Daniel 8:1 - Biblia Mixe de Quetzaltepec

¹ Ma ënäty mëtëkëëk jëmëjt y'ëne'emyën yë Belsasar, ëjts Daniel, ojts nwinkuma'ay, ëpëky mëti'ipës ënäty të n'ëk wiinkumaapën.

Biblia Dc en Mixe de Quetzaltepec

¹ Ma ënety mëtëkëëk jëmëjt y'ëne'emyën yë Belsasar, ëjts Daniel, ojts nwinkuma'ay, ëpëky mëti'ipës ënety të n'ëk wiinkumaapën.

Daniel 8:1 ပူးပေါင်းရင်းမြစ်များ

Ezequiel 1:1

Ëjts, yë teety Ezequiel, yë Buzí myaank; tëkok ojts nwin'ixyës, jamës näjyawëty ntänë ma Quebar mëjnëëjën, jam Babilonyë; ma ënäty yajpaatën ja ja'ayëty mëti'ipë tsumy matsy të yajmënëjkxtën. Ënät ja tsajp y'ëwatsy ets nwin'ijxyës yë Tios. Jää ma myëmëkoxk anyën yë mëmajktaxk po'opë, ma y'apetyën ja më'i'px majk jëmëjtpë, tëë ënäty mëkoxk jëmëjt nyajxnë ma ja Joaquín yajkutujkpë yajmënëjkxyën tsumy matsy. Ënät ja Wintsën ojts xykyë'ë nnixajyës.

Daniel 1:17

Ya'atë nimajktaxkpë ëna'ktëjk, wijy ojts pyëtsëmtë ets këpety wyinja'awëtyääytyë wa'ats ja ijxpëjkën ets nija'awën. Yë Daniel nän yajniwijtääpy ijty yë kuma'ay ets ko tii yaj'a'ijxnaxy.

Daniel 10:2

Jä'ä xëëw ëjts mon tukës ojts nyajpaaty ets jëtu'un y'ijty tëkëëk sëmaan.

Daniel 10:7

Ëjtsyë nätyu'uk të n'ixy jëtu'unpë ja wiinkuma'ajën, jä'ä ko ja ja'ayëty mëti'ipë ënäty jam mëët nyajpaatyënës ënätyë të kyäkta'atë ets nyäyu'tsta'ajëtë.

Daniel 11:4

E ma ënäty të tyajkopkpëkyën ja kyutujktakn, jää nëjkx ja kyutujktakn yaj'ëxwa'any ets taxkpëky nëjkx nyäwyä'kxyë. Yë kutujkën mëti'ipë ënäty myëët'ajtypyën ja yajkutujkpë ka'ap nëjkx ja y'u'unk y'ok t'ëkjä'ä'ajnë ets nän ka'ap nëjkx ja kutujkën mëk y'ëkyajpatnë tä ënäty të pya'tkë'p'atyën, jä'ä nëjkxëp nyäwya'kxënë ets wiinkëtypë ja'ay nëjkx jam y'ënä'ämnë.

Daniel 7:1

Tëkok ojts yë Daniel wyinkuma'ay, koots ënäty, mëët tu'kjëmëjt ënäty kyëjääjë yë Belsasar yajkutuky jam Babilonyë. Ko myä'äypyëti'ky, ënät tkujaaytyääy tiijaty ënäty të twinkuma'ayën. Jëtu'un tjaaypyejty:

Daniel 7:15

Ëjts Daniel, jëtu'unës të näjyawëty nxujxta'ay; ets mëkës të nmëmay të nmëtajy mëti'ipës të n'ixyën,

Daniel 7:28

Jëtu'un jyëjpkëxy ja nyimëtyä'äky. E ëjts Daniel, mëkës të nmëmay të nmëtajy, poopëmës je'eyë të njajta'ay; je'eyëp ko tyaapë ni pënës të nkatuknijawë.

Daniel 8:15

E ëjts jä'äs ënäty jam nmëmääpy nmëtäjpy wi'ixës jam nwinkuma'ayën ets njaja'aykyukëja'anyës tiitën jyatijäämpy, ko tu'uk të n'ixyës pyëtsimy ja'ayën yaj'ixy ets të wyinkuwa'akës,

Daniel 8:2

Maas ënäty jam nwinkuma'ayën, jamës näywyin'ixë ma ja Susa kajpnën, ma ja kutujktakn yajpaatyën, yë'ë y'itjot yë Elám, Ulai nëëpë'aay.

Daniel 9:2

Ma ënäty mëtu'uk jëmëjt yajkutukyën, ëjts Daniel, yë'ëjës ënäty jam n'ijxpëjkpy yë käjpxynyajxpë Jeremías yë nyoky, ma tnikäjpxyën ko tëkë'px majk jëmëjt y'ita'any axit ako'owë ja Jerusalén kajpn, ma ja käjpxynyajxpë Jeremías ënäty ja Wintsën jëtu'un të y'ënë'ëmxëtën.