Daniel 9:13 - Biblia Mixe de Quetzaltepec

¹³ Tëkokyë ya'atë amay jotmay mëti'ipës të xytyukmin të xytyukja'tën, jëtu'un tä jap myinyën këxja'ay ma Moisés ojts tkuja'ayën ja ënä'ämën tëyajtën; yë'ëkyëjxm jyëtu'unëty jä'ä ko mijts Tios ka'ap të myajmëtoy, ka'ap të myaj'ixta'ay ets ka'ap të yajpatuny ja mtëyajtën.

Biblia Dc en Mixe de Quetzaltepec

¹³ Tëkokyë ya'atë amay jotmay mëti'ipës të xytyukmin të xytyukja'tën, jëtu'un tä jap myinyën këxja'ay ma Moisés ojts tkuja'ayën ja ënä'ämën tëyajtën; yë'ëkyëjxm jyëtu'unëty jä'ä ko mijts Dios ka'ap të myajmëtoy, ka'ap të myaj'ixta'ay ets ka'ap të yajpatuny ja mtëyajtën.

Daniel 9:13 ပူးပေါင်းရင်းမြစ်များ

2 Reyes 22:16

ëjts, mëti'ipë Wintsën'ajtpën, jëtu'unës n'ëna'any: Nyajminäämpyës tu'uk yë mëj ëyo'on ma ya'atë it naaxwiinyëtën ets ma ya'atë ja'ay yaa tsyëënëtën, jëtu'un tä myinyën jap kuja'ay ma ja nokyën mëti'ipë ja yajkutujkpë të tkäjpxyën, yaapë tyunyën Judá.

Job 36:13

Yë ëxëëkja'aytyëjk nëkooyë jyänty jyoot'anpëktë, oy jyayajtsumy jyayajmatstë ka'ap t'amëtowtë putëjkën.

Salmos 119:18

Yajwatsëkës yë n'ijxën nko'owën, etsës n'oy'ixëty mëti'ipë mijts m'ijxpëjkën'ajtypyën.

Salmos 119:27

Mooykyës yë ijxkujk ja'aykyujkën etsës yajxon npatunëty yë m'aaw m'ayuk, ëjts yi'iyës nmëmayäämpy nmëtajäämpy wi'ix mijts mëj këjää winë xytyunyën.

Salmos 119:73

Mijts ojts kë'ëm xy'oytyunyës etsës ojts xyajkojy, mooykyës yë wijyajtën etsës njatëty yë m'ënä'ämën mtëyajtën.

Salmos 85:4

Tios, mëti'ipë ëëtsëty nnitsokpë'ajtëpën, yajnitsoktëkës tyam ets këtiis xy'ëktukjoot'anpëjknëtë.

Isaías 31:1

Ëxëëk ja naax kajpn jyata'an kyëpäta'antë mëti'ipë ja näypyutëkë y'amëtoowtëpën jap Egiptë, mëti'ipë tyuk'ijxpäjtëpën ja kwaay, mëti'ipë tyukjotkujk'ajtëpën ko may tmëëtëty ja kepy wintëkäämpë, ets ka'ap t'ijxpaatë ja Wintsën Wa'atspë mëti'ipë ja Israel ja'ay y'ëwtajtëpën ets ka'ap yë'ë t'amëtowtë ja näypyutëkë.

Isaías 42:9

Ëk'ixtë wi'ix të y'atëëwta'ayën mëti'ipës ojts tëëyëp nikäjpxypën, e tyam nikajpxäämpyës yë jempyë; tyam ntuknijawëtë jëyëjp ma ka'anëm tyunyënëm jyätyënëm.

Isaías 43:22

E mijts Israel ja'ayëty, Jacob yë kyajpn, ka'apës ojts xymyëkäjpxy, ni'ikyënëm ojts xymyëtsipke'exyës.

