Daniel 8:23 - Biblia Mixe de Quetzaltepec

²³ Ko ya'atë yajkutujkpëtëjk nëjkx mëj'äämpy y'ijnëtë ma ja naaxwiinyëtën ets ënäty ja nëë poky myëjënyë kyëjääjënë, tu'uk nëjkx yë yajkutujkpë pyëtsimy mëti'ipë nëjkx amëj akëjxm jyä'äy'ätyën ets wijy këpety nëjkx nyäyajnaxyë.

Biblia Dc en Mixe de Quetzaltepec

²³ Ko ya'atë yajkutujkpëtëjk nëjkx mëj'äämpy y'ijnëtë ma ja naaxwiinyëtën ets ënety ja nëë poky myëjënyë kyëjääjënë, tu'uk nëjkx yë yajkutujkpë pyëtsimy mëti'ipë nëjkx amëj akëjxm jyä'äy'ätyën ets wijy këpety nëjkx nyäyajnaxyë.

Daniel 8:23 ပူးပေါင်းရင်းမြစ်များ

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënäty ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Tios ja jyä'äjën ets tukwin'ëëny mëti'ipë ënäty të tkupëktën ja mëj jëyujk ja tsya'a ets të twintsë'ëkëtë ja awinax. Ënät ajuukyë nimäjtsk yajkujëpijpëtyë ma ja mejy tyoyën mëët ja azufre.

1 Timoteo 4:1

Wa'ats ja Kënu'kxymyëkajtën tnikäjpxy ko ja ja'ay t'ëxmatsa'antë ja mëpëjkën ko ënäty ja tiempo kyëxanë, yë'ë pyatunantëp ja ijxpëjkën ka'apë myëtëyëtyën mëti'ipë ku'oypyë jyä'ä'ajtypyën.

Daniel 7:20

Näy jä'äs ënäty nijawëjäämpy ja mëti'ipë majk ja wyajën ets ko yaj'ixy ja wyiin tmëëtëty ja mutskpë wyaj mëti'ipë pëtsëëmpën ma mëjätyëtypyën ets ko kyäjpxy amëj akëjxm yajmëtoy kyäjpxy, jëtu'un yajmëtoy ni'ik yowë myëjëty ets ojts tëkëëk nyëka'ay ja mëjatyëtypë ets yë'ë pyëtsiimy.

Daniel 7:11

Jä'äjës ënäty jam n'ijxypyt wi'ix ja waj ja mutskpë jyänty y'ëti'itsy jyänty y'ënä'änyën; ets tamës jëtu'un n'ixy ko ja mëj jëyujk të tyaj'ooktë ets piw nuuk të tuunta'atë ets të njëën mo'otë ets tyooytyëkoyëty.

Daniel 7:8

Yë'ëjës ënäty jam ja wyaj n'ijxëp ko të n'ijxpaatyës wiinkpë wyaj jam itkujky ma ja majkpë yajpaatyën je'eyëp ko mutsk, ënät të yajnëtëjy tëkëëk ja wyaj ets të nyi'ëwaatsë ja mëti'ipë ok të pyëtsimyën, jëtu'un yë wyiin ja'ayën ets amëk yo'k mëk kyäjpxy.

Daniel 7:25

Nëjkxëp ja Tios Ni'ik tnëxi'iky tukxi'iky ets nëjkxëp ja nyaax kyajpn ëxëëk tuunë; yatëkatsa'anëp ja Tios ja y'ënä'ämën tyiyajtën ets yajtëkajtsta'aja'anëp ja xëëw mëti'ipë yajtuunpën ma tsajptëjkën ets ja Tios ja nyaax kyajpn yë'ë nëjkx tuntë tëkëëk jëmëjt ja kujkm mëti'ipë ënäty yë'ë nyi'ënä'ämëpën.

Daniel 8:25

Mëët yë kyëpety winma'any, yë'ë nëjkx tukmëtä'äky antakën. Amëj akëjxm nëjkx nyäjyawëty ets may nëjkx ja'ay tyaj'ooky mëti'ipë ënäty jotkujk yajpatëpën, jä'ä ko awin'ë'ënën nëjkx ja'ay tyaj'ooky. Nëjkxëp mëët tsyiptuny mëti'ipë nyikopk'ajtypyën yë yajkutujkpëtëjk, je'eyëp jää ka'ap nëjkx y'ëkmëtaknë.

Ezequiel 38:16

Jëtu'un nëjkx xynyitëkë yë Israel kajpn, mëti'ipës nkajpn'ajtypyën. Mijts Gog, jëtu'un nëjkx xyajwintuky yë naax kajpn tä yë yëk yootsën. Nëjkxëp ntuknitëkë yë nnaax nkajpnës, jëtu'unts nëjkx mijts xymyëtunyës ets jëtu'un wiinkëtypë naax kajpn nëjkx tnijawëtë ko ëjts Wintsën, koos nyajnikëxë'ëky ko ëjts wa'atsës.

