaj'ëtë'ëts myaj'ëna'anëtë.

Hechos 24:25

Tääts ja Pablo ojts nimëtyä'äky wi'ix pyaat'atyën ja'ay jyä'äy'atëty, wi'ix nyäyajt'itëtëty ets wi'ix ja Tios nëjkx ja naaxwiinyëtë ja'ay tpaye'eyën. Ënät ja yajkutujkpë Félix tsyë'këy ets ja Pablo yajnëmaay: Nëjkx tyämyë. Jää jatëkok nwoowtsowëty koos ënäty n'ëwaatsë'aty.

Hechos 14:16

Oy ojts tëëyëp ja Tios naspëkë tyaj'ity ja ja'ay ets ja kyë'ëm winma'any tyajtuntëty,

1 Reyes 22:15

Ënät ojts jam nyijkx ma ja yajkutujkpën ets ja yajkutujkpë yajtëëwë: Micaías, ¿mijts wi'ix m'ëna'any, oyë Ramot yajnitsiptunëtyë, mëti'ipë jamën Galaad y'itjotmën, okë oy ka'apë? Ets ja Micaías y'ëtsooy: Nitsiptun, mijts mëta'akaanp, yë Wintsën mijts myajmëta'akanëp.

1 Reyes 18:27

Ko ënäty jam kyujkyxyëëwënë, tä ja Elías je'eyë nyëxik tyukxikënëtë, y'ënëmaayëtë: Jaakwäänë mëk ya'axtë joktë, jä'äxë ko Wintsën yë'ë. Wä'änxyëp jam mëk tyuny, ëkë wä'änxyëp jam y'ujts ye'ey, ëkë wä'änxyëp të tsyoony. Ëkë wä'änxyëp të myaanajxnë, paaty yuxtë.

1 Reyes 18:12

Ëjts wa'atsës ntsyäty nyijawë ko ënät yaa ntsoonëtyës wiinktsow ënät ja Wintsën ja myëk'ajtën y'oyajtën myajnëjkxa'anyë maas ka'ap ninu'un nijawëtyën. E koos ënät ntuk'ëwaanëty ja Ahab, yë'ë kajts ja maa m'ëk patënëty, etsës ënätës xyaj'ookëty. Ëjts nwinkutsë'këpës yë Wintsën mutsknëm.

Números 22:32

Tä ja Wintsën ja kyukäjpxy y'ënëmaayë: ¿Tii ko mjëyujk të xywyopy tëkëëk'ok? Ëjts mijts ntu'u'ëtujkpy, jä'ä ko ma mnëjkxyën, ëjts ka'apës n'oyjyawë.

1 Corintios 4:5

Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Tios myo'ojëtëty ja oyajtën wi'ix nitu'ukjaty pyaat'atyën.

Josue 7:21

Mëti'ipë jam winë të yajpaatyën ma Jericó kajpnën, tu'ukës yë mëjwit të n'ixy janty'oy mëti'ipë kojpën Babilonyë, mäjtsk tsim naxy ja poop pujxn meeny, tu'kkäpy yë pu'ts pujxn, jä'ä jye'emtyëty naxy kujkmtsim. E ëjts janty këjääjës të n'ixy, paatyës të ntony, jamës të nmënëjkxy maas yë ntëjkën etsës të nitajy ntëjk'itkujkyës. Ja poop pujxn pa'tkë'pës të npëjktä'äky.

Lucas 12:19

Täätsës kë'ëm näy'ëna'anëtëty: Mëku'uk, tap pëjkë'ëk winë may xyaj'ity mëti'ipë myajtunëpën kanaak jëmëjt; po'kx, kay uuk ets tukxon je'eyë ja juukyajtën.

Eclesiastés 6:9

Tsoowpatp ni'ik ko tii ntimy'ijxmëty ets këtii ko tii je'eyë nmëma'ay nmëtajmëty. Je'eyëp ko natëkë winma'any näjyëtu'un ets jëtu'un tpaaty tä juukyajtën je'eyë ntuk'ëyë'kmëtyën.

Eclesiastés 7:14

Ko myajpaatëty akujk jotkujk, mtukxoonta'akëp; e ko ka'ap oy mjotkujk'ajtën xypyaatëty mëmay mëtajëp ko aakyë'ë Tios yäjkpy ets naaxwiinyëtë ja'ay ka'ap tnijawë tii nimiin nikëtakëp.

Eclesiastés 3:12

Ëjts nija'apës ko yë naaxwiinyëtë ja'ay yi'iyë tsyojkpy wi'ix tukxoonta'akëtyën yë jyuukyajtën,