Daniel 7:25 - Biblia Mixe de Quetzaltepec

²⁵ Nëjkxëp ja Tios Ni'ik tnëxi'iky tukxi'iky ets nëjkxëp ja nyaax kyajpn ëxëëk tuunë; yatëkatsa'anëp ja Tios ja y'ënä'ämën tyiyajtën ets yajtëkajtsta'aja'anëp ja xëëw mëti'ipë yajtuunpën ma tsajptëjkën ets ja Tios ja nyaax kyajpn yë'ë nëjkx tuntë tëkëëk jëmëjt ja kujkm mëti'ipë ënäty yë'ë nyi'ënä'ämëpën.

Biblia Dc en Mixe de Quetzaltepec

²⁵ Nëjkxëp ja Dios Ni'ik tnëxi'iky tukxi'iky ets nëjkxëp ja nyaax kyajpn ëxëëk tuunë; yatëkatsa'anëp ja Dios ja y'ënä'ämën tyiyajtën ets yajtëkajtsta'aja'anëp ja xëëw mëti'ipë yajtuunpën ma tsajptëjkën ets ja Dios ja nyaax kyajpn yë'ë nëjkx tuntë tëkëëk jëmëjt ja kujkm mëti'ipë ënety yë'ë nyi'ënä'ämëpën.

Daniel 7:25 ပူးပေါင်းရင်းမြစ်များ

Isaías 37:23

¿Pën xyjyëjp'ixy të xynyëxi'iky të xytyukxi'iky? ¿Pën xyjyëjp'ixy wyintsë'kën të xyajtëkooyë ets mëj këjxm mnäyajnaxyë ma yë'ëjën? Yë'ë Tios, Wa'atspë yajpaatyën ma Israel kajpnën.

Daniel 11:28

Ja yajkutujkpë anëkëjxytsyowpë nëjkxëp jatëkok wyimpity ma ja nyaax kyajpnën ets tmënëjkxta'aja'any mëti'ipë ënäty të tpaatyën ma tnitëkën ja naax kajpn ets mëtsip y'awinpita'any ma ja käjpxytyu'unënën wa'atspë; nëjkxëp ja wyinma'any tukpëtsëmy ets nëjkx jatëkok wyimpijtkojnë ma nyaax kyajpnën.

Daniel 12:7

Ja ja'ay mëti'ipë linë wit wyit'ajtypyën ënät ja kyë'ë të tyujkxajy jam tsajpjotm ets ja Tios juukpyë të tukajpxpety ets të y'ënä'äny: Ma ënäty tëkëëk jëmëjt ja kujkm të nyäxyën, ma ënäty o'ktëy të yajtuunta'ayën ja kyutujkën ja Tios ja kyajpn, ënätnëm nëjkx ya'atë ëyo'on kyixy nyäxy.

Daniel 2:21

Yë'ë yajtëkatsyp yë xëëw jëmëjt; yë'ë pyëjktäkpy ets yë'ë yajkutujkpy mëti'ipë ënä'ämpën yajkutujkpën, yë'ë myoopy yë wijyajtën yë wijyjyä'äytyëjk ets yë'ë yaj'ijxpëkytyäkpy yë mëti'ipë ixpëkyën.

Daniel 3:26

E ko jëtu'un kyajpxtaay, ënät ja Nabucodonosor ojts jam nyijkxy jëënjut ëkë'ëm ets mëk yujk'ënany: Sadrac, Mesac ets Abed-negó, miitsëty, Tios Ni'ik Këjxmëpë m'u'unk'ajtëtëp, pëtsëmtë jap ets yam mintë. Ënät nitëkëëk pyëtsëëmtaaytyë jap jëënjutjoty,

Daniel 4:17

Ya'atë tëytyu'unën të yajnikäjpxy, mëti'ipë yë anklëstëjk këwent'ajtpë të t'awitstën ets tëkokyë naaxwiinyëtë ja'ay nijawëtëty ko yë Tios Ni'ik Këjxmëpë myëët yë mëk'ajtën ma naaxwiinyëtë ja'ay kyutujktaknëtyën, myoopy yë kutujkën yë ja'ay mëti'ipë tyuk'më'a'ijxëpën ets yajwintsën'ajtyp ja ja'ay yu'unkpë naxymyëpë ma ja naax kajpnën.

