Daniel 9:12 - Biblia Mixe de Quetzaltepec

¹² Mijts tëëjës xytyuknikäxtë ja ëyo'on jotmay mëjwiin këjää ets të xyaj'atyë jëtu'un ja m'aaw m'ayuk mëti'ipë ojts xyjyanikäjpxyën ma ëëtsëtyën ets ma ja nkutujkpëtëjkëtyësën; jä'ä ko kamaa jëtu'un ëyo'on jotmay kyayaj'ixynyëm tä jam Jerusalén të kyëtä'äkyën.

Biblia Dc en Mixe de Quetzaltepec

¹² Mijts tëëjës xytyuknikäxtë ja ëyo'on jotmay mëjwiin këjää ets të xyaj'atyë jëtu'un ja m'aaw m'ayuk mëti'ipë ojts xyjyanikäjpxyën ma ëëtsëtyën ets ma ja nkutujkpëtëjkëtyësën; jä'ä ko kamaa jëtu'un ëyo'on jotmay kyayaj'ixynyëm tä jam Jerusalén të kyëtä'äkyën.

Daniel 9:12 ပူးပေါင်းရင်းမြစ်များ

Ezequiel 5:9

Jëtu'un ijxtëmës ka'ap nijëna'a ntunyëmën ets ka'apës jëtu'un n'ëktunanë. Ëxëëkëm yaj'ix mëti'ipë të xytyunyën.

Lamentaciones 1:12

Mëti'ipë në'ëye'ey tu'uye'eytyëpën ets mëmay mëtajtë pën mpëjkëtëp m'ijxëtëp tääjës ëjtsën ets jëtu'un m'ëyowtë. Yë Wintsënës xy'ëyo'onmo'oy koos të xytyukjoot'anpëky.

Isaías 44:26

E ja ntuunpës ja y'aaw y'ayuk ëjts kë'ëm ntuknipëjktakëp ets y'atëwëty, mëti'ipë myääytyëpën tyajtëpën tyunëtëty jyatëtëty ijxtëm të tuknipëjktaakëtën. Tyamës nnikäjpxy ko ja Jerusalén kajpn yajtuktsëënëjaanp jatëkok ets Judá kajpn nëjkxëp jatëkok yajkoj'oyë. Ëjts të ntuknipëjktaakë ets yajkoj'o'oyëtya'ajëty jënu'un xit ko'ow yajpaatyën.

Lamentaciones 2:17

Tëë yë Wintsën tuny mëti'ipë të tmay të tajyën ets jëtu'un winë të tuny tä të tnikäjpxyën. Tëë tyajkutëkoy mëti'ipë tëëyëp nyikäjpxypën ko tyajkutuka'any, yë'ë të tyajnitukë ets mëtsip mnëxi'ik mtukxi'ikëtëty ets mëtsip mëj'äämpy të tyajnaxy.

Lamentaciones 2:13

¿Pën mëët nëk ijxkijpxëty wi'ix mjaty mkëpetyën mijts Sión kajpn, oypyë mkëxë'ëkyën? Mëjwiin këjää të m'ëyo'onpaaty; ¿pën m'ëk yajjotkujk'atëtëp?

Job 12:17

Yë y'ëwatsyp ets wijyjyä'äytyëjk wyinma'anytyëkoytyëty ets kutuunktëjk tsyuujëtëty pyojëtëty.

Romanos 15:8

Ja Kristë tëë jëyëjp tniminy ja Jutiis ja'ay ets tpatuny ja aaw ayuk mëti'ipë ja Tios tyukwinwa'anëyën ja n'ap'ajt nteety'ajtëmë, ets tyajnikëxë'ëky jëtu'un ko Tios pyatuumpy yë'ë ko tii twinwanë.

Lucas 21:22

Jä'ä ko ma tääpë xëëwën ëyo'on jää itaanp, jää y'atëwa'any ijxtëm ja Tios ja y'aaw y'ayuk y'ënä'änyën.

Marcos 13:19

jä'ä ko jää nëjkx ja mëj ëyo'on tyunyë jyätyë mëti'ipë ka'anëm yaj'ixynyëm, mëti'ipë ni wintiinëm jëtu'un kyajaty kyakëpetyën maju'unëm ja Tios tyajtso'ntä'äkyën yë naaxwiinyëtë ets nijëna'a jatëkok nëjkx jëtu'un kya'ëkjajnë.

