Deuteronomio 7:9 - Biblia Mixe de Quetzaltepec

⁹ E paaty ja'amyätstë, këtii xyjyä'äytyëkoytyëty ko yë Wintsën mëti'ipë mTiosajtëpën, yë'ë tëy jaanty, mëti'ipë kyuuytyuunpyën ja y'aaw y'ayuk oy kanaak yë xëëw jëmëjt tyimnaxëty, ma ja mëti'ipë tsojkëyëpën ja'awëyëpën ja y'ënä'ämën tyiyajtën.

Biblia Dc en Mixe de Quetzaltepec

⁹ E paaty ja'amyätstë, këtii xyjyä'äytyëkoytyëty ko yë Wintsën mëti'ipë mTiosajtëpën, yë'ë tëy jaanty, mëti'ipë kyuuytyuunpyën ja y'aaw y'ayuk oy kanaak yë xëëw jëmëjt tyimnaxëty, ma ja mëti'ipë tsojkëyëpën ja'awëyëpën ja y'ënä'ämën tyiyajtën.

Deuteronomio 7:9 ပူးပေါင်းရင်းမြစ်များ

Hebreos 10:23

Tsojk njëjp'ijxëm ëmuumtu'ukjot mëti'ipë ja'ay ntukmëmëtyakëmën, jä'ä ko Tios, kyuuytyuunpy mëti'ipë wyaantäkpyën.

2 Timoteo 2:13

Pën ka'ap ëëts npatu'unëm ja y'aaw y'ayuk, yë'ë pyatunäämpy ja y'aaw y'ayuk, jä'ä ko ka'ap tjëkyepy kë'ëm nyätyuxi'ikëtëty.

2 Tesalonicenses 3:3

E yë Wintsën kyuuytyuunpy ja y'ayuk, yë'ë yajkëjääjëjäämpy ja mmëpëjkënëty ets m'akëëytyuk m'axajtukëtëty këtiipë mka'atëty ëxëëktum.

Daniel 9:4

Ets ja Wintsën të nmëkäjpxyës, jëtu'unës të nmëmaaywyätsy: Wintsën, Tios mëti'ipë maaytyääyëpën winë, mëti'ipë pyatuumpyën mëti'ipë të nikäjpxyën ets myajk ja ijxpät ko mijts mtsoky mjawë ma ja'ayëtyën mëti'ipë pyatuuntëpën ja m'ënä'ämën mtëyajtën:

1 Corintios 1:9

Tios, mëti'ipë y'ayuk pyatuumpyën, yë'ë të xywyin'ijxëmë ets tu'ukyë mëët njuuky'ajtmëty ja y'u'unk Jesukristë, ëëts yë nWintsën'ajtëmë.

Nehemías 1:5

Ënätës n'ënëmaay: Tios mëti'ipë ijtpën tsajpjotm, ja mëjpë jaantypë ets kutsë'ëkëpë, ko xypyatuny ja mkäjxytyu'unën ma ja ja'ayën mëti'ipë mtsojkëpën ets pyatuumpyën ja m'ënä'ämën mtëyajtën;

1 Tesalonicenses 5:24

Ja Tios mëti'ipë të mwootsowëtën, tëy tëtä'äky yë'ë, tyunäämpy tu'kë'ëyë ya'atë.

Romanos 8:28

Nnija'awëm ëëtsajtëm ko ja Tios yë'ë të tpëjktä'äky winë ets tuk'oy'atëty ja ja'ay mëti'ipë tsojkëpën, mëti'ipë të twoowtsoyën ijxtëm të tuknipëjktaakën.

Deuteronomio 5:10

E mëti'ipës xytsyojkp xyjya'apën ets pyatuumpy ja n'ënä'ämënës ntëyajtënës, mëkës ntsoky njawë ets ka'ap tsyojk'amëty, kë'ëyxyëëw kë'ëyjyëmëjt jëtu'un.

1 Juan 1:9

Pën nmaaywyajtsëm ja npoky'ajtëmë, jyëkyejpy ntuk'ijxpäjtmëty ja Tios, wa'atspë, ko myä'kxäämpy ja npoky'ajtëmë ets tu'kë'ëyë mëti'ipë të ntuuntëko'oyëmën.

Isaías 49:7

Yë Wintsën, mëti'ipë yaj'ëwaatsëpëtsëëmpën, ja Wa'atspë yajpaatyën ma Israel kajpnën, jëtu'un t'ënëëmë ja naax kajpn mëti'ipë ëxëëk të yaj'ixyën, mëti'ipë je'eyë të myëtunyën ma ënä'ämpë yajkutujkpën wiinktsowpë tsyoontën: Ko ënäty ja yajkutujkpëtëjk ets wintsëntëjk m'ixëtë, ënät nëjkx mniwä'ätsë'ëkyë ets mkajpxpo'kxëtëty mëët tu'uk ja näywyinkutsë'kën, jä'ä ko ëjts Wintsën, ja Wa'atspë ma Israel kajpnën, ëjts mijts të nwin'ixy ets npatuumpyës ja n'aaw n'ayuk ijxtëmës të nikäjpxyën.