Isaías 64:6

Tëkokyë ëëtsajtëm aak ëxëëk ja'ay nyajpatëmë; oy njanäjya'awëmëty oy yowë winë ntu'unëmë ma yë'ëjën, jëtu'un nyaj'ijxëmë tukwit tukpatsyën; aakjëtu'un ëëts'ajtëmë tä aaykyëta'akën poj'ampë xyëëwtsa'ayën, mëët ko je'eyë xëmë njëëky'ajt nmëku'uk'ajtëm nyaj'o'këmë, tä ënät ëëtsajtëm jëtu'un njajt nkëpäjtëmë tä jeexyë je'eyë nwinpapojëmën.

Isaías 64:7

Ka pën mkamëkäjpxyë ets ni pën kya'ëna'any jamës näkyuwanëja'anyë ma mijtsën; paaty je'eyë të mnäyu'tsënë etsës të xy'ëxmajtsnëtë ko je'eyë ëxëëkpë ntuntë nkajpxtës.

Isaías 9:13

E ja naax kajpn, kajts të tmëj'ixy të tmëjpëjktä'äky ja Wintsën, oy jënu'un të jyatëytyunyë; nijënu'un të kyaja'ty wyinma'anyjoty ets jeexyë të t'ixta'ay ja näypyutëkë ma Wintsënën mëti'ipë maaytyääyëpën winë.

Jeremias 2:30

Nëkoopë ntëytyuuntës m'u'unk m'ëna'këty, ka'ap tja'akyujkëtyë mëti'ipës njatsojkën jeexyë tja'akyukëtën. Miitsëty kë'ëm, jëtu'un tä kaajën ojts xyaj'ooktë ja nkäjpxynyajxpës.

Jeremias 30:14

Ja ye'etyëjktëjk mëti'ipë ënäty mëët mnäy'ixjëtity mnäpyajëtityën, tëë mja'atyëkooyënëtë; ka'ap m'ëk jot'ajtënëtë. Jä'ä ko jëtu'un mijts të nyajtsëtsyuty tä jeexyë nmëtsip'atyën, mëk të ntëytyuny jä'ä ko këjää ja mtëko'oyën ets mëj ja mpoky.

Jeremias 31:18

Tëës yë Efraín yë y'u'unk y'ok nmëtoowë wi'ix jyi'iy yä'äxyën: Ëjts jëtu'unës ijty nyajpaaty tä tu'uk tsajpkaa yä'äyën mëti'ipë inën, e mijtsës të xyajyujytyä'äky; yajwinpijtkës jatëkok ma mijtsën, jä'ä ko mijts tu'ukyë mWintsën'ajtp mëti'ipës nTios'ajtypyën.

Jeremias 44:23

Yë'ëkyëjxm ya'atë ëyo'on jotmay të mtukmin të mtukja'tëtë ko miitsëty wiink tios të xymyo'otë ja wyintsë'kën, mpokytyuntë jëtu'un Tios wintum, ka'ap të xypyatuuntë ijxtëm ojts mjatuk'ënä'ämëtën, ijxtëm ojts ja y'ënä'ämën tyiyajtën tjayajwë'ëmyën ets ijxtëm ojts mjayaj'ijxpëkëtën.

Jeremias 44:27

Jä'ä ko ëjts yi'iyës ënäty jam nmëmääpy nmëtäjpy wi'ix ja ëyo'on jotmay ntuknikäxtëtyën ijxtëm jeexyë ja oyajtën ntuknikäxtën. Nitëkokyë yë Judá ja'ayëty jënu'un Egiptë tsyëënëtën, nëjkxëp kyutëkooytya'atë mëët ja tsip ets ja yuu xëëw.

Jeremias 5:3

Wintsën, mijts yë'ë m'ixtääpy ja'ay mëti'ipë oyjyot wyinma'anyën. Ojts xyjyatëytyuny, yë'ëjëty ka'ap ojts tjawëtë; taj xit xyjyatuuny, kä'äpyëm tjajtë. Kujuun je'eyë nyäpyëjktakëtë këtiinëm yë tsaa, ka'ap tniwinpijtë ja oypyë ja në'ë tu'u.

