Eclesiastés 11:1 - Biblia Mixe de Quetzaltepec

¹ Yajkay yë ja'ay, mëti'ipë yuu'o'këpën; ko ënäty mijts myu'ookyë nëjkxëp tääpë ja'ay myajkayë.

Biblia Dc en Mixe de Quetzaltepec

¹ Yajkay yë ja'ay, mëti'ipë yuu'o'këpën; ko ënety mijts myu'ookyë nëjkxëp tääpë ja'ay myajkayë.

Eclesiastés 11:1 ပူးပေါင်းရင်းမြစ်များ

Eclesiastés 11:6

Mni'ipëp yë mtëëmp jopyëp ets mni'ipëp näjyëtu'un jënäkyxyëëw, jä'ä ko ka'ap yajxon yajnijawë mëti'ipë wintëwaanp, pën yë'ë mëjëyëjpë ëkë pën yë'ë okpë, ëkë pën majkpëky wyintëy.

Proverbios 19:17

Ko yë ëyoopëja'ay tii ntuk'ënu'kxmëty, Tios ënäty winë yajtuk'ënu'kxp, yë Tios yë'ë nëjkx kë'ëm jëna'a tkujuy ja nu'kxy.

Hebreos 6:10

Jä'ä ko yë Tios mëtëy nyipaye'ey, ka'ap tja'atyëkoyä'äny mëti'ipë të xytyuntën ets wi'ix të xypyutëkëtën ja Tios ja nyaax kyajpn ijxtëm tyampaat xytyuun'ëtë'ëtstën.

Mateo 10:42

Pën myoopy ja nëë tu'ktsim ja pi'k ëna'k mëti'ipës xymyëpëjkpën, tëyës n'ëna'any ko y'ëxajëjäämpy ja kyuma'ayën.

2 Corintios 9:6

Ja'amyätstë ya'atë: Pën wäänë nip, wäänë ja pyëjktä'äky tyajpëtë'ëka'any; pën may nip, may ja pyëjktä'äky tyajpëtë'ëka'any.

Isaías 32:20

Miitsëty jotkujk nëjkx mjuuky'atë, ma ja mkam mtu'ujëtyën, jam'ataanp ja mëj komnëë mëti'ipë ja m'aay mkepy mtukyajxooktëpën ets ja mjëyujk mtsajpkaajëty ka'ap nëjkx tyaj'ëmaaytya'aktë ja y'ääy y'ujts mëti'ipë y'oktëp wyëtstëpën.

Lucas 14:14

Jä'ä ko yë'ëjëty ka'ap myäyëtë tkujuytyëty mëti'ipë ënäty të xymyo'oyën; je'eyëp ko mijts nëjkxëp ja mkuma'ayën xy'ëxajë ko ënäty jyuukpyëktë ja wa'ats ja'ayëty.

Isaías 32:8

E ja'ay mëti'ipë oy ja jyot wyinma'anyën, myëmääpy myëtäjpy ja oypyë ets jä'ä tyuunpy.

Mateo 25:40

Ënät ja yajkutujkpë y'ëtsowa'any: Tëy miits n'ënëëmëtë, ko të xytyuntë tu'kë'ëyë ja oypyë ja tu'unën kajpxën ma ja'ayëtyën mëti'ipë ënäty yajpatëpën ëmaay amutsk, ëjts jëtu'un të xymyëtuntë.

Proverbios 22:9

Mëti'ipë ja'ay oy yë jyiiky myëku'uk jya'apën, nëjkxëp mëj këjää ja näkyënu'kxë tpaaty, mëët ko ënäty ja jyiiky myëku'uk t'akaaytyuky t'a'uktuky.

Proverbios 11:18

Yë ëxëëk ja'ay ko nyätyijyë yajmëjuy, je'eyë yajtukwin'ëëny yë myëju'uny; yë ja'ay mëti'ipë winë oy tyuunpyën, kä'pxy t'ëxajë myëju'uny.

Mateo 10:13

Pën m'ëtsoowëtëp ja ja'ay oy, amëtowtë ja Tios ets kyënu'kxëtëty. Pën ka'ap oy m'ëtsowëtë miitsëty ka'ap tiijotmay xyjyawëtëty.

2 Samuel 17:29

Ojts näjyëtu'un tmëmintë uuxpa'ak, quesë mëti'ipë yajpëtsëmtëpën ma tsajpkaajën ets ma kupixynyën ets ja David kyäytyëty y'uuktëty mëët ja mayjyä'äy mëti'ipë të pyaminyën; jä'ä ko yë'ë pyanajtsja'awëtyëp ko këjää të ye'eytyë jam të'ëts'itjotm ets ko mëk'ënu'kxë tyuktëkë ets yuu tëëtsë.

Levitico 19:25

E kommëkoxk jëmëjt jyëkyejpy xyjyë'kxnëtëty ja m'aaytyëëm m'ujts tëëmëty. Jëtu'un'äämpy ja mjë'kxykyepyëty mëj këjää tyëëmpätëty. Ëjts jëtu'un Wintsën, mëti'ipë miits mTiosajtëpën.

Eclesiastés 3:6

Nyixëëw nyijëmëjt pyätyp ko pën tii t'ixmatsy ets ko pën nyäy'awijtsë'ëkyë. Ko pën tii tpëjkë'ëky tuunë'ëky ets ko pën tii t'ijxpëky.

Mateo 25:17

Näyjyëtu'un mëti'ipë y'ëxajëyën mäjtsk mil, ojts tyaj'u'unk'aty.