Santiago 1:12

Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Tios të tukwinwanën ja mëti'ipë tsojkëpën.

2 Corintios 1:18

Wa'ats ja Tios nijawë ko mëtëy winë të ntukmëmëtya'aktë.

Éxodo 20:6

E mëti'ipës xytsyojkp xyjya'apën ets tpatuny ja n'ënä'ämënës ntëyajtënës, mëj këjääjës yë ntsoky njawë ets winë xëëw winjëmëjt n'oyjyawëja'anyës.

Génesis 17:7

Yë käjpxytyu'unën mëti'ipës ntuunpyën mëët mijts ets mëët yë m'u'unk m'ok. Yë'ë koos jëtu'un mijts xyTios'ataanpës ets tu'kë'ëyë m'u'unk m'ok ets ja y'u'unk y'okëty näjyëtu'un.

Hebreos 6:18

Ya'atë mäjtskpëkpyë mëti'ipë ka'ap tyëkatsyën ets ka'ap tjëkyepyën yë Tios wyin'ëënëty, paaty të n'ëxajëm ja jotkujk'ajtën, ko të n'ixta'ayëm ja Tios myajts'ijtën ets të ntukjotkujk'ajtëm ja ëwxijt mä'kxtujkën mëti'ipë të xymyo'oyëmën.

Salmos 119:75

Wintsën, ëjts wa'atsës nnijawë ko yë m'aaw m'ayuk mëti'ipë të xyajwë'ëmyën, wa'ats yë'ë ets mëtëy; mijts tap ja winma'any xymyëëtëty tiikyëjxm koos xyajmony xyajtuky.

Hebreos 11:11

Abraham myëpëjk ja Tios. Paaty ja Sara ja u'unk maay tyajmiiny naaxwiiny, oy ënäty të jyamëjja'ayënëtë nimäjtsk. Abraham ojts myëjaawpëky ets teety nyaxëty, jä'ä ko tmëpëjky ëmuumtu'ukjot ko Tios kyuuytyuunpy mëti'ipë të twinwanën.

Deuteronomio 4:35

Tëkokyë ya'atë, paaty kyëjxm të myajtuk'ixtë ets xynyijawëtëty, ko yë Wintsën yë'ë tu'uk Tios mëtëypyë ets jëtu'un tä yë'ëjën ka'ap maa wiinkpë.

Tito 1:2

mëti'ipë ijtpën ko yajjëjp'ixy ja juukyajtën xëmëkyëjxmëpë. Tios ka'apë y'antä'äkyën, mëti'ipë ya'atë juukyajtën ojts twinwanën ka'anëm ënäty yë naaxwiinyëtë tsyo'ontä'äky,

1 Corintios 10:3

Näy jä'ä ojts tkaytyë t'uuktë ja Tios ja y'oyajtën, yë myëjaaw myëk'ajtën mooyëtë,

1 Corintios 8:3

Pën ja Tios tsyojkpy jya'ap, nija'awëyëp ja Tios.

1 Crónicas 16:15

Oy kanaak najtskä'äxë ja'ay tyimjuuky'atëty, mëti'ipë yë'ë të twinwanën ka'ap nijëna'a tja'atyëkoy.

Lamentaciones 3:23

Jopy jopy y'ajämë; mëjwiin këjää yë tsyojkën jya'awën.

Salmos 146:6

Yë'ë yajkoj ja tsajp ets naax, yë mejy ets tu'kë'ëyë mëti'ipë yajpatp ma yë'ëjëtyën, mëti'ipë nyikäjpxypën, jä'ä tyuunpy.

Génesis 9:15

Ënätës yë'ë ntukja'amyätsëty koos ënäty ëjts ja käjpxytyu'unën të ntuny mëët miitsëty ets mëët ja jëyujkëty ets ka'ap y'ëkjää'ajtnëty ja nëë tuu mëti'ipë yajkutëkoyëpën ja naaxwiinyëtë.

Génesis 28:15

Ëjts mijts mëët n'ity, nkëwent'atäämpy oy ma mtimnyax mtimtyëkëty. Ets nän ëjts mijts nyajwinpitëp jatëkok ma ya'atë naaxjotmën. Ka'ap nmajtstu'uta'any, maanëmës ka'ap nkuuytyunyën ja mëti'ipë të ntukwinwanën.

Números 14:18

ko ka'ap tsojkyë mjoot'anpëky, ko mëj këjää mtsoky mjawë ets mnime'kxyp ja nëë poky ets ja käjpxy kumëtoownajxën. Näyjyëtu'un të m'ëna'any, ko ja pokytyuunpë kë'ëm tkumëtoy ja y'ëxëëk'ajtën ma y'u'unk y'ëna'kën.

Deuteronomio 4:39

Paaty n'ënëëmëtë ko yajxon xyajkëpajkpätëty, ko yë Wintsën yë'ë Tios'ajtp oy jyamëty tsajpjotm ets yaa naaxwiiny ets jëtu'un tä yë'ëjën ka'ap maa wiinkpë.

