Daniel 9:2 - Biblia Mixe de Quetzaltepec

² Ma ënäty mëtu'uk jëmëjt yajkutukyën, ëjts Daniel, yë'ëjës ënäty jam n'ijxpëjkpy yë käjpxynyajxpë Jeremías yë nyoky, ma tnikäjpxyën ko tëkë'px majk jëmëjt y'ita'any axit ako'owë ja Jerusalén kajpn, ma ja käjpxynyajxpë Jeremías ënäty ja Wintsën jëtu'un të y'ënë'ëmxëtën.

Biblia Dc en Mixe de Quetzaltepec

² Ma ënety mëtu'uk jëmëjt yajkutukyën, ëjts Daniel, yë'ëjës ënety jam n'ijxpëjkpy yë käjpxynyajxpë Jeremías yë nyoky, ma tnikäjpxyën ko tëkë'px majk jëmëjt y'ita'any axit ako'owë ja Jerusalén kajpn, ma ja käjpxynyajxpë Jeremías ënety ja Wintsën jëtu'un të y'ënë'ëmxëtën.

Daniel 9:2 ပူးပေါင်းရင်းမြစ်များ

2 Crónicas 36:21

ets y'atëwëty ja aaw ayuk mëti'ipë ja Jeremías, Tios mëtuunpë kyajpxën. Jëtu'un ja naax kajpn ojts pyo'kxy. Jeky y'ijty winwa'atstuuy, ka'ap nimaa pën. Tëkë'px majk jëmëjt jëtu'un y'ijty.

Esdras 1:1

Ma ja Ciro mëtu'uk jëmëjt ëka'any y'ëne'emyën, jampë yajkutukyën Persië, jää ojts ja Wintsën ja y'aaw y'ayuk y'atëy; mëti'ipë ja Jeremías ojts tnikäjpxyën, Wintsën ojts kë'ëm t'ënëëmë yë Ciro ets tkajpxwa'kxëty ja aaw ayuk kajpn apëtsëmy, mëti'ipë ënaanpën:

Salmos 119:24

Ëjts janty jotkujkës nnäjyawëty ko jyääjëty yë m'ënä'ämën mtëyajtën; yë'ëjës xy'ëëwij xykyajpxwijtëp.

Isaías 64:10

Ix ja mnaax nkajpn aak aanë'ëk aak tëëtsë'ëk yajpatnëtë, ets ja Jerusalén kajpn tëë xit ko'ow jyajtaaynyë.

Jeremias 1:1

Ja Jeremías ja y'aaw y'ayuk ets mëti'ipë tyuunën kyajpxën, yë Hilquías yë myaank. Yë Jeremías yë'ë ijty jyiiky'äjtyp myëku'uk'ajtyp yë teetytyëjkëty mëti'ipë jam Anatot tsënaaytyëpën, ma Benjamín y'itjotmën.

Jeremias 25:18

Ojtsës ntuk'uuky yë Jerusalén kajpn ets Judá kajpn mëët yë yajkutujkpëtëjk, y'ënä'ämpëtëjkëty ets tyimkutëkooytya'atëty, xit ko'ow jyajta'atëty, mëti'ipë je'eyë nëjkx yajtsë'ëkëtën ko ënäty yaj'ixy, yë'ë ijxpäjtën'atëp ko ënäty të yajpoky xëmëkyëjxm.

Jeremias 26:18

Ma yajkutujkyën yë Ezequías, mëti'ipë jam Judá ënä'ämën, jää ojts yë Miqueas mëti'ipë Moreset tso'onpën, tnikäjpxy tnimëtyä'äky yë Wintsën yë y'aaw y'ayuk ets ojts tmëkäjpxy yë Judá ja'ayëty, ma t'ënëmaayën: Yë Wintsën mëti'ipë maaytyääyëpën winë jëtu'un y'ënä'äny: Jëtu'un yë Sión kajpn y'awinpita'any tä yë tsajpkaa yu'uyën, yë Jerusalén kajpn xit ko'ow jyata'any ets jam ma nitunën kajpnjotmëpë y'ityën, wa'ats y'aatëkoyä'äny.

Jeremias 26:6

ënätës ya'atë tsajptëjk jëtu'un ntuna'any tä jam Siló jyäjty kyëpejtyën ets nëjkx ijxpäjtën wyi'imy ko të yajpoky ma wiinkëtypë naax kajpnën mëti'ipë naaxwiinyëtë yajpatëpën.

Jeremias 27:7

Tu'kë'ëyë yë naax kajpn aakjam yajpata'aja'antë ma yë'ëjën ets ma y'u'unk y'ëna'kën ets ma y'ok'u'unk y'ok'ëna'kën; koonëm wiinkëtypë naax kajpn wäänë mëkpë pyëtsëmëty mëti'ipë nëjkx tyukja'tyën ets pyëjkëtëty ja kyutujkën.

