Daniel 9:26 - Biblia Mixe de Quetzaltepec

²⁶ Ko ënäty të nyäxy tëkë'px mäjtsk sëmaan, ënät nëjkx ja jyuukyajtën tpëjkëtë ja yajkutujkpë kënu'kxypyë. Yë Jerusalén kajpn ets tsajptëjk yë'ë nëjkx yajkutëkoyë yë yajkutujkpë ets ja'ayëty mëti'ipë minantëpën wiink naax wiink kajpn. Jëtu'un kyukëxëja'any tä nëëkom muum tyajnikoompetyën tii winë ets mapaat jyëjpkëxyën yë juukyajtën tsip käjpxy jää itaanp ets o'kën tëko'oyën jëtu'un tä të yajtuknipëjktaakën.

Biblia Dc en Mixe de Quetzaltepec

²⁶ Ko ënety të nyäxy tëkë'px mäjtsk sëmaan, ënät nëjkx ja jyuukyajtën tpëjkëtë ja yajkutujkpë kënu'kxypyë. Yë Jerusalén kajpn ets tsajptëjk yë'ë nëjkx yajkutëkoyë yë yajkutujkpë ets ja'ayëty mëti'ipë minantëpën wiink naax wiink kajpn. Jëtu'un kyukëxëja'any tä nëëkom muum tyajnikoompetyën tii winë ets mapaat jyëjpkëxyën yë juukyajtën tsip käjpxy jää itaanp ets o'kën tëko'oyën jëtu'un tä të yajtuknipëjktaakën.

Daniel 9:26 ပူးပေါင်းရင်းမြစ်များ

Nahúm 1:8

E ko pën yajjoot'anpëkyë jëtu'un ëxëëk y'ëti'itsy y'ënä'äny tä mëj nëëkomën; yë myëtsip jëtu'unyë tyajkukootsëja'any.

Isaías 53:8

Nanëkookyëjxm ojts tmënëjkxtë, ka'ap pën pyukajpxëyë, ets ka'ap pën pya'ëyoowë. Jëtu'un ja'ay yaj'o'kë tä aay ujts yajwijxë'ëkyën, ja nnaax nkajpnës ja nyëë pyoky ojts tkumëtoowë.

Marcos 13:2

Tääts ja Jesús y'ëtsooy: ¿M'ijxyp ko myëjëty ets y'oyëtyë? Nitu'kjënu'unën ya'atë tsaa kyawë'ëma'any, tu'kë'ëyë jyijta'aja'any.

1 Pedro 2:24

Kristë ojts ja npoky'ajtëm tmënëjkx ma ja nyi'kx kyopkën jam kruutskëjxm ets jëtu'un nyäjxy ijxtëm jeexyë ja poky të nku'o'këmën ets ënät njuuky'ajtmëty mëtëy. Yë Kristë ojts tsyëtyuty wyintëkoy ets miits mtsoktë.

Lucas 24:26

Ko jëwyiin ja Jesús y'ëyowëty ets ok tpëkëty ja myëj'ajt y'oyajtën.

Marcos 9:12

Ënät ja Jesús y'ëtsooy: Mëtëy yë'ë, jëwyiin yë Elías myina'any ets tu'kë'ëyë tyaj'o'oyëtya'aja'any winë. ¿E tii ko ja Tios ja y'ayuk y'ënä'äny koos ëjts n'ëyo'onpaata'any ets ko ka'apës nyajkupëka'any?

Mateo 24:2

Ënät ja Jesús y'ënëmaayëtë: ¿M'ijxtëp ya'atë tu'kë'ëyë? Tëy n'ënëëmëtë ko ya'atë tsaapotsy nitu'uk kyawë'ëma'any, tu'kë'ëyë jyijta'aja'any.

1 Pedro 3:18

Jä'ä ko ja Kristë ojts xykyu'o'k xykyutëko'oyëmë tu'k'okyë ko npokyjyä'äy'ajtëmë. Yë'ë ka'ap ijty tii poky tmëëtëty; yë'ë pokyjyä'äy ojts tku'ëyowë ets myajnëjkxa'anëtë ma Tiosën. Oy ojts ja Kristë y'ëk'ooky ko nyäpyëjktakë naaxwiinyëtë ja'ayën; ojts jyuukpyiky mëët ja juukyajtën ka'apë kyëxë'ëkyën.