Deuteronomio 32:4

Yë Wintsën yë'ë xykyuwa'an xykyënu'kxëm, yë'ë aak'oy winë tuny, ko tii tuny aakyë'ë mëti'ipë mëtëyën. Yë'ë Tios'ajtp ets yë'ë tëy'ajtën'ajtp, yë'ë nijëna'a winë tëkatsy tkatuny, yë'ë tyuunpy mëti'ipë oyën ets mëtëyën.

Jueces 2:1

Ënät ojts tu'uk yë Tios yë kyukäjpxy jam tsyoony Guilgal ets ojts nyijkxy Boquim, jam t'ënëmaay ja Israel ja'ayëty: Ëjts miits të njuutë jap Egiptë ets yaa të nyajmintë ma ya'atë it naaxwiinyëtën mëti'ipës ojts ja m'ap m'ok ntukwinwanëtën: Ja käjpxytyu'unën mëti'ipë të ntu'unëmën ka'ap ja nijëna'a nyaj'atëkoyä'änyës,

1 Reyes 8:23

ets y'ënäny: Wintsën mëti'ipë yë Israel ja'ayëty y'ëwtajtëpën, kamaa Wintsën jëtu'unpë kyayajpaaty tsajpkëjxm ets naaxkëjxy tä mijtsën, mëët ko mijts mpatuunpy ja m'aaw m'ayuk ets myaj'ijxëp ja m'oyjot m'oywyinma'any ma ja'ayën mëti'ipë ëmuumtu'ukjot mëmëtoowëpën.

2 Crónicas 6:14

ets y'ënäny: Wintsën, Tios teety, mëti'ipë yë Israel ja'ayëty y'ëwtajtëpën: Ka'ap jam tsajpwinm ets naaxwiiny ma jëtu'umpë Wintsën myëjëty tä mijtsën, jä'ä ko mijts tëë ja m'ayuk xytyukniwä'äky ijxtëm m'ënanyën ets m'oyjya'ap mtsujja'ap ja mëti'ipë winë aaw winëjot mëtuunëpën;

Salmos 103:18

Ma ja'ayëtyën mëti'ipë kuuytyu'unxëtëpën ja kyäjpxytyu'unën ets tmëmëtowtë ja y'ënä'ämën tyiyajtën.

Salmos 105:8

Oy kanaak jëmëjt nyaxëty ets jyuuky'atëty jëtu'un yë naaxwiinyëtë ja'ay, yë'ë ka'ap tja'atyëkoy mëti'ipë të twaantä'äkyën, ko ojts ja käjpxytyu'unën tuny.

Jeremias 32:18

Kanaak najtskä'äxë mijts ja mtsojkën mja'awën xyaj'ity, je'eyëp ko mtëytyuunpy ja ja'ay mëti'ipë tyeety tyaak pyojkpyën. Tios mëjpë ets mëti'ipë maaytyääyëpën winë, jä'ä mijts mxëëwajtyp Wintsën mëti'ipë maaytyääyëpën winë.

Deuteronomio 32:39

Ëjts jëtu'un tu'kpajk Tios'ajtp; ka'ap maa pën wiinkpë tios. Ëjts nyäjkpyës yë juukyajtën, etsës mpëjkpyës jatëkok. Ëjts yajtsëtyujtp yajwintëkoopyës, ets yajtsokp yaj'akëtakpës. Ni pën tkajëkyepy tkukä'äkëty ëjts yë nmëk'ajtën.

Jueces 5:31

Jëtu'un mëpaat kyutëkooytya'atë mijts yë mmëtsip Wintsën, e ja ja'ay mëti'ipë mtsojkëpën mja'awëpën wä'än jëtu'un të'kxtë tjajtë tä xyëëw'anyën. Ko ya'atë tsip nyäjxy, jä'ä ojts yë Israel kajpn jotkujk yajpaaty wëxtyikxy jyëmëjt.

Nehemías 9:32

Paaty ënät yam myaj'ënëëmë mijts Wintsën, ma myajTeety'äty myajTios'atyën, mëti'ipë mëjën, mëti'ipë maaytyääyëpën winë ets kutsë'ëkë; ma mijts xykyuuytyunyën ja m'aaw m'ayuk ets mtsojkën mja'awën, ja'atyëkoy ja nyëë pyokyëty ëëts ja n'ap n'okëty, ëëts ja nyajkutujkpëty, ja nkopktëjkëty, ja nteetyëjkëty ets ja nwinkajpxpëtëjkëty ets tëkokyë ja naax kajpn mëti'ipë ijty ënä'ämëtëpën Asiria ja'ayëty ets mëti'ipë tyampaatën.

Salmos 36:6

Yë mtëyajtën jëtu'un yë'ë ijxtëm mëj kopkën; yë m'aaw m'ayuk jëtu'un yë'ë tä këk mejyën. Wintsën, mijts mkëwent'ajtyp yë naaxwiinyëtë ja'ay ets jëyujk tsajpkaa.