Daniel 7:14 - Biblia Mixe de Quetzaltepec

¹⁴ Ënät yajmooy ja kutujkën ets ja mëj'ajt oyajtën, aak mëtuunëp ja naax kajpn mëti'ipë kanaakjëjp ja ayuk kyajpxtëpën. Yë kyutujkën yë'ë xëmë itaanp ets ja y'ënä'ämtakn ka'ap nijëna'a kyutëkoyëty.

Biblia Dc en Mixe de Quetzaltepec

¹⁴ Ënet yajmooy ja kuttujkën ets ja mëj'ajt oyajtën, aak mëtuunëp ja naax kajpn mëti'ipë kanaakjëjp ja ayuk kyajpxtëpën. Yë kyutujkën yë'ë xëmë itaanp ets ja y'ënä'ämtakn ka'ap nijëna'a kyutëkoyëty.

Daniel 7:14 ပူးပေါင်းရင်းမြစ်များ

Apocalipsis 11:15

Ko ja mëwëxtujkpë ja tsajpjotmëtë kukäjpxy tukxuxy ja pujxnxuxn, ënät kanaakpëky ja mëto'owën mëk yajmëtooy jam tsajpjotm ets y'ënä'äny: Tëë ja Wintsën ets ja Kristë tyajtso'onta'aktë ja kyutujkën naaxwiiny ets yajkutuka'antë xëmëkyëjxm.

Daniel 7:27

E ja kutujkën, mëk'ajtën ets ja mëj'ajt oyajtën mëti'ipë naaxwiinyëtë apëtsëmy yajpatpën yë'ë nëjkx yajmooytya'atë ja Tios Ni'ik ja nyaax kyajpn. Yë kyutujkën xëmëkyëjxm nëjkx yajpaaty ets tëkokyë yë naax kajpn naaxwiinyëtë apëtsëmy yë'ë nëjkx tmëtuntë ets tmëmëtowtë.

Juan 3:35

Ja Tios Teety tsyojkpy ja y'u'unk ets tëë tukkë'ëtëjkëtyä'äy mëti'ipë myëët'ajtypyën.

Daniel 2:44

Ma ënäty tääpë yajkutujkpëtëjk y'ënä'ämtën, jää nëjkx yë Tios tpëjktä'äky yë kyutujktakn mëti'ipë ka'ap nijëna'a kyutëkoyën ets yë'ë nëjkx myëjnaxy, nëjkxëp ja wiinkëtypë ja kutujkën tyajkutëkooytyä'äy ets yë'ë xëmëkyëjxm nëjkx y'ity.

Hebreos 12:28

Ja Tios xymyo'oja'anëm mëti'ipë ka'ap yu'kxyën, paaty ja Tios nkukajpxëmëty ets nmëjja'awëmëty njaantyja'awëmëty oyjyot oywyinma'any mëët ijxtëm tsokyën.

Apocalipsis 17:14

Tääts mëët tsyiptuna'antë mëti'ipë yajtijpën Kupixyny U'unk; nëjkxëp myëmëta'akëtë ja mëti'ipë yajtijpën Kupixyn U'unk, jä'ä ko wintsëntëjk Wintsën ja y'ity, ets yajkutujkpëtëjk Yajkutujkpë; mëët nëjkx y'ity mëti'ipë ja Tios të wyinwitsëtën ets mëti'ipë wintëy wiinkujk mëët ja Tios y'itën.

Mateo 28:18

Tääts ja Jesús myëwinkoonëtë ets y'ënëmaayëtë: Tëës ja Tios xymyooytyä'äy ja kutujkën jam tsajpjotm ets naaxwiinyëtë.

Mateo 11:27

Tääts ja Jesús jyaak'ënany: Aak ëjts ja nTeetyës të xymyooytyä'äy tukë'ëyë winë. Ka'ap pën tnijawë ja u'unk, yi'iyë ja Teety nyija'ap; ets ka'ap pën tnijawë ja Teety, yi'iyë ja u'unk nyija'ap ets nyijawëtëp ja ja'ay mëti'ipë ja u'unk tyuk'nijawëjäämpyën.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Apocalipsis 3:21

Pën mëtakp, yë'ëjës nmo'ojäämpy ja tëyajtën ets xymyëët'u'unyëtyës maas ja nkutujktaknën, ijxtëmës ëjts të nmëtä'äkyën ets të naaxweetyës maajës ja nTeety ja kyutujktaknën.