Gálatas 3:13

Tëë ja Kristë xyajpëtsë'ëmëmë ma ijty kajpxpoky n'ijtëmën, jä'äkyëjxm ko ja Kristë ojts nyätyukjä'ätijyë ja kajpxpojkën mëti'ipë ënäty ëëts njä'ä'ajtëmën, jëtu'un këxja'ay myiny: Kajpxpoky tu'kë'ëyë winë y'ity mëti'ipë kepykyijxy këx'o'kpën.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Tios pyëjktakë ijxtëm jeexyë ja poky tmëët'atyën, jëtu'unts ja Tios xyaj'ëwaatsëpëtsë'emëty mëët ja Kristë.

Daniel 11:10

E yë y'u'unk y'ëna'këty yë yajkutujkpë mëti'ipë anëkëjxytsyowën, yë'ë nëjkx tma'kxtë yë jyä'äy mëti'ipë tsiptuntëpën. Ets tu'uk nëjkx tuknipëjktaakë tnitëkëja'anëty ja yajkutujkpë mëti'ipë ëpa'tkë'ëytsyowën ets nëjkx tyajkutëkoy ja naax kajpn tä jeexyë nëëkom të nyäxyën; ets nëjkxëp jatëkok tnitëkë ja naax kajpn jampaat nëjkx jyä'ty ma ja kutujktaknën jampë yajpaatyën ëpa'tkë'ëmtsow.

Daniel 9:27

E ja tu'k sëmaanpë wyi'imyën, jää nëjkx mëët kanaak yë naax kajpn käjpxytyu'unën tuny, e sëmaanjoty jää t'akajpxtuka'any këtiipë wintsë'kën yajyäkyën. Ets tu'uk yë mëjpoky yajtuna'any ma ja wintsë'kënytyaknën ma yajyäkyën ja wintsë'kën, koonëm ja o'kën tyukja'tëtëty ja mëti'ipë ënäty ja ëxëëkajtën tyuuntëkoopyën.

Isaías 8:7

Yajnikoompätäämpy yë Wintsën tääpë kajpn mëët yë komnëë mëti'ipë jam tso'onpën Éufrates. Yë'ë y'antijpy yë Asiria yajkutujkpë mëët tu'kë'ëyë myëk'ajtën. Nyijä'tstëkoyäämpy ja nëëtu'u ets jëtu'unyë ja nëë ye'eywya'kxa'any.

1 Pedro 2:21

Paaty ja Tios të mmëkajpxëtë, jä'ä ko tëë ja Kristë mku'ëyowëtë ets të najtstunë mëti'ipë miits xykyuuy'ixtëpën.

Juan 14:30

Ka'apës nëkooyë n'ëkmëtya'akanë mëët miitsëty, jä'ä ko tää wyinkony mëti'ipë ënä'ämpën yaa naaxwiiny; oy tkamëët'aty nitii mëk'ajtën ma ëjtsën,

Lucas 24:46

ets y'ënëmaayëtë: Jëtu'un kyëxja'ayëty ko ja Kristë y'ookëty ets kom tëkëëk xëëw jyuukpyëka'any,

Lucas 21:24

Tam mëti'ipë nëjkx yajkupuxyën, mëti'ipë nëjkx yajtsumy yajmatsyën wiink naax wiink kajpn; ets ja mëtsip jëtu'unyë nëjkx t'ateeny tukteeny ja Jerusalén kajpn koonëm tpaatëty ja nyixëëw ma ënäty të yaj'akäjpxyën.

Marcos 13:7

Ko miits xymyëtoy'atëty ko tsip tyunyë ets tyuna'anyë, këtii mtsë'ëkëtëty. Kopkpëky ko jëtu'un tyunëtëty jyatëtëty. E ka'anëm ënäty tnapaaty ets naaxwiinyëtë kyëxëty.

Mateo 22:7

Ënät ja yajkutujkpë ojts yajxon jyoot'anpëky ets tkejxy ja tsyiptuunpëtëjk ets tyaj'o'kta'atëty ja yajja'ay'o'kpëty ets tnaxkuno'okëtyë ja nyaax kyajpn.

Mateo 22:2

Jëtu'un ja tsajpjotmëpë kutujkën ijxtëm ja yajkutujkpë xyëëwtunyën ko ja myaank tyajpëka'any.

