Eclesiastés 10:10 - Biblia Mixe de Quetzaltepec

¹⁰ Ko yë jatyë jyëjpkëtä'äky ka'ap oy pyuxy, koonëm mëk yajnixajjë'ëky täänëm tyuky yë ja'axy.

Biblia Dc en Mixe de Quetzaltepec

¹⁰ Ko yë jatyë jyëjpkëtä'äky ka'ap oy pyuxy, koonëm mëk yajnixajjë'ëky täänëm tyuky yë ja'axy.

Eclesiastés 10:10 ပူးပေါင်းရင်းမြစ်များ

Santiago 1:5

Pën jam miits jënaakën ka'ap xymyëët'atë ja wijyajtën kejyajtën, amëtowtë Tios ets mmo'ojëtëty. Aak Tios yäjkpy oy tyimtiijëty, ka'ap tii tukwintuk'ooky.

Colosenses 4:5

Oy mja'ay'atëty mëët ja ja'ay mëti'ipë ka'ap Kristë tmëpëktën. Yajtuunk'paatë ja xëëw.

Eclesiastés 10:15

Mëti'ipë ja'ay tsuujën je'eyë nëkooyë y'ëxëëk näyajtunyë, ni yë'ë tkanijawë mëti'ipë tu'u jam jajtp kajpnjotm.

1 Corintios 14:20

Mëku'uktëjkëty, këtii mmaytyëty mtajtëty ijxtëm ja pi'k ëna'kën. Jëtu'un tä pi'k ëna'kën mnäyajnaxëtëty ma ja ëxëëkpën, je'eyëp ko mëmay mëtajtë winë yajxon ets xyaj'ixëtëty ko mëj ja'ay'ajnëtë.

1 Reyes 3:9

E yë'ëtsës yam n'amëtoopy, xymyo'ojëtyës tu'uk ja jot winma'any oypyë, mëtëypyë etsës njatëty nijawëty wi'ix ja mnaax mkajpn n'ënä'ämëtyës; ¿jä'ä ko pën jëtää ëkmayëtëp ya'atë mëj naax mëj kajpn janty'oy t'ëktu'uwinwowëty?

Romanos 16:19

Ets nyija'awëtëp ja ja'ay oypyënëty ko miits ja Tios xymyëmëtowtë, paatyës jotkujk nyajpaaty ets ntsojkpyës ets wijy kejy myajpaatëty wi'ix xytyuntëtyën ja oypyë, ka'ap yë'ëjëty wi'ix tii ëxëëk xytyuntëtyën.

Mateo 10:16

Ëk'ixtë. Jëtu'un yam miits nkäxtë ijxtëm ja kupixyny nyëjkxtën pa'uk'akujky. Wijy kejy mnäpyëjkta'akëtëty ijxtëm ja tsa'anyën. Yujy mnäpyëjkta'akëtëty ijxtëm ja pakën.

1 Crónicas 12:32

Ma ja Isacar ja jyä'äyën, mëti'ipë nyija'awëtyëpën wi'ix ja xëëw po'o myiny kyëtä'äkyën ets tii mëpaat ja Israel ja'ayëty tuntën; jä'ä nyiwinë'ajtë mëti'ipë ojts tniwintsën'atyën nimäjtsk mëko'px ja mëti'ipë nyikopk'ajtën ja jyä'äyëty.

Deuteronomio 32:41

Koos ënäty tëë ntuknipëjktaakë, etsës ja ëyo'on nyaj'ita'any, ets jëtu'un ja nëë poky nipaye'eyëtyës, ëxëëkës nëjkx ntuny ja nmëtsiptëjkës, ets ntukumëtowa'antës, mëët wi'ixës të xytyimtuntën. Ja mëti'ipës ënäty xy'ëxëëk'ijxypyën, ëxëëkës nëjkx nyajjaty nyajkëpety.

Eclesiastés 2:13

Ets të npaaty yë winma'any ko oy ni'ik yë wijyajtën ets këtii yë tsuuajtën, jëtu'un tä ni'ik y'oyëtyën yë të'kxën jajën ets këtii yë kootsajtën.

Eclesiastés 10:9

Tsëtyujtp yë ja'ay mëti'ipë tsaapu'upën. Neypyujxëp yë ja'ay mëti'ipë ja'axypyujxpën.

Eclesiastés 10:11

Nëkoo nyatëkëjaty ko tu'uk ja'ay tyajxuxy pën tëë jëyëjp nyatsu'tsnë.

Eclesiastés 9:18

Ni'ik tsyowpaaty yë ixpëkyajtën këtiinëm yë pujxn mëti'ipë ja'ay myëtsiptuunpyën. Ko tii oy tkatuny mëj këjää ëyo'on jotmay y'ity.