Deuteronomio 1:2 - Biblia Mixe de Quetzaltepec

² Mëj ja it naaxwiinyëtë tyajwintujktë, tyimtsoony jam Horeb ets tyimja'ty jam Cades-barnea, majktu'uk xëëw yajtukye'eynyajxta'ay ko tëyë ja tu'u yajpanëjkxy mëti'ipë ja'ajtpën jam ma Seir kopkën.

Biblia Dc en Mixe de Quetzaltepec

² Mëj ja it naaxwiinyëtë tyajwintujktë, tyimtsoony jam Horeb ets tyimja'ty jam Cades-barnea, majktu'uk xëëw yajtukye'eynyajxta'ay ko tëyë ja tu'u yajpanëjkxy mëti'ipë ja'ajtpën jam ma Seir kopkën.

Deuteronomio 1:2 ပူးပေါင်းရင်းမြစ်များ

Números 13:26

jam Cadés ma ja të'ëts'it të'ëtsjotmën ma ja Moisés ënäty yajpaatyën, ja Aarón ets tëkokyë ja Israel ja'ayëty. Jam tukmëmëtyaktaaytyë, wi'ix ënäty ojts të t'ixtën. Ets tuk'ijxtë ja aaytsya'am ujts tsa'am, mëti'ipë jam myëtso'ontën ma ënäty ojts të jyëtitën.

Números 32:8

Näyjyëtu'un y'ëtëtstë ja mteety m'apëty jam Cades-barnea, koos nkäjxtë ets nëjkx ja it naaxwiinyëtë t'ixtë tuntë.

Deuteronomio 9:23

E ko yë Wintsën ojts tni'ënä'ämë ets jam mtsoontëty Cades-barnea ets mnëjkxëty ma ja it naaxwiinyëtë mo'oja'anëtën, miitsëty ka'ap ojts xymyëmëtowtë, ka'ap xymyëpëjktë mëti'ipës ojts tjanikäjpxyën.

Josue 14:6

Ënät ja Judá ja y'u'unk y'ok ojts nyëjkxtë jam Guilgal ets myëtya'aka'antë mëët ja Josué. Ojts yë Caleb näjyëtu'un nyijkxy mëti'ipë Quenéz ja'ayën, Jefuné yë myaank ets t'ënëmaay ja Josué: Ja'amyäts wi'ix yë Wintsën ojts t'ënëëmën yë Moisés jam Cades-barnea ko ojts ëëtsajtëm nyajnimëtyakëmë.

Deuteronomio 2:8

Ënät ëëts jam najxtë ma txëëwatyën Arabá, Elád ets Esión-guéber, tääts ojts ntukja'tës ja nyaax kyamëty ja njëëky nmëku'ukëtyës, jä'ä jëtu'un ja y'u'unk y'ok ja Esaú mëti'ipë ënäty jam tsënaaytyëpën Seir. Jam ojts n'ëwtitës ets n'apatës ja tu'u mëti'ipë najxpën jam Moab.

Deuteronomio 2:4

Jëtu'un xy'ënëëmëty ja naax kajpn: Tyam yë'ë ënät mtuknaxtëp yë nyaaxjotëty yë Esaú yë y'u'unk y'ok, jampë tsyëënëtën Seir, miits yë mjëëky mëku'ukëty. Yë'ëjëty nyija'awëtyëp wa'ats, ko miitsëty mjotmëkjatyëty ets myajtsë'këtyëp. Jä'ä tëy këtii nëkoo xymyëmayëtëty ets miits kë'ëm näkyëwent'atëtë.

Deuteronomio 1:44

E ja Amor ja'ayëty ko tnija'awëtyë, tääts mnipëtsëëmëtë tä xëmiinky kyääkwä'kxyën ets ka'ap myajmëtakëtë; jampaat mpaja'ajtëtë ma txëëwatyën Seir ets ma txëëwatyën Hormá.

Levitico 9:23

Ënät ja Moisés mëët ja Aarón jap tyëjkëy ma ja wit tëjkën ma ja näpyaatë y'ityën. E ko ojts pyëtsëmtë, tääts ojts tkënu'kxtë ja Israel ja'ayëty, täänëm ja Tios nyänyikëxë'kë mëët yë mëj'ajtën ma ja naax kajpnën.

Levitico 2:14

Ko ja Tios xytyukwintsëkëja'anëty ja mpëjktä'äky mëti'ipë ëka'any tëëmpäjtë'kpën, yë'ë tyëëm myajkëp, mëti'ipë ënäty yajxon të myëjayën ets xyaj'ëkëty jëënjoty, tääts xymyä'äjëty, jä'ä ja mëti'ipë ënäty ëka'any tëëm'ajtë'kpën.

Éxodo 3:1

Yë Moisés yë'ë ënäty kyëwent'ajtëp ja myë't Jetro kyupixyny, mëti'ipë jam teety'ajtpën Madián, e tëkok ojts jam twojpnëjkxy ma të'ëts'it të'ëtsnaaxën, jam tyimja'ajty ma tu'uk ja mëj kopkën, mëti'ipë ja Tios jyä'ä'ajtypyën, jä'ä txëëwaty Horeb.

Génesis 32:3

Ënät yë Jacob mäjtsk tëkëëk tkejxy yë tyuunpë jam Seir ma ja nyaaxjotmën ja Edom, tääts tuk'ëwaanëja'any ja y'äjty Esaú ko tää wyinkony.

Éxodo 17:6

Jam n'ëwxita'any ma Horeb kopkën, ma tu'uk yë tsaatun kupi'tykyën. Ko tääpë tsaa xywyojpyu'kxëty, ënät jap myäypyëtsëma'any yë nëë ets yë'ë ja ja'ay y'uuktëp. Ko jëtu'un ja Moisés tuuny, tam ënäty t'ixtë ja mëjja'aytyëjkëty, mëti'ipë nyimëjja'ay'ajtëpën ja Israel kajpn.

Deuteronomio 1:19

Ko ojts ntso'onëm jam Horeb, ënät ojts jam nja'ajtëmë ma ja kopkjotmën, mëti'ipë nyitënaaytyëpën yë Amor ja'ayëty, mpatu'unëmë jëtu'un ja nWintsën'ajtëmë Tios ja y'ënä'ämën. Ojts ntukye'eynyajxta'ayëmë tampë të'ëts'itjot ma kyutsë'ëkëtyën, miits wa'ats xy'ijxtë xynyija'awëtyë ets ojts nja'ajtëmë jam Cades-barnea.

Deuteronomio 2:1

Ënät ojts nëjkxtës të'ëts'itjotm ets npanëjkxtës ja në'ë tu'u mëti'ipë nëjkxpën jam ma Tsaptsmëjmejyën. E jä'ä ko Wintsën ënäty jëtu'un të xytyuk'ëne'emyës, jeky ojts ëëts jam njëtitë të'ëts'itjotm ets na'ëwtijtës tëkokyë ja Seir kopkjot.