Lamentaciones 5:21

Wintsën, yajwinpijtëk ëëts jatëkok ma mijtsën, winpitantëp ëëtsëty. Mijts m'a'ixëp etsës ja njuukyajtënëty jëtu'un jatëkok y'awinpitëty tä ijty tëëyëpën.

Ezequiel 16:43

Mijts tëë xyjyä'äytyëkoy wi'ix ojts m'ëna'k'atyën, je'eyës ojts xyajjoot'anpëky mëët ko yi'iyë ja ëxëëktu'un ëxëëk kajpxën të xyajtu'uye'ey ëxëëkpë tsaatsypë; paatykyëjxm mijts ntëytyuna'any ko ka'ap tii oy të xytyuny. Ëjts Wintsën, ëjts ënaanp.

Daniel 9:11

Tëkokyë yë Israel ja'ayëty tëë tkäjpxykyumëtoownajxta'atë ja mtëyajtën; paaty ëëtsëty o'ktëy të njat të nkëpätë jëtu'un tä jap myinyën këxja'ay ma ja ënä'ämën tëyajtënën mëti'ipë Moisés jyääyën, mëti'ipë mtuunpëajtën, jä'ä ëëtsëty tëëjës ntëkoytyë.

Oseas 7:10

Yë y'amëj'ajt y'akëjxm'ajtën të yajnitukëty. Oy jyajëtu'unëty, yë'ëjëty ka'ap ojts jyootwinpitë, ka'ap ojts yë Wintsën t'ixta'atë.

Oseas 7:14

Oy janty mëk jyayajmëtoy xymyëkajpxtës ko jam yajpaatë wyiity myaapäjnkëjxm, yë'ëjëty ka'ap winë aaw winëjot xymyëkajpxtës. Ko t'amëtowa'antë yë tsajpmok ets tsatym nyëë tëëpë nyimaanaxyën, yajtsëtyujtëp yë nyini'kxëty ma wiink tiosën; tääts xykyäjpxy kumëtoownaxtës.

Oseas 7:7

Aakjëtu'un tyoytyë jyämtë jëëntooytyaknën mëti'ipë të tyajnitooytya'atën yë kyutujkpëtëjkëty. Tëkokyë yë kyutujkpëtëjkëty tëë tyëkooytya'atë ets nitu'uk kyayajpaaty mëti'ipës jeexyë xymyëkajpxpën.

Lucas 24:45

Tääts ja Tios ja y'aaw y'ayuk ojts tyukja'akyukëtë,

Juan 10:35

Yajnija'ap ko ka'ap tjëkyepy ja Tios ja y'aaw y'ayuk këxja'aypyë yajninaxëty; ets ja Tios, nän tios ojts tijy ja ja'ayëty mëti'ipë ja y'aaw y'ayuk tyukmëtoowën.

Juan 6:45

Jëtu'un ja Tios ja kyäjpxynyajxpë y'ënantë: Ni'ëmukë ja Tios tyaj'ijxpëka'any. Paaty mëti'ipë myëtoow'ijtëpën ja Tios Teety ets tjatë mëti'ipë tuk'ijxpëjkëtëpën, ëjts xynyimiintëp.

Juan 8:32

ets xynyijawëtëty ja tëypyë jaantypë ets ëwaatsëtum myajpaatëty.

Efesios 4:21

miits tëë xymyëtowtë wi'ix ja Kristë yajnimëtyä'äkyën ets tëë xyjyatë wi'ix miitsëty mjuuky'atëtyën ijxtëm yë'ë jyuuky'äjtyën, ijxtëm ja Jesús tyiy'ajtënën.

Deuteronomio 29:4

E tyampaat yë Wintsën ka'ap tyajkutukynyëm ets xyjyä'äkyukëtëty ets xywyinjawëtëty wi'ix'äämpy ko tëkokyë ya'atë të tuny.

Santiago 1:5

Pën jam miits jënaakën ka'ap xymyëët'atë ja wijyajtën kejyajtën, amëtowtë Tios ets mmo'ojëtëty. Aak Tios yäjkpy oy tyimtiijëty, ka'ap tii tukwintuk'ooky.