Daniel 8:2 - Biblia Mixe de Quetzaltepec

² Maas ënäty jam nwinkuma'ayën, jamës näywyin'ixë ma ja Susa kajpnën, ma ja kutujktakn yajpaatyën, yë'ë y'itjot yë Elám, Ulai nëëpë'aay.

Biblia Dc en Mixe de Quetzaltepec

² Maas ënety jam nwinkuma'ayën, jamës näywyin'ixë ma ja Susa kajpnën, ma ja kutujktakn yajpaatyën, yë'ë y'itjot yë Elám, Ulai nëëpë'aay.

Daniel 8:2 ပူးပေါင်းရင်းမြစ်များ

Génesis 10:22

Ya'atë ojts t'u'unk'aty yë Sem, Elám, Asur, Arfaxad, Lud ets Aram.

Génesis 14:1

Jä'ä xëëw jä'ä jëmëjt yë Amrafel mëti'ipë yajkutujkpën jam Sinar, yë Arioc jampë yajkutukyën Elásar, Quedorlaomer jampë yajkutukyën Elám ets Tidal jampë yajkutukyën Goím.

Nehemías 1:1

Yaa jëtu'un yajnikäjpxy yajnimëtyä'äky ja Nehemías, yë Hacalías yë myaank, ma y'i'px jëmëjtpetyën maju'unëm tyëkën yajkutujkpë yë Artajerjes, ma y'änyën yë Quisleu po'o, ëjts mëti'ipë nxëëwajtypyën Nehemías jamës ënäty ntsëënë Susa

Ester 1:2

Yë kyutujktakn jam ënäty tmëëtëty ma tu'uk kajpn txëëwatyën Susa.

Ester 2:8

Ko ja yajkutujkpë ja y'ënä'ämën jam jyä'äjty ets ja to'oxy'ëna'k nyiye'eypyätëty ma ja yajkutujkpë ja tyëjkën, jam Susa ets ja Hegai yë'ë yajtuknipëjk ets t'ijx'it tkëwent'atëty ja to'oxy'ëna'k, jam ma të nyiye'eypyätën, tam ënäty näjyëtu'un yajpaaty ja Ester.

Ester 3:15

Ja noky ënätyë ye'eywya'kxtaay, jä'ä ko jëtu'un ënäty ja yajkutujkpë të tni'ënä'ämë, ya'atë noky ojts jam Susa yajkajpxwä'kxy. E ja yajkutujkpë uktëp mukëtëp ënäty jap mëët ja Amán, tyam ja ja'ayëty mëti'ipë jam Susa kukajpnajtëpën myoontëpë tyujktëpë.

Ester 7:6

Ja mëtsip mëti'ipë ëxëëk ja'ay'ajtpën, yë'ë tyaapë y'u'unyën, Amán, jëtu'un ja Ester y'ëtsooy. Ko jëtu'un ja Amán tmëtooy, jëtu'unyë ojts tyimmëkë, ka'ap y'ëktimyu'kxnë mëët ja mëktsë'ëkë ko twinku'ijxëy ja yajkutujkpë Asuero ets ja yajkutujkpë Ester.

Ester 8:15

Jä'ä xëëw ja Mardoqueo jap pyëtsiimy ma ja kyutujktaknën, jä'ä wyit tyuktëjkëy mëti'ipë ja yajkutujkpëtëjk wyit'ajtëpën; jä'ä wyooxyëty poop ets yëktsuxk, ojts ja pu'ts pujxn kujän tpëjktä'äky ma kyëpajkën ets nyätyukniyä'pë tu'uk ja mëjwit, tsapts wyooxyëty, oywyit. Tä ja mayjyä'äy tyëjkëtyë yaxpë jojkpë mëët ja mëj xoontakën;

Ester 9:11

Jä'ä xëëw ma ja yajkutujkpë tnijawën ko tëë ja Jutiiyë ja'ayëty may yajja'ay'ooktë jam Susa, ma ja yajkutujkpë tmëët'atyën ja kajpn mëti'ipë këwent'atyën,

Ester 9:15

Ja Jutiiyë ja'ayëty ojts jatëkok tyu'ukmuktë ma myajkmajkts'anyën ja Adar po'o ets tyaj'o'ktë ëpëky nitëkëëk mëko'px ja myëtsiptëjkëty; je'eyëp ko ka'ap ojts nitii tpëjkëtë ets nitii tkatoontë mëti'ipë ënäty ja'ay jyä'ä'ajtëpën mëti'ipë të y'ooktën.

Isaías 11:11

Jä'ä xëëw jä'ä jëmëjt nëjkx ja Wintsën jatëkok tyaj'ixyë ja myëj'ajtën ko tjä'äpëkëty ja nyaax kyajpn ets tyajtsoonëty jam Sirië Egiptë, Patros, Etiopíë, Elam, Sinar, Hamat ets jam ma ja naax kajpnën mëti'ipë mejy itkujkyën.