Mateo 24:21

Mëk nëjkx ja ëyo'on jotmay yaj'ixy, mëti'ipë ka'ap nijëna'a yaj'ixynyëmën maju'unëm ja naaxwiinyëtë tsyo'ontä'äkyën ets ka'ap jëtu'un ok y'ëkyaj'ixanë.

Mateo 5:18

Jä'ä ko jëtu'unës yam n'ëna'any, maanëm jyää'atyën yë tsajp ets naaxwiinyëtë, ka'ap nitu'uk yajjëpëkëty yë letrë, yë puntë komë, mëti'ipë japën ënä'ämënjoty, koonëm yajkuuytyuunta'ajëty.

Zacarías 1:8

Kootsës nwinkumaay: Nwin'ijxyës tu'uk yë ja'ay, kwaay tyuk'ënyääpy. Jam joyjotm tyänë, ujtsjoty, jëtu'un yaj'ixy ja ujts xunpoxën ets jam ix'am kanaak kwaay nyatänëty, tam mëti'ipë tsaptsën, naje'eyë yëkën ets poopën.

Zacarías 1:6

E yë n'ayukës ets n'ënä'ämënës, mëti'ipës ënäty të ntuknipëktën ja nkäjpxynyajxpëtëjkës, ojts pyaatëtë yë m'ap m'okëty. Yë'ëjëty ojtsës xynyiwinpitë ets ojts tja'akyukëtë ko paatyës ënäty o'ktëy të nyajjat të nyajkëpätë jä'ä ko jëtu'unëtën ënäty nyitëkëtë ja y'ëxëëktu'un y'ëxëëkkajpxënëty, ko ka'ap ënäty tii oy të tuntë.

Amós 3:2

Mijtsyë tu'uk të nwin'ixy ma ja naax kajpn may yajpaatën naaxwiiny naaxkëjxy. Paatykyëjxmës mpaye'eyä'äny ja nëë poky ma miitsëtyën mëti'ipë të xytyuuntëkoytyën.

Joel 2:2

jä'ä xëëw ma tsu'um ets koots y'ita'anyën, ma wintuky winjaam y'ita'anyën.

Ezequiel 13:6

Mëti'ipë wyin'ijxtëpën ka'ap myëtëyëty ets mëti'ipë y'akajpxtëpën ka'ap jyääntyëty. Jëtu'un y'ëna'antë koos xynyikajpx xynyimëtyaktëp, ka'ap y'ëjtsëty nkäxtë. Y'ëwxijtëp ets y'atëwëty yë y'aaw y'ayukëty.

Lamentaciones 4:6

Yë nnaax nkajpnës yë y'ëxëëktu'un y'ëxëëk kajpxënëty nëkooyë të kyëjääjënë këtiinëm jyëtu'un'ajtë yë Sodomë kajpn, mëti'ipë ojts poj'am kyutëkoyën ets mëti'ipë ka'ap pën nyitëkëtyën.

Proverbios 8:16

Yë'ëkyëjxm koos njääjëty paaty yë yajkutujkpëtëjk oy yë nyaax kyajpn t'ënä'ämtë, ets kutuunktëjk oy tnipaye'eytyë ja nëë poky.

Salmos 148:11

Ënä'ämpëtëjk yajkutujkpëtëjk naaxwiinypë apëtsëmy. Kopktëjkëty, wintsëntëjkëty, naaxwiinyëtë naaxkëjxypyë yajpaatën.

Salmos 2:10

Miitsëty ënä'ämpëtëjkëty wintsëntëjkëty naaxwiinypë, ja'akyukëtë ya'atë. Jatë nijawëtë mëti'ipës yam nkäjpxypën.

1 Reyes 3:9

E yë'ëtsës yam n'amëtoopy, xymyo'ojëtyës tu'uk ja jot winma'any oypyë, mëtëypyë etsës njatëty nijawëty wi'ix ja mnaax mkajpn n'ënä'ämëtyës; ¿jä'ä ko pën jëtää ëkmayëtëp ya'atë mëj naax mëj kajpn janty'oy t'ëktu'uwinwowëty?