Daniel 4:2

Ntsojkpyës ets miitsëty xynyijawëtëty wi'ix yë Tios Ni'ik Këjxmëpë tii winë tunyën ets wi'ix winë mëj këjää të tunyën ma ëjtsën.

Daniel 4:25

Mijts yajkutujkpë myajwoowpëtsëmaanp ma ja mayjyä'äyën ets myajwoownëjkxa'any jam aayjyotm ujtsjotm ma mjuuky'atëtyën tä aayjëyujk ujtsjëyujk jyuuky'atën; yë'ë m'okëp yë mëëy tä yë tsajpkaa myiiy'okyën ets nëjkxëp yë mjot mnini'kx nyimaanikyë. Jëtu'un nëjkx mjuuky'äty mijts yajkutujkpë wëxtujk jëmëjt, koonëm xynyijawëty ko yë Tios Ni'ik yë'ë myëët'ajtyp yë kutujkën ma tëkokyë yë naaxwiinyëtë ja'ayën ets yë'ë yaj'ëne'empy yajkutujkpy mëti'ipë yë'ë tyuknipëjktakëpën.

Daniel 4:32

Myajjuutaanp yam ma mayjyä'äyën ets nëjkx mjuuky'äty mëët yë aayjëyujk ujtsjëyujk; wëxtujk jëmëjt m'ujts jë'kxëty tä tsajpkaa y'ujts okyën, koonëm xynyijawëty ko yë Tios Ni'ik mëk yë'ë ets yë'ë y'ënä'ämtääpy yë naax kajpn naaxwiinyëtë apëtsëmy ets yë'ë pyëjktäkpy kë'ëm pën yajkutukëpën.

Daniel 7:18

Ok nëjkx yë Wintsën Ni'ik kyë'ëtëjkëtyä'äyë yë kutujkëntakn ets nëjkx yë'ë tjä'ä'aty xëmëkyëjxm.

Daniel 7:20

Näy jä'äs ënäty nijawëjäämpy ja mëti'ipë majk ja wyajën ets ko yaj'ixy ja wyiin tmëëtëty ja mutskpë wyaj mëti'ipë pëtsëëmpën ma mëjätyëtypyën ets ko kyäjpxy amëj akëjxm yajmëtoy kyäjpxy, jëtu'un yajmëtoy ni'ik yowë myëjëty ets ojts tëkëëk nyëka'ay ja mëjatyëtypë ets yë'ë pyëtsiimy.

Daniel 7:8

Yë'ëjës ënäty jam ja wyaj n'ijxëp ko të n'ijxpaatyës wiinkpë wyaj jam itkujky ma ja majkpë yajpaatyën je'eyëp ko mutsk, ënät të yajnëtëjy tëkëëk ja wyaj ets të nyi'ëwaatsë ja mëti'ipë ok të pyëtsimyën, jëtu'un yë wyiin ja'ayën ets amëk yo'k mëk kyäjpxy.

Daniel 8:11

ojts tsipwinkajpxë ja mëti'ipë nyiwintsën'ajtypyën ja tsiptuunpëtëjk; ojts may tyaj'atëkoy ja wintsë'kën jëpom jëpompë yajyäkyën ets ojts tyaj'ëxëëkë ja tsajptëjk.

Daniel 8:14

Ets yajmëtooy ja ëtsoowinpijtën: Jääpaat ma ënäty kyä'pxyën mäjtsk mil ja tëkëëk mëko'px ux ets jopy. Ko ënäty kyä'pxy tääts nëjkx wyä'ätsy yë tsajptëjk.

Daniel 8:9

Ma tu'ukën tëë wiinkpë jam pyëtsimy mutskpë, ojts yeeky ets jamtsow të nyasyääkë ëpa'tkë'ëmtsow, maatsow xëëw pyëtsimyën ets maatsow ja it naaxwiinyëtë wyi'imyën ja oypyë tsujpë.