Isaías 21:2

Mëk oy yajmëtoy mëti'ipës ja Wintsën të xytyuk'ëwaanën: Mëti'ipë ja myëku'uk kyë'ëyäjkpyën, tëë ja jëtu'un tuny; mëti'ipë yajkutëkoopyën winë, të ja jëtu'un tuny. Pëtë'ëk mijts Elám ets mijts Medë ja'ayëty, nëjkx mtsiptuntë. Ëjts ka'apës n'ëkupëkanë ets pën je'eyë nyikajpx nyimëtya'akëty.

Jeremias 25:25

yë yajkutujkpëtëjk mëti'ipë jamëtyën Zimri, Elám ets jam Media,

Ezequiel 1:1

Ëjts, yë teety Ezequiel, yë Buzí myaank; tëkok ojts nwin'ixyës, jamës näjyawëty ntänë ma Quebar mëjnëëjën, jam Babilonyë; ma ënäty yajpaatën ja ja'ayëty mëti'ipë tsumy matsy të yajmënëjkxtën. Ënät ja tsajp y'ëwatsy ets nwin'ijxyës yë Tios. Jää ma myëmëkoxk anyën yë mëmajktaxk po'opë, ma y'apetyën ja më'i'px majk jëmëjtpë, tëë ënäty mëkoxk jëmëjt nyajxnë ma ja Joaquín yajkutujkpë yajmënëjkxyën tsumy matsy. Ënät ja Wintsën ojts xykyë'ë nnixajyës.

Ezequiel 32:24

Xim ja Elám, mëët ja tsyiptuunpëtëjkëty, yë'ë nyapikëtyëp yë jyutëty. Aakjam të y'o'kta'atë tsipjotm, mëti'ipë ka'ap yë Wintsën të t'ëwtatën jap naaxpa'tkë'p të kyëtakta'atë. Tëë t'ëtsë'ëkëtë ja'ay mëti'ipë ënäty juuky jaakyajpatëpën, je'eyëp ko tyam ka'ap pën y'ëkmëj'ijxënëtë jap o'kpë akujky ma të kyëtakta'atën.

Daniel 10:4

Ma y'i'px taxk anyën ja mëët tu'kpo'opë tääpë jëmëjtpë, jamës ënäty ëjts winkon ma Tigris mëjnëëjën.

Daniel 7:15

Ëjts Daniel, jëtu'unës të näjyawëty nxujxta'ay; ets mëkës të nmëmay të nmëtajy mëti'ipës të n'ixyën,

Daniel 7:2

Ënätës të nwin'ixy, ko taxk it pyojy ets jëtu'un ja mejy jyänty pyojminy jyänty pyojxëpy.

Daniel 8:1

Ma ënäty mëtëkëëk jëmëjt y'ëne'emyën yë Belsasar, ëjts Daniel, ojts nwinkuma'ay, ëpëky mëti'ipës ënäty të n'ëk wiinkumaapën.

Daniel 8:3

Jëkämës n'ixy, tu'uk yë kupixyny ayääkë jam nëëpë'am. Mäjtsk yë wyaj tmëëtëty, ok ënäty tu'uk të myuxy je'eyëp jaakyeny ets ja kon ja myëku'uk.

Números 12:6

Ënät ja Tios y'ënëmaayëtë: Mëtoow'itë mëti'ipë yam ntuk'ënëëmëjantëpën: Ko tu'uk yë nkäjpxynyajxpës yajpaaty ma miitsëtyën, ëjts mëtyakpës mëët kuma'ayjoty ets ntuk'ijxypyës oytyiijëty tä ja'ay y'ijxën myä'ätyën.

Hebreos 1:1

Tëëyëp, kanaak ok ojts ja Tios tmëkäjpxy ja n'ap'ajt n'ok'ajtëm ets kanaakjëjp ja winma'any tja'ixtaay ko ojts tjayajkäjpxy ja käjpxynyajxpëtëjk.

Apocalipsis 9:17

Ko ja maykyëwaay n'ijxyës, aak tim pujxn kyätywyiin myëët'ajtëp mëti'ipë ja kwaay tyuk'u'unyäätyëpën. Tëkëëk wooxy kyëxë'ëky, ijxtëm jëënyä'änkën tsapts, tsu'unk ets pu'ts. Ja këwaaykyëpajkëty, jëtu'un kyëxë'ëky ijxtëm tu'uk yë kaajën; ets y'aawjotyëty jëtu'un jap pyëtsimy ijxtëm ja jëënyä'änkën, ijxtëm ja jokën ets ijxtëm ja nëë mëti'ipë no'kpën tsääpyën.