Daniel 9:3 - Biblia Mixe de Quetzaltepec

³ Ënät ja Wintsën të nmënu'kxtä'äkyës, tëëjës n'ayuu'aty ets tëëjës ja nwit mpëjktä'äky mëti'ipë u'kxpën ets tëëjës jaamjoty n'u'unyë.

Biblia Dc en Mixe de Quetzaltepec

³ Ënet ja Wintsën të nmënu'kxtä'äkyës, tëëjës n'ayuu'aty ets tëëjës ja nwit mpëjktä'äky mëti'ipë u'kxpën ets tëëjës jaamjoty n'u'unyë.

Daniel 9:3 ပူးပေါင်းရင်းမြစ်များ

Jeremias 33:3

Ëjts mëkajpxk ets n'ëtsowëty ets ntuk'ixëty mëjwiinpë këjääpë ja winma'any mëti'ipë yu'utsy'ijtpën, mëti'ipë ka'ap xynyijawën.

Ester 4:16

Yajmujkta'a tëkokyë Jutiiyë ja'ayëty mëti'ipë tsënaaytyëpën Susa ets xynyijëëytya'ak xynyinu'kxta'aktëtyës, ni pën kyakay kya'uukëty tëkëëk xëëw tëkëëk tsu'um. Yë ntuunpëtëjkës, yë to'oxytyëjktëjkëty mëti'ipës yam mëët nyajpaatyën, nän tyam ëëts njëëytya'aka'an nnu'kxta'aka'antë ayuu axëëw ets yam ninëjkxa'anyës ja yajkutujkpë ets mëët nmëtya'aka'anyës, oy jëtu'un t'ëkpaatëty ka'ap yowë nmëmëtoyës ja ënä'ämën kutujkën mëti'ipë jää ijtpën. E pën xyaj'o'ktëpës, wä'än t'ixy.

Esdras 9:5

Ënät ojts wäänë ja monyëtukyë xynyiwa'atyës ets tamës jëtu'un ja nwit nixox'aty koos ntëjkëy kajpxtakpë ma Wintsën Tiosën,

Esdras 10:6

Tä ja Esdras jam tsyo'ony ma ja Wintsën ja tsyajptëjkën ets ojts nyijkxy ma ja Johanán jap y'ityën, yë myaank yë Eliasib; jap ja tsuu tyajnajxy, ka'ap kyääy y'uky mëët ja monyëtukyë. Jä'ä ko jä'ä pya'ëyoopy mëti'ipë ënäty jatëkok të wyimpitën.

Esdras 8:21

Ok ojts nipëjktaakës ets ja ja'ay y'ayuu'atëty tu'uk xëëw jam ma mëjnëë nyäxyën mëti'ipë yajtijpën Ahavá, ets yajmëmay yajmëtajëty ja tuuntëko'oy kajpxtëko'oyën mëti'ipë të yajtunyën ma ja nTios'ajtëmën, tääts yaj'amëtow yajpëjktsowëty wä'än oy mëjaaw xyajtu'uye'eyëmë mëët ja n'u'unk'ajt n'ëna'k'ajtëmë ets jënu'un winë nmëët'ajtëmën.

Hechos 10:30

Tääts ja Cornelio y'ëtsooy: Tyam mëmajktaxk xëëw ma ya'atpë horë yaa n'ayuu'atyës maas ntëjkën. Tiosës nja'amyejtsyp jënäkyxyëëw, ko ojts ajotkumonë n'ijxpaatyës tu'uk ja ye'etyëjk xywyintänës. Atë'kxp ajajp ja wyit kyëxë'ëky.

Lucas 2:37

mëmajkta'px jëmëjt ënäty ku'ooky të y'ijnë. Xëmë ja Tios twintsë'ëkë ma ja mëjtsajptëjkën xëëny koots; ayuu'ajtp näjyëtu'un ets ja Tios tja'amyetsy.

Joel 2:12

E tyam jëtu'un yë Wintsën y'ënä'äny: ëjts niwinpijtëk winë aaw winëjot. Ëyuu'atë, ya'axtë joktë ets jë'ëtë ya'axtë.

Joel 1:13

Miitsëty teetytyëjkëty, mëti'ipë wintsë'kën myajktëpën ma wintsë'këntyaknën, tuktëkëtë mwitëty mëti'ipë kuumpën u'kxpën ets mjë'ëtëty mya'axtëty mëët ja pëjkën ato'onën, jä'ä ko jap ma tsajptëjkën ka'ap jap tiinë yë tsajpmok ets tsatym nyëë mëti'ipë wintsë'kën'ajtpën.