Jeremias 29:10

Jëtu'un yë Wintsën y'ënä'äny: Ko ënäty yë Babilonyë kajpn t'apety yë jyëmëjt tëkë'px majk, tääts miitsëty nputëkëja'antë ets ntuna'anyës ja mëti'ipës të ntukwinwanëtën ko nyajwinpita'antë ma ja mnaax mkajpnëtyën.

Jeremias 7:34

Nyaj'atëkoyäämpyës yë ëëpë yaxpë ets äjtsën pujtën ma Judá kajpnën ets ma Jerusalén kajpnën, yë pëjkpë ukpë ka'ap nëjkx pën wyin'etsyë; tu'kë'ëyë naax kajpn aanë'ëk tëëtsë'ëk nëjkx y'awinpijta'ay.

Lamentaciones 1:1

Tukwa'ats yë naax kajpn të wyi'imy ma ijty tëëyëp ja'ay may yajpaatën. Jëtu'un kyëxë'knë yë naax kajpn tä tu'uk ku'ooky to'oxytyëjkën. Atsip tyam myëtuun y'ëyoownë ja naax kajpn mëti'ipë mëk të yajtsoky të yajjawën jëtu'un tä to'oxytyëjkën yajkutujkpë.

Ezequiel 29:11

Ka'ap nëjkx jam nyaxtë ja'ay ets jëyujk. Wëxtyikxy jëmëjt jëtu'un y'itëty ni pën jam kyatsëënëty.

Daniel 9:3

Ënät ja Wintsën të nmënu'kxtä'äkyës, tëëjës n'ayuu'aty ets tëëjës ja nwit mpëjktä'äky mëti'ipë u'kxpën ets tëëjës jaamjoty n'u'unyë.

Miqueas 3:12

E paatykyëjxm, mëët ko miitsëty ka'ap tii oy xytyuntë, yë Jerusalén kajpn, mëti'ipë yajtijpën Sión kopk, jëtu'un jyata'any tä ja'ay yë kyam tnëëtu'utajta'ayën ets xit ko'ow jyata'any ets ja Sión kopk nëjkx wyinyo'onëtyä'äy, ujtsjoty nëjkx y'awinpity.

Zacarías 1:12

Ënät ja Wintsën ja tyäjpjotmëtë kukäjpxy y'ënäny: Wintsën mëti'ipë maaytyääyëpën winë, tëkë'px majk jëmëjt tyam nyëjkxnë ma mijts xymyëtsipë'atyën yë Jerusalén kajpn ets tëkokyë yë Judá kajpn. ¿Jënaak jëmëjt jyaak naxa'any etsës xymyëët'atëty ja pa'ëyo'ow mnajts'ëyo'owën?

Zacarías 7:5

Ënëmaaytya'a yë ja'ay mëti'ipë yajpatëpën ma naax kajpnën ets teetytyëjkëty: Miitsëty m'ayuu'ajtëp ets mmoontëp mtujktëp xëmë ko myëkoxk po'opety tu'ukpë jëmëjt ets ko wyëxtujk po'opety, tëëyëp jëtu'unpë xyajtso'onta'aktë, tëkë'px majk yë jëmëjt, je'eyëp ko ka'ap yë'ëkyëjxmëty m'ayuu'atë ets mmontë mtuktë koos xymyëjjawëtë,

Mateo 24:15

Ojts ja käjpxynyajxpë Daniel tkuja'ay ja ëxëëkpë ja tuuntëko'oyën. Ko miits xy'ixtëty ma ja wa'atspë ja itën, mëti'ipë nokykyajpxpën wä'än tja'akyukë,

Marcos 13:14

Ko xy'ixtëty ja ëxëëkpë ma ka'ap pyaat'atyën. Pën ya'atë noky kyäjpxypën wä'än tja'akyukë, wä'än ja ja'ay tkä'äktë mëti'ipë tsënaaytyëpën jam Judea nyaaxjotm ets nyëjkxtëty tunjot kopkjotm.

Hechos 8:34

Tääts ja Felipe ja etiopiiyëtë ja'ay yajtëëwë: Tun yë mëyajtën, nikajpx, ¿tii nyimëtyäkpy, kë'ëm nyätyijyë, ëkë wiinkpë nyimëtyäkpyë?

1 Timoteo 4:13

Naamka'anëmës jam nnëjkxy, tukwinkajpxë ja'ay ja Tios ja y'aaw y'ayuk. Yajjotkujkta'ak ja jëëky mëku'uk ets Yaj'ijxpëk.

Apocalipsis 1:3

Akujk jotkujk ja ja'ay yajpaatë mëti'ipë kyajpxtëpën ets pyatuuntëpën ja aaw ayuk mëti'ipë yap jaaypyety miinpën ma ya'atë nokyën, jä'ä ko wiinkoonp ja xëëw jëmëjt.