Daniel 8:19 - Biblia Mixe de Quetzaltepec

¹⁹ ets të xy'ënëëmës: Yë'ë yam ntukmëmëtya'akäämpy tii tunan jatanëpën ko ënäty ja Wintsën tëë tuknipëjktaakë ko ja tsyip y'äkë tyajnaxa'any, tääpë xywin'ixyën yë'ë nyikäjpxy wi'ix yë juukyajtën kyukëxëja'anyën.

Biblia Dc en Mixe de Quetzaltepec

¹⁹ ets të xy'ënëëmës: Yë'ë yam ntukmëmëtya'akäämpy tii tunan jatanëpën ko ënety ja Wintsën tëë tuknipëjktaakë ko ja tsyip y'äkë tyajnaxa'any, tääpë xywin'ixyën yë'ë nyikäjpxy wi'ix yë juukyajtën kyukëxëja'anyën.

Daniel 8:19 ပူးပေါင်းရင်းမြစ်များ

Habacuc 2:3

Ka'anëm tpaaty ja nyixëëw ets y'atëwëty ya'atë wiinkëma'ay; yë'ë koonëm yë y'atëwa'any. Mijts ëwxit oy pyo'oxëty, jä'ä ko jää y'atëwa'any ko ënäty yajxon të tpaaty ja nyixëëw.

Apocalipsis 17:17

Tios të wyinma'anymo'ojëtë ets tuntëty mëti'ipë tsyojkpyën ko ënäty tu'ukyë ja winma'any tmëët'atë. Ënät ja kyutujkën tmo'otëty ja mëj jëyujk koonëm tpaatëty ijxtëm ja Tios të tuknipëjktaakën.

Daniel 11:27

Ënät ja yajkutujkpëtëjk, ja winma'any tpaata'antë wi'ix myëta'aktëtyën ets nëjkx tu'ukyë kyääymyuktë ma ja kaaypyäjnën, nixim niyam nëjkx jyanäwyin'ëëna'anëtë je'eyëp ni pën nëjkx kyayajwin'ëëny jä'ä ko ka'ap tpaatynyëm jëtu'un ja nyixëëw.

Apocalipsis 15:1

Ets n'ijxyës wiinkpë mëj ijxpäjtën atsë'ëk ajawëpë: niwëxtujk ja tsajpjotmëtë kukäjpxy mëti'ipë myëët'ajtëpën wëxtujkpëky ja ëyo'on, ets ko tyunëtëty jyatëtëty ja wëxtujk pëkpyë ëyo'on, ënät nyaxëty ja Tios ja y'äkë.

Apocalipsis 11:18

Tëë ja naaxwiinyëtë ja'ay jyoot'anpëktë ets tëë ja tiempo tpaaty ets xtyiytyunëty ja ja'ay ets xypyaye'eyëty ja pyoky ja o'kpë; ets ja mkäjpxynyajxpëtëjk xymyo'ojëty ja nyäkyumayë, ja wa'atspë ja mkajpn ets mëti'ipë myëjja'awëtëpën ja mxëëw, mëj mutskpë; jëtu'un xyajkutëkoyëty mëti'ipë yajkutëkooytyëpën ja naaxwiinyëtë.

Apocalipsis 10:7

Ko ënäty ja mëwëxtujkpë ja tsajpjotmëtë kukäjpxy ja pujxnxuxn tukxu'uxy, jëtu'un nëjkx y'atëy mëti'ipë ja Tios ënäty yu'utsy yaj'ijtypyën, mëti'ipë ja kyäjpxynyajxpëtëjk ojts tëëyëp tnikäjpxy tnimëtyaktën.

Apocalipsis 1:1

Ya'atë ja Tios ojts tuknijawë ja Jesukristë, ets tuk'ëwaanëty ja tyuunpëtëjk mëti'ipë tunan jatanëpën tsojk. E tëë ja Jesukristë ja y'anklës tuknikexy ja Juan ets yë'ë winë tnikajpxta'ajëty,

Daniel 8:23

Ko ya'atë yajkutujkpëtëjk nëjkx mëj'äämpy y'ijnëtë ma ja naaxwiinyëtën ets ënäty ja nëë poky myëjënyë kyëjääjënë, tu'uk nëjkx yë yajkutujkpë pyëtsimy mëti'ipë nëjkx amëj akëjxm jyä'äy'ätyën ets wijy këpety nëjkx nyäyajnaxyë.

Lucas 21:23

Mon tuk ja to'oxytyëjk yajpaatë mëti'ipë ënäty ja u'unk jää nyëkëjxm'ajtëpën ëkë mëti'ipë ënäty jää yaj'u'unktsi'tstëpën. Jä'ä ko mëj këjää ja pëjkën ato'onën jää y'ita'any ets ja mëj tsaatsytyu'unën ma ja naax kajpnën.

Salmos 102:13

Pëtë'ëk ets pa'ëyow yë ja'ay mëti'ipë jam tsënaaytyëpën ma Jerusalén kajpnën, tëë yë xëëw jëmëjt kya'pxnë; tëë xëëw tpatnë ets xypyokymyä'kxëty.

Daniel 12:4

E mijts Daniel, yu'utsy ya'atë xymyëët'atëty ets ta'tspëky yë noky xy'akëëymyukëty koonëm tpaatëty ja xëëw jëmëjt ma ënäty ja juukyajtën jyëjpkëxyën. May ja ja'ay jyëtita'any xiitsow yaatsow t'ixta'aja'any tiijaty y'ëkjaak nija'ap.