Daniel 9:27

E ja tu'k sëmaanpë wyi'imyën, jää nëjkx mëët kanaak yë naax kajpn käjpxytyu'unën tuny, e sëmaanjoty jää t'akajpxtuka'any këtiipë wintsë'kën yajyäkyën. Ets tu'uk yë mëjpoky yajtuna'any ma ja wintsë'kënytyaknën ma yajyäkyën ja wintsë'kën, koonëm ja o'kën tyukja'tëtëty ja mëti'ipë ënäty ja ëxëëkajtën tyuuntëkoopyën.

Oseas 7:16

Yë'ë ojts tninëjkxtë wiink tios, jëtu'un tä ti'pxnën ka'apë kyujkye'eyën, ka'apë jyä'tyën ma jyayajtukni''ixën. Mëët ko kyajpxtë myëtya'aktë amëj akëjxm, yë kyopktëjkëty kupuxy nëjkx y'o'kta'atë ets jap Egiptë je'eyë nëjkx yajnëxi'ik yajtukxi'iktë.

2 Tesalonicenses 2:3

Këtii myajwin'ëëntëty niwi'ix'äämpy, jä'ä ko jëyëjp ja Tios yajnipëtë'ëka'any, ja ja'ay mëti'ipë pokyën jä'ä jëtu'un ëtë'ëtsaanp.

2 Tesalonicenses 2:4

Ya'atë jëtu'un mëtsip'ajtp mëti'ipë y'ëxëëk'ijxypyën tëkokyë mëti'ipë Tios jyä'ä'ajtypyën ets mëti'ipë yajwintsë'ëkëjaanpën; yë'ë tsyojkpy ets yajmëjpëjkta'akëty këtiinëm ja wiinkpë. Jampaat jya'ta'any ma ja Tios ja myëj tsajptëjkën ets jap yajpaata'any nyätyija'anyë ko Tyiosëty.

2 Tesalonicenses 2:8

Ko yajjëpëkëty, jää yajnijawëja'any pën ëxëëk'ajtën'ajtpën, mëti'ipë ja Wintsën Jesús nëjkx pyixtëkoyën ets yajkutëkoyä'änyë ko ënäty myiny mëët ja y'ajaj y'atë'kxën.

Apocalipsis 12:14

E ja to'oxytyëjk yajmooy mäjtsk ja witsn käkn mëjatyëty ets tkukä'äkëty ja mëj tsa'any ets jëkäm kyäknëjkxëty ma ja jyuuky'ajtakn ënäty të yaj'ixkukën, jam të'ëts'itjotm, ma ja kyä'äyën y'ukën yajmo'ojëtyën tëkëëk jëmëjt ja kujkm.

Apocalipsis 12:6

e ja to'oxytyëjk jam ojts kyäknëjkxy të'ëts'itjotm ma ënäty ja Tios të t'ijxkukën ja it ets jam tyajkayä'äny tyaj'uuka'any tu'uk mil ja mäjtsk mëko'px ja tëkë'px xëëw.

Apocalipsis 14:12

Paaty ja mëpëjkpëtëjk, mëti'ipë ja Tios ja y'ënä'ämën pyatuunëtëpën ets mëti'ipë ja Jesús mëët tu'ukyë y'itën, pyëjktaktëp ja mëjaaw.

Apocalipsis 16:6

Jä'ä ko tëë tyajtsun tyajtaxtë ja mmëpëjkpëtëjk ets ja mkäjpxynyajxpëtëjk; paaty mijts ja nëë të xyajwinpity ne'pynyën ets yë'ë t'uuktëty, jëtu'un ijxtëm pyaat'atëtën.

Apocalipsis 17:6

Ënätës n'ijxy ko ja to'oxytyëjk myu'ukyë, yë'ë mukëp ja mëpëjkpëtëjk ja nye'pyny ets ja ja'ayëty mëti'ipë të tkajpxwa'kxtën ja Jesús ja jyä'ä. Mëkës ni'ik nja'awëy ko jëtu'un n'ijxyës.

Apocalipsis 18:24

Jam ma tääpë kajpnën, tam yajpaaty temy yoky ja Tios ja kyäjpxynyajxpë nye'pynyëty ets ja Tios mëpëjkpë nye'pynyëty ets ni'ëmukë nye'pyny mëti'ipë tëë ja ja'ay yaj'ookëtën naaxwiiny.