Ezequiel 36:37

Ëjts Wintsën, jëtu'unës n'ëna'any: Mëj këjääjës winë ntuna'any. Nmo'ojäämpyës yam yë Israel kajpn mëti'ipës xy'amëtoopën ntunëtyës ma yë'ëjëtyën; jëtu'unës yë jyä'äy nyajnimayëyä'äny tä nyimayën yë kupixyny.

Salmos 35:13

Ko ijty pyëkëtë y'ixëtë, näjyëtu'unës ijty ëjts nyajpaaty mon tuk mëët yë'ëjëty, etsës ja nwit ntuktëkë mëti'ipë kuumpën u'kxpën, täätsës näjyëtu'un n'ayuu'aty n'axëëw'aty; ets maas ja njot nwinma'anyën ka'apës npo'kxy mëët ja wa'anën tso'owën.

Daniel 6:10

Ko yë Daniel tnija'awëy, ko tëë ja ënä'ämën yajtsa'ay, ënätyë ojts nyijkxy ma tyëjkën ets tya'ëwatsy ja tyëjk'aaw ets ja tyëjkwiin ma myä'äyën, mëti'ipë jam najts'ijxëpën maatsow yë Jerusalén kajpn wyi'imyën ets nyäkyoxtënaaytyakë ets t'ëwtajty ja Tios. Tëkëëk ijty tu'kxëëwpë nyu'kxtä'äky, jëtu'unyëm ënäty xëmë tuny.

Nehemías 9:1

Kom i'px majktaxk xëëw, jä'ä po'o tyu'ukmujktaaytyë ja Israel ja'ayëty ets y'ayuu'ata'antë; jä'ä ijty tëëyëp ja'ay tuntë wa'ats ja wyääy kyopk tyaj'ujtsta'atë mëët ja naaxway ets nyätyukxojxta'ajëtë ja wit tujkxy nikëëts ixkëëts,

Isaías 22:12

Jä'ä xëëw yë Wintsën mëti'ipë maaytyääyëpën winë, m'ënëmaayëtë ets mjë'ëtëty mya'axtëty, ets mwaay xykyääptëty ets xytyuktëkëtëty ja wit mëti'ipë kuumpën u'kxpën.

Daniel 9:2

Ma ënäty mëtu'uk jëmëjt yajkutukyën, ëjts Daniel, yë'ëjës ënäty jam n'ijxpëjkpy yë käjpxynyajxpë Jeremías yë nyoky, ma tnikäjpxyën ko tëkë'px majk jëmëjt y'ita'any axit ako'owë ja Jerusalén kajpn, ma ja käjpxynyajxpë Jeremías ënäty ja Wintsën jëtu'un të y'ënë'ëmxëtën.

Daniel 9:4

Ets ja Wintsën të nmëkäjpxyës, jëtu'unës të nmëmaaywyätsy: Wintsën, Tios mëti'ipë maaytyääyëpën winë, mëti'ipë pyatuumpyën mëti'ipë të nikäjpxyën ets myajk ja ijxpät ko mijts mtsoky mjawë ma ja'ayëtyën mëti'ipë pyatuuntëpën ja m'ënä'ämën mtëyajtën:

Daniel 9:20

Ëjts tëëjës ja Tios nmënu'kxtä'äky ets ja mpoky nmaaywyätyës, tëë näjyëtu'un ja naax nkajpnës, yë Israel kajpn ninu'kxtä'äkyës ets ja Wintsën n'amëtoyës ja kënu'kxën ma ja kyopkën mëti'ipë wa'atsën.

Jonás 3:5

Ja ja'ay mëti'ipë jam tsënaaytyëpën ma tääpë kajpnën, mëj mutsk ojts myëpëjkta'atë ma Tiosën ets tkäjpxy'ajtë ko y'ayuu'ata'antë ets nyätyukxoxa'anëtë ja wit mëti'ipë kuump u'kxpën, tyaj'ixa'anëtë ko ënäty jyotmaypyaatë.

2 Samuel 12:16

Ënät ja David mëktä'äky tyëjkëy nu'kxtakpë ets jeexyë ja Wintsën tyajtso'oky ja mëxu'unk, ojts ja David jya''ayuu'aty ets naaxkëjxy tyajnajxy ja tsuu.

Job 42:6

Paaty yam ntukjootwinpity, maas yam n'u'unyën kuyjaamjoty ets naaxwayjoty.

Mateo 17:21

Yë ku'oypyë jëwa'kp näjyëtu'un ko ja'ay Tios tja'amyetsy ets ko ja'ay y'ayuu'aty.