Eclesiastés 1:8 - Biblia Mixe de Quetzaltepec

⁸ Ka'ap pën yajxon tkajpxtë'kxy wi'ix yajtsipke'exyën mëti'ipë yajpatp yaj'ijxpën; ni pën maa tkamëtoynyëm oypyë aay ayuk mëti'ipë jeexyë yajxon jotkëtakpën.

Biblia Dc en Mixe de Quetzaltepec

⁸ Ka'ap pën yajxon tkajpxtë'kxy wi'ix yajtsipke'exyën mëti'ipë yajpatp yaj'ijxpën; ni pën maa tkamëtoynyëm oypyë aay ayuk mëti'ipë jeexyë yajxon jotkëtakpën.

Eclesiastés 1:8 ပူးပေါင်းရင်းမြစ်များ

Salmos 63:5

Täätsës jëtu'un nnäjyawëtëty janty akëtä'äky janty jotkëtä'äky, jëtu'un tä yë ja'ay akëtä'äky jotkëtä'äky nyäjyawëtyën ko kyäy y'uuky, ets ja n'aaw nyä'änës mëjpëjkta'akëtëty mëët ja xoontakën.

Proverbios 27:20

Yë o'kën tëko'oyën, yë o'kpë jut, ets ko yë naaxwiinyëtë ja'ay ka'ap kyu'uxyë, jëtu'un mëti'ipë ka'ap nijëna'a kyixy nyäxyën.

Eclesiastés 1:7

Aak mëjmejyjoty kyëtakta'ay oymyëti'ipë mëjnëëjëty, ja mëjmejy kä'äpyëm nyäky y'uty; jam jatëkok tsyoony ets tniye'eyëtyä'äy ma të tsyoontën.

Eclesiastés 2:11

Ënätës të nmëmay të nmëtajy mëti'ipëjatyës të ntunyën ets wi'ixës tii të nmëmay të nmëtajyën ets mëti'ipës mëj këjää të nituunkën ets të nijawës ko nëkoopë tääpë tuunk të nyatëkë'aty, jëtu'un tä ja'ay poj tmatsa'anyën ets ko kajtëm yaa nitii naaxwiinyëtë tii mëpaat ntukjotkëtäkëmën.

Eclesiastés 2:26

Yë Tios, yë'ë yäjkpy yë wijyajtën, ijxpëky'ajtën ets xoontakën ets yë'ë myoopy mëti'ipë nyi''ijxkëtäkpyën; e mëti'ipë tuuntëkoopy kajpxtëkoopyën je'eyë yajxon tyajtuny ets tnipëjkpety yë wit meeny ets tuk'oy'atëty yë'ë mëti'ipë ënäty nyi''ijxkëtäkpyën. Tääpë nän natëkë winma'any yë'ë ets nëkoopë juukyajtën ntuk'ëyë'kmëty.

Eclesiastés 4:8

tu'u yë naaxwiinyëtë ja'ay nätyu'ukpë jyuuky'ätyën, ka'apë y'u'unk y'ëna'kën ets ka'apë myëkä'äxën, ka'apë pyo'kxyën nitu'knu'un ets yi'iyë myëmääpy myëtäjpy wyit myeeny ets nijëna'a kyanäyajtëyë: ¿tiijës ko nëkooyë ntimy tyäty nyäyajtunyë? ¿Pën n'amëtu'unëp? ¿Tiijës ko ka'ap näyyajpo'kxyë? Ya'atë nän natëkë winma'any yë'ë ets je'emty yë oy.

Eclesiastés 6:7

Yë naaxwiinyëtë ja'ay yë'ëkyëjxm ko kyäyä'äny paaty ka'ap nyeajpo'kxyë, je'eyëp ko ka'ap nyäky kyu'uxyë.

Hageo 1:9

Miitsëty may winë xytsyoktë ets wäänë xypyaatë; mëti'ipë jap mtëkoty mjapëjkë'ktëpën, tu'kxejyës je'eyë nyajkëjxta'ay. ¿Wi'ix jëtää ko jyëtu'unëty? Jä'äkyëjxm koos yë njëën ntëjk axit ako'owë yajpaaty, e miitsëty yi'iyë mëmaay mëët'ajtëp wi'ix mjëën mtëjk xyaj'utstëtyën. Ëjts Wintsën, ëjts ënaanp.

Mateo 11:28

Nimiintëkës ni'ëmukë mëti'ipë të y'ënu'kxëtën mëët ja tuunk ets ja tsëmy kë'ëy, ëjts miits nyajpo'kxantëp.

Mateo 5:6

Jotkujk yë ja'ay yajpaatë mëti'ipë tsyojkën'ajtëp ja tëypyë nipaye'eyën, jä'ä ko ku'uxyë y'ita'antë mëët ja jëtu'unpë.