Ezequiel 38:8

Pyatäämpy ja xëëw jëmëjt ets nëjkx myajtuk'ëne'emy ma ja naax kajpn xynyitëkëtyën mëti'ipë jeky të tsyiptunyën, mëti'ipë tëë jyotkujkën; ja kajpn mëti'ipë wiink naax wiink kajpn yajpatpën najtswop najtskäpë ets ojts yaj'ëxwoptë xëmëkyëjxm, je'eyëp ko tëë jatëkok wyimpitë ma ja Israel ja it naaxwiinyëtë tmëët'atyën. Yë'ëjëty tëë ye'eymyujkta'atë jatëkok oy jeky muum wiink naax wiink kajpn të yajpaatë ets yë'ëjëty jotkujk jatëkok nyäyjyawëtë.

Daniel 11:24

Ma ënäty ka'ap yë'ë yajmëmay yajmëtajyën jää nëjkx tnitëkëtyä'äy ja naax kam mëti'ipë jë'kxynyaaxën ets tuna'any ja mëti'ipë ka'ap nijëna'a ja yajkutujkpëtëjk tuntënëm mëti'ipë y'ap'ajtyp y'ok'ajtypyën:

Daniel 11:21

Ma yë'ëjën yë'ë nëjkx jam yajkutuky ja'ay mëti'ipë ëxëëk ja'ay y'ixyën, mëti'ipë ka'ap jyapaatë'atyën jeexyë yajkutuky, yu'utsy nëjkx tmëët'aty ja jyot wyinma'any ets mëët ja win'ë'ënën antakën nëjkx tpaaty yajkutujktakn.

Daniel 10:14

E paatyës të nminy ets ntukmëmëtya'aka'any tii tunan jatanëpën ma mnaax mkajpnën, yë kuma'ay mëti'ipë të xy'ixyën yë'ë nyikäjpxyp mëti'ipë tunan jatanëpën ma mnaax mkajpnën.

Génesis 15:16

Koonëm ënäty të myintë naaxwiiny ja m'u'unk m'ëna'k, taxk'oknipety täänëm jatëkok wyimpitëty ma ya'atë it naaxwiinyëtën. Jä'ä ko ka'anëm ënäty kyukëxënëm ma ja Amor ja'ayëty ja ëxëëkpë tuntën tkajpxtën.

1 Tesalonicenses 2:16

Yë'ë y'ëtujktëp koos ntuk'ëwaanëtë mëti'ipë ka'ap jyutiisëty wi'ix nyitso'oktëtyën. Jëtu'un ja pyoky tyajmayëtë. E jä'ä ko këxaanp ja jëtu'unpë, paaty ja Tios të tyuknikäxëtë ja mëj ëyo'on.

Mateo 23:32

Tuunka'pxtë ënät mëti'ipë ja m'aptëjk ojts tyajtso'onta'aktën.

Deuteronomio 28:50

tääpë ja'ayëty ëwa'anëty nëjkx xy'ixy ets janty ëxëëkëty, ni pën nëjkx tkawinkutsë'ëkëtë ni yë'ë yë mëjja'aytyëjk ets ni pi'k'ëna'k; ka'ap yë pa'ëyo'ow najts'ëyo'owën tmëët'ata'antë.

Números 24:24

Jam Chipre nëjkxëp jam tsyoony mëjjatyëtypë kepy nëëwinye'epyë ets min tyaj'atëkoytyë yë Asiria kajpn ets Éber kajpn, jä'ä ko yë Éber kutëkoyaanp näjyëtu'un.

Proverbios 1:6

ets yajja'akyukëty ja käjpxy mëtyä'äky, jot winma'any ets ja aaw ayuk mëti'ipë kyajpxtëpën ja wijyjyä'äytyëjkëty.

Daniel 8:22

Ja taxkpë ja waj mëti'ipë të pyëtsimyën ko ja mëët tu'ukpë të tyijy, yë'ë y'antijpy ko taxk yë yajkutujkpë jyaak ita'any ma ja kajpnën, je'eyëp ko ka'ap jëtu'un mëj'äämpy y'ita'antë tä ja mëjëyëjpën.

Daniel 8:24

Mëk nëjkx yajpaaty, je'eyëp ka'ap nëjkx kë'ëm myëk'aty; nëjkxëp tyajkutëkoy yë naax kajpn ets nëjkxëp myëtä'äky oymyaajëty. Nëjkxëp tyajtëkoy yë mëti'ipë ënäty amëk jotmukën ets may yë Tios yë nyaax kyajpn nëjkx tyajkutëkooyë.