Daniel 9:21 - Biblia Mixe de Quetzaltepec

²¹ Tamës ënäty nyajnaxy ja nu'kxtakën, ko ja Gabriel të myiny, ja mëti'ipë ënäty të xy'ëknimiinpënës nkuma'ayjyotyës, pojjoty të myiny kääkë'kp. Yë'ë ënäty tyimpatyp ma yajyaka'anyën ja wintsë'kën jënäkyxyëëwpë.

Biblia Dc en Mixe de Quetzaltepec

²¹ Tamës ënety nyajnaxy ja nu'kxtakën, ko ja Gabriel të myiny, ja mëti'ipë ënety të xy'ëknimiinpënës nkuma'ayjyotyës, pojjoty të myiny kääkë'kp. Yë'ë ënety tyimpatyp ma yajyaka'anyën ja wintsë'kën jënäkyxyëëwpë.

Daniel 9:21 ပူးပေါင်းရင်းမြစ်များ

1 Reyes 18:29

Jëtu'un ojts ja xëëw kyujkënyë ets kyutëjkënë, yë'ëjëty tampaat ya'ax jyoktë ets jyänty nyëpujt jyänty yujkpujtë tä ja'ay mëti'ipë pojëtëpën tpatnë ja xëëw ma ja wintsë'kën jeexyë yajkë'ëyäkyën ka'ap ja ëtsoowinpijtën tpatë. Ni pën kya'ëtsoowëtë ets ni pën kyamëtoowëtë.

1 Reyes 18:36

Ko ojts tpaaty ma ënäty ja wintsë'kën tyaka'anyën, tä ja käjpxynyajxpë Elías wyinkoony ets y'ënäny: Wintsën, mëti'ipë y'ëwtajtën yë Abraham, Isaac ets Israel: Mijts myajkutukëp ets tyam yajnijawëty ko mijts jëtu'un mWintsën'ajtp ma Israel ja'ayëtyën ets koos mijts xytyuunpë'ajtp ets tëkokyës mëti'ipës yam ntuunpyën mijtsës të xytyuk'ëne'emy.

Salmos 103:20

Mëjjaw kënu'kxyjyawëtë yë Wintsën miitsëty Tios kukäjpxy ninu'un myaj'ënä'äm myajmëkajpxtën; ninu'un jëjp'ixy myajpaatën ets xymyëmëtowa'antë.

Salmos 104:4

Yë poj yoots yë'ë mtukmëjëtijtyp yë m'aaw m'ayuk, ets jëën yë'ë mmëtuunëp.

Salmos 141:2

Wä'änës yë ntsajpkäjpxy jam tja'ty ma mijtsën tä poom jyokyën, koos yë nkë'ë nxajë'ëkëty jëtu'un nyaxëty tä jeexyë wintsë'kën myajmo'oyën ko jyënäkyxyëëw'aty.

Éxodo 29:39

Tu'uk jopyëp xyakëty ets jënäkxyëëw wiinkpë.

Isaías 6:2

Jam pyë'am jamtëm näjyëtu'un yajpaatë ja Wintsën ja kyukäjpxy, kujkyë tyänëtë, tëtujk yë kyäkn, tëkëëk tu'kpa'ajaty: mäjtsk tuk'ëtuktë ja wyiin jyëjp, mäjtsk tuk'ëtuktë ja pyuuy ets mäjtsk tukääkjëtitë.

Ezequiel 1:11

Anëkëjxytsyow ja kyäkn yujkxajy. Mäjtsk nyäpyäätyë ets mäjtsk ja nyini'kx tuknikë'ëtë.

Ezequiel 1:14

Ja tsajpjotmëtë kukäjpxy pe'tym nyaxtë tyëkëtë, jëtu'un tä wyëtsukyën.

Ezequiel 14:14

E ma tääpë kajpnën ko jeexyë jam y'ëkmintë Noé, Daniel ets Job, yi'iyë jeexyë nitëkëëk tsoktëp jä'ä ko mëtëy yë të jyuuky'atë. Ëjts Wintsën, ëjts ënaanp.

Daniel 10:10

Ënätës tu'uk yë kë'ë të xymyätsy etsës të xywyijtsë'ëky, koonëmës yajxon të näkyutijyë maas yë nkoxën etsës të ntënaaykyukë.