Lucas 1:33

ets yajkutukëty xëmëkyëjxm ma ja Israel ja'ayëtyën ka'ap kyëxa'any nyaxa'any ja kyutujkën.

Abdías 1:21

Ko ënäty të myëta'aktë tääts nëjkx jam pyätë ma Sión kopkën ets jam tni'ënä'ämëtëty mëti'ipë tsënaaytyëpën ma Esaú y'itjotmën, kopkjotypë ets Wintsën yë'ë nëjkx yajkutuky.

Daniel 3:4

Ënät ja ja'ay tukkajpxëy mëti'ipë ënäty të yajtuknipëkyën ets t'ënëmaay ja mayjyä'äy: Mëtoow'itë ya'atë aaw ayuk miitsëty naax kajpnëty, ninu'un të mja'tën ets ninu'un wiinkëtypë aaw ayuk xykyajpxtën.

Daniel 2:35

E ja pujxn ets ja juunpujxn ets ja tsuxkpujxn ets ja poop pujxn ets ja pu'ts pujxn naaxwayën të jyajta'ay, jëtu'un tä yaj'ixyën yë naaxway ko xyëkopk'aty ko yë tsajpmok pyajk'aty ets të wyimpapojta'ay, ka'ap të wyi'imy nitu'uk nu'unën. E ja tsaa mëti'ipë të yajma'ta'ayën jëtu'un të y'awinpity tä tu'uk mëj kopkën ets tëë tyajwintujkta'ay yë naaxwiinyëtë.

Isaías 60:12

Ja naax kajpn mëti'ipë ënäty ka'ap mëtunyën, nëjkxëp kyutëkoy; yë'ëpaat mëjëtypë naax kajpn kyutëkoyä'äny.

Salmos 146:10

Mijts Sión kajpn, yë Wintsën jam xëmë ënä'ämaanp ma mijtsën; yë mTios yë'ë yajkutukaanp winë xëëw winë jëmëjt. Tukxoontä'äky mëjjawë Tios yë xyëëw nyaxëty.

Salmos 145:13

Yë mkutujkën, yë'ë mëti'ipë winë xëëw winë jëmëjt ijtpën, yë m'ënä'ämën yë'ë mëti'ipë xëmëkyëjxm yajpatpën.

Salmos 45:6

Yë m'ënä'ämën mkutujkën, mijts Tios, ijtëëp yë xëmëkyëjxm, yë'ë ja kutujkën ma xëmë y'ityën ja mëtëypyë ja nipaye'eyën.

Salmos 8:6

tëë xymyo'oy ja kutujkën, ma tëkokyë winë të xyajkojyën, mëj'äämpy të xypyëjktä'äky ma winëjatyën,

Juan 12:34

Ënät ja ja'ay y'ënantë: Mëët ja ënä'ämën ëëts nijawëtë ko ja Kristë jyuuky'ata'any xëmëkyëjxm. ¿E wi'ix ko mijts m'ëna'any ko pyëtë'ëka'any ja naaxwiinyëtë ja'ay ja y'U'unk? ¿Pën mtijpy, ja naaxwiinyëtë ja'ay ja y'U'unk?

Lucas 10:22

Tääts ja Jesús y'ënäny: Aak ëjts ja Tios Teety të xymyooytyä'äy tu'kë'ëyë winë. Ka'ap pën tnijawë pën Tios u'unk'ajtp, Tios Teety nätyu'uk nyija'ap; ni pën tkanijawë pën ja Tios Teety, Tios U'unk nätyu'uk nyija'ap ets tyuknijawëp ja ja'ay mëti'ipë ënäty tyuknijawëjäämpyën.

Daniel 7:18

Ok nëjkx yë Wintsën Ni'ik kyë'ëtëjkëtyä'äyë yë kutujkëntakn ets nëjkx yë'ë tjä'ä'aty xëmëkyëjxm.

Daniel 6:26

ets ni'ënä'ämës ma tëkokyë naax kajpnën wä'än tyajwintsë'ëkë ets wä'än tyajmëjjawë yë Tios mëti'ipë Daniel y'ëwtajtypyën. Jä'ä ko juuky Tios yë'ë ets xëmëkyëjxm yë y'ity. Yë y'ënä'ämën kyutujkën ka'ap nijëna'a pën tyaj'atëkoyëty ets myëk'ajtën ka'ap nijëna'a jyëjpkëxy.

Daniel 4:3

Tëë yë myëj'ajtën tyaj'ixyë mëjwiin këjää. Xëmëkyëjxm y'ita'any