Amós 9:5

Yë Wintsën, Tios mëti'ipë maaytyääyëpën winë, ko tpaaty yë naaxwiinyëtë jëtu'unyë jyiiywya'kxta'ay ets tyëkëtë jëëpyë yaxpë mëti'ipë jam tsënaaytyëpën. Jëtu'un yë naaxwiinyëtë nyëje'etsy yujkje'etsy tä Nilë nëëjën.

Amós 8:8

Paaty yë naaxwiinyëtë mëk yu'kxa'any, paaty yë ja'ay jyë'ëja'an ya'axa'antë ma ja naax kajpnën. Ets naaxwiinyëtë y'ëtëtsta'aka'any jëtu'un tä yë Nilë nëë jyä'tsminy jyä'tsxëpyën.

Oseas 1:9

Ënät ja Wintsën ojts tmëkäjpxy ja Oseas ets t'ënëmaay: Llamá Lo-ami xytyijëty yë mmaank, jä'ä ko miitsëty ka'ap n'ëkkajpn'ajtnëtë, etsës ka'apës ëjts miits xy'ëk'ëwtajnëtë.

Jeremias 46:7

¿Pën tääpë yeekyën jëtu'un tä Nilë nëë kyomyën, jëtu'un tä nëëkom nyämyëjënäkyën?

Salmos 22:15

Jëtu'unës yë n'aaw tä texy apu'ujën; tëës yë nyä'än myëjtëtspäjnë npa'kxwiinyës. Jap ma o'kpë nyipetyën japës të xyajkëtä'äky.

Lucas 21:6

Mëti'ipë yaa m'ijxtëpën, pyatäämpy ja xëëw jëmëjt ko nitu'uk ja tsaa kyawë'ëma'any, tu'kë'ëyë jyijta'aja'any.

Mateo 23:38

Ix ënät ja mtëjk apak të wyi'imy.

Daniel 11:17

Nëjkxëp näjyëtu'un tuknipëjktaakë wi'ix tjä'ä'ajta'aja'anyën ja naax kam ëpa'tkë'ëytsyowpë; ets yë'ë nëjkx wyinma'anypyääty ko tyajpëka'any yë nyëëx mëët yë myaank yë yajkutujkpë ëpa'tkë'ëytsyowpë ets tpëjkëtya'aja'any yë kyutujktakn, je'eyëp ko ka'ap nëjkx oy wyimpëtsëmy jyëjpëtsëmy.

Jeremias 51:42

Yë Babilonyë kajpn mëj nëëkom të yajkutëkoyë, jëtu'unyë nëë o'pyky të nyijä'tspetyë.

Daniel 11:22

Yajkutëkooytya'ajäämpy ja kutujkën mëti'ipë ënäty ëwa'ktujkëpën ets yaj'ookäämpy ja mëti'ipë ja käjpxytyu'unën nyikopk'ajtypyën.

2 Samuel 21:5

Ets y'ëtsoowtë: Ja ja'ay mëti'ipë ojts tjatuknipëjktaakën ets jeexyë ëëtsëty nkutëkooytya'atës ets jeexyë këtii nëkoo n'ëkwintsëna'ayënëtës ja itjot mëti'ipë yë Israel ja'ayëty nyitënaaytyëpën,

Isaías 28:2

Yë Wintsën tam tu'uk ja'ay tyaj'ëwxity mëkpë, maayëp winë, mëti'ipë nëjkx jëtu'un kyëtä'äkyën tä tyëtsntu'uyën, tä myëk kyomtu'uyën mëti'ipë yajkutëkoopyën ja naax kajpn, tä mëktuupojën, tä mëj nëëkomën. Kë'ë'am nëjkx naaxkujëpipë.

Isaías 28:22

Paaty myaj'ënëëmëtë këtii je'eyë xynyëxi'ik xytyukxi'iktëty, këtiipë mjotmay kyëjääjëtëty; jä'ä ko tëëjës nijawë ko yë Wintsën mëti'ipë maaytyääyëpën winë, yajkutëkooyäämpy tu'kë'ëyë naax kajpn.

Daniel 11:36

Ja yajkutujkpë ja anëkëjxytsyowpë. Mëj këjxm nëjkx ni'ik nyäyajnaxyë këtiinëm ja tiostëjkëty ets nëjkx nëkooyë tni'ojënë ja Tios mëtëypyë; ets aak'oy nëjkx winë wyimpëtsë'ëmxëty, koonëm nëjkx ja Tios tyuknikexyë ja tëytyu'unën; jä'ä ko mëti'ipë yë Tios të tuknipëjktaakën tyunäämpy yë'ë.