Daniel 10:16

Ajotkumonë të yaj'ixy jëtu'un kyëxë'ëky tä tu'uk ja'ayën mëti'ipës yë n'aaw të xytsyoonë. Ënätës të n'ënëëmë mëti'ipës ënäty jam xywyintënääpyën: Wintsën ya'atë kuma'ay nëkooyës nmëmoon nmëtujknë ets jëtu'unës näjyawëty xejykyukëjxëpës yowë.

Daniel 10:18

Ja mëti'ipë jëtu'un këxë'kpën tä naaxwiinyëtë ja'ayën ënätës jatëkok të xytyony, etsës të xymyo'oy ja mëk'ajtën jatëkok

Daniel 8:16

etsës të nmëtoy kyäjpxy ja'ayën jap ma Ulai mëjnëëjën, jëtu'un y'ënä'äny: Gabriel tukmëmëtya'ak ya'atë ja'ay wi'ix nyiwijyën yë wyinkuma'ay.

Daniel 8:18

Tamës ënäty xymyëmëtyä'äky koos të nkëtay etsës jëtu'unyë të njëpijptëy naaxkëjxy; e yë'ë ënätyë të xykyë'ënixajyës, etsës të xywyijtsë'ëky,

Mateo 27:46

Jä'ä xëëw ojts ja Jesús mëk yujkyä'äxy: Eli, Eli, ¿lamá sabactani? jä'ä yajja'akyukë: Tios, Tios, ¿tiijës ko xy'ëxmatsy?

Lucas 1:19

Tääts ja tsajpjotmëtë kukäjpxy y'ëtsooy: Gabrielës ëjts, Tiosës y'ënä'ämën npatuunëp; yë'ëjës të xykyexy ets mijts n'ëwaanëty ya'atë aaw ayuk oypyë.

Lucas 1:26

Komtëtujk po'o ja Tios ja y'anklës Gabriel tkejxy jam Galilea y'itjotm ma ja kajpn txëëwatyën Nazaret,

Hechos 10:3

Jënäkyxyëëw ënäty, ko ojts t'a'ijxnaxy tu'uk ja Tios ja y'anklës myëwinkonyë ets y'ënëmaayë: Cornelio.

Hechos 10:9

Komjëpom, kujkyxyëëwëjaanpën, tam ënäty ja käjpxynyajxpë tyu'uye'eytyë winkon ma ja Jope kajpnën, ënät ja Pedro pyejty jap tëjkëjxy Tios ëwtajtpë.

Hechos 12:7

Ënät ja Wintsën ja y'anklës ajotkumonë nyimiinë ets pujxn tëkoty jyajtäky. Tääts ja Pedro yajtoony, ojts yajyuxy ets yajnëmaay: Pëtë'ëk pojën. Tääts ja pujxntejpxy nyëpojtaay kyë'ëkëjxm,

Hechos 3:1

Tëkok ja Pedro ojts nyijkxy mëët ja Juan ma ja mëjtsajptëjkën, jënäkyxyëëw ënäty, jää ma ja ja'ay ijty nyiye'eypyätën Tios mëkajpxpë.

Hebreos 1:14

Jä'ä ko ja tsajpjotmëtë kukäjpxy aak poj yë'ëjëty mëti'ipë Tios myëtuuntëpën ets yë'ë yajkäjxtëp ets nëjkx tputëkëtë mëti'ipë ja nitsokën të yajtukumaytyën.

Hebreos 1:7

Ets ko ja Tios tnimëtyä'äky ja tsajpjotmëtë kukäjpxy, jëtu'un y'ënäny: Jëtu'un tpëjktä'äky ja y'anklës ijxtëm ja pojën, ja myëtuunpë ijxtëm ja jëënyä'änkën.

Apocalipsis 9:17

Ko ja maykyëwaay n'ijxyës, aak tim pujxn kyätywyiin myëët'ajtëp mëti'ipë ja kwaay tyuk'u'unyäätyëpën. Tëkëëk wooxy kyëxë'ëky, ijxtëm jëënyä'änkën tsapts, tsu'unk ets pu'ts. Ja këwaaykyëpajkëty, jëtu'un kyëxë'ëky ijxtëm tu'uk yë kaajën; ets y'aawjotyëty jëtu'un jap pyëtsimy ijxtëm ja jëënyä'änkën, ijxtëm ja jokën ets ijxtëm ja nëë mëti'ipë no'kpën tsääpyën.