Jeremias 30:7

Miimp wiinkoonp ja xëëw ma ja ëyo'on jotmay y'ita'anyën, tääpë xëëw myinyën nijëna'a jëtu'un kya'itynyëm. Ja Jacob ja nyaax kyajpn mon tuk jää yajpaata'antë, je'eyëp koos nyajtso'okäämpy.

Jeremias 32:23

E ko jyajtë jam ma ja it naaxwiinyëtën mëti'ipë ënäty të xymyo'oyën ets tpëjktaaytyë ja nyaax kyamëty, ka'ap ojts m'ëk mëmëtoowënëtë ets ka'ap ojts jëtu'un t'ëktuunëtë tä ënäty të m'ënë'ëmxëtyën, nimëti'ipë tkatuuntë mëti'ipë mjatuk'ënëmaayën. Paaty xytyuknikejxy ja ëyo'on jotmay mëti'ipë tyam tuunëpen jajtëpën.

Jeremias 39:16

Nëjkx ënëëmë yë Ébet-mélec, yë Etiopíë ja'ay: Yë Wintsën mëti'ipë maaytyääyëpën winë, mëti'ipë yë Israel ja'ayëty Tios'ajtëpën, jëtu'un y'ënä'äny: Yë'ëjës ntunäämpy mëti'ipës ojts nikäjpxyën wi'ix ya'atë naax kajpn ëxëëk jyata'anyën. Ko ënäty o'ktëy jyäty nëjkxëp xy'ixy.

Jeremias 44:23

Yë'ëkyëjxm ya'atë ëyo'on jotmay të mtukmin të mtukja'tëtë ko miitsëty wiink tios të xymyo'otë ja wyintsë'kën, mpokytyuntë jëtu'un Tios wintum, ka'ap të xypyatuuntë ijxtëm ojts mjatuk'ënä'ämëtën, ijxtëm ojts ja y'ënä'ämën tyiyajtën tjayajwë'ëmyën ets ijxtëm ojts mjayaj'ijxpëkëtën.

Daniel 12:1

Ënät jam nyänyikëxë'ëkyë yë Miguel, tsajpjotmëtë kukäjpxy, mëti'ipë kyuwäänpyën yë mkajpn. Ëyo'on jotmay tunanëp, jëtu'un tyuna'anyë ëyo'on jotmay tä nikajëna'a jëtu'un yaj'ixynyëmën maju'unëm nyaaxkëtä'äkyën yë naax kajpn. Ko ënäty jëtu'unpë ja xëëw jëmëjt tukja'ty jäänëm nëjkx y'ëwaatsëpëtsëmtë tëkokyë ja ja'ayëty mëti'ipë mijts mkajpn'ajtypyën mëti'ipë miintëpën ja xyëëwëty kuja'ay jap nokyjoty.

Zacarías 7:12

Juun ja y'aaw jyot tpëjktaktë tä juuntsaajën ets ka'ap tmëtoowkujkëtyë wi'ix ja ijxpëjkën jya'ëna'anyën ets wi'ix ja tyiyajtën jyaminyën, mëti'ipë ojts tjakajpxnaxtën ja käjpxynyajxpëtëjkëty mëët ja myëjaaw myëk'ajtën ja Wintsën mëti'ipë maaytyääyëpën winë. Paatykyëjxm ja Wintsën mëk jyoot'anpëjky,

2 Reyes 22:16

ëjts, mëti'ipë Wintsën'ajtpën, jëtu'unës n'ëna'any: Nyajminäämpyës tu'uk yë mëj ëyo'on ma ya'atë it naaxwiinyëtën ets ma ya'atë ja'ay yaa tsyëënëtën, jëtu'un tä myinyën jap kuja'ay ma ja nokyën mëti'ipë ja yajkutujkpë të tkäjpxyën, yaapë tyunyën Judá.

Isaías 43:28

ja mwintsëntëjk ëxëëk ojts jap y'ëtë'ëtstë maas yë ntsajptëjkën; paatyës ojts ntimmyajtstu'uty yë Israel kajpn, mëti'ipë yë Jacob kyajpn'ajtypyën ets myëtsip yajkutëkoyëtëty.