Daniel 9:17 - Biblia Mixe de Quetzaltepec

¹⁷ Mijts Tios, mëtoow'it ja jëëytyak nu'kxtakën mëti'ipë ya'atë mtuunpë yäjkpyën; yajmëjnax mxëëw Wintsën, ets ko xymyëët'aty ja tsojkën ja'awën, ni''ijxkëta'ak yë mnaax mkajpn ets mtsajptëjk, ix o'ktëy të jyajnë.

Biblia Dc en Mixe de Quetzaltepec

¹⁷ Mijts Dios, mëtoow'it ja jëëytyak nu'kxtakën mëti'ipë ya'atë mtuunpë yäjkpyën; yajmëjnax mxëëw Wintsën, ets ko xymyëët'aty ja tsojkën ja'awën, ni''ijxkëta'ak yë mnaax mkajpn ets mtsajptëjk, ix o'ktëy të jyajnë.

Daniel 9:17 ပူးပေါင်းရင်းမြစ်များ

1 Reyes 8:28

E ëjts npëjktsoopyës yam Wintsën, mëtoow'ijtkës yë n'aaw n'ayuk ets kupëk ja njëëytyak nu'kxtakënës mëti'ipës yam nyajnajxypyën ma mijtsën.

Nehemías 1:6

tyam nmënu'kxtä'äky ets xytyunëty ja mëyajtën xymyëtoow'itëty ja nu'kxtakën mëti'ipë xëëny koots ntukmëtoopyën maas nijëëytyä'äky ninu'kxtä'äkyën ja mtuunpë, Israel ja'ayëty. Nja'awëy'ijtypës ko tëëjës mpokytyuntë ma mijtsën; yë'ëpaat yë nteety ntaakës yë y'u'unk y'okëty.

Salmos 119:135

Ni''ijxkëta'ak ya'atë mtuunpë, ets tukni''ijxëkës yë m'ënä'ämën mtëyajtën.

Salmos 4:6

May y'ëna'antë ja'ayëty: ¿Pën jëtää xy'ëktuk'ijxmëp ja oyajtën jotkujk'ajtën? Wintsën, ni''ijxkëtaktëkës mëët yë m'oyjot m'oywyinma'any.

Salmos 67:1

Tios xypya'ëyo'owmëp ets xykyënu'kxmëty; wä'än xynyi''ijxkëtakëmë,

Salmos 67:2

ets tëkokyë yë naaxwiinyëtë ja'ay nijawëtëty mëti'ipë mtuknipëjktakëpën ets ko mijts myajnitsokp.

Salmos 74:3

Min ix wi'ix ya'atë naax kajpn xit ko'ow yajpaatyën ets ka'ap tii a'ijxën jëna'a jyëjpkëxy. Yë mëtsip yë'ë të tyajkutëkooytyä'äy winë mëti'ipë ënäty jap yajpatëpën tsajptëkoty.

Salmos 80:1

Mëti'ipë wyoow'ijtyp wyijts'ijtypyën yë Israel, mëët ko oy yë José xytyu'uwinwoy xytyu'uwinwitsy jëtu'un tä ja'ay yë kyupixyny oy twojpjëtityën, ets ko yë mkutujkën xymyëëtëty itkujky ma Wintsën kyukexyën, mëtoow'it.

Salmos 80:19

Wintsën, Tios mëti'ipë maaytyääyëpën winë, mijts m'a'ixëp etsës jatëkok jëtu'un nja'ay'atëty tä ijty tëëyëpën. Ni''ijxkëtaktëk ëëtsëty etsës npaatëty ja nitsokën.

Salmos 80:3

Mijts Tios, m'a'ixëp ets jatëkok jëtu'un nja'ay'atëtyës tä tëëyëpën. Ni''ijxkëtaktëkës mëët yë oyjyot oywyinma'any e jëtu'un'äämpy jatëkok nyajpaatëtyës ëwaatsëtuuy.

Salmos 80:4

Wintsën, mëti'ipë maaytyääyëpën winë, ¿Jëna'a yë mjoot'an kyëxa'any xyajnaxa'any ma ja mnaax mkajpn mmëwaantä'äky mmënu'kxtä'äkyën?

Salmos 80:7

Tios, mëti'ipë maaytyääyëpën winë, mijts m'a'ixëp ets jatëkok ëëtsëty jëtu'un nja'ay'atëty tä pya'tkë'p'ajtyën. Ni''ijxkëtaktëk ëëtsëty ets jëtu'un jatëkok nyajpaatëtyës ëwaatsëtuuy.

Isaías 48:11

Yë'ëkyëjxm koos ja nxëëw mëj'äämpy nyäxy, paatyës jëtu'un të ntuny, jä'ä ko yë nxëëwës ka'ap tjëkyepy nyipäxëtëkëty. Ka'apës nkupëka'any etsës ja nmëj'ajt n'oyajtënës wiinkpë yajmo'ojëty.

Lamentaciones 3:56

mijts të xymyëtoy yë n'aaw nyo'knës ets tëë xymyëtoow'ity ko të nmënu'kxtä'äky.

Lamentaciones 5:18

Yë Sión kopk tsaanipiyën je'eyë kyëxë'knë; yë wax je'eyë najxnëtëp tëjkënëtëp.

Daniel 9:19

Wintsën, Wintsën. Mëtoow'ijtëkës ets pokymyä'kxtëkës. Ni''ijxkëtaktëk ëëtsëty ets min putëjkëtyëkës. Mëët ko mijts mTiosëty ets ko xymyëëtëty yë mnaax mkajpn, ma mxëëw yaja'amyetsyën, këtii mpo'oxy.

Juan 16:24

Tyampaat ka'ap miits tii xy'amëtowtës ëjtskyëjxm; amëtowtë ets myajmo'otëty, jëtu'un ja mxoontakën kya'pxtëty.

2 Corintios 1:20

ma yë'ë tëë tyuunta'ay jyajta'ayë mëti'ipë ja Tios wyaantakën. Paaty ko ja Tios nmëjja'aw njaantyja'awëmë, jëtu'un n'ëna'anëmë: Tëy jëtu'un mëët yë Kristë Jesús yë xyëëw.

Apocalipsis 21:23

Ka'ap jam myëyäty ets ja xëëw po'o y'anëty kajpnjotm, kë'ëm ja Tios ets ja Kupixyny U'unk y'ajajy y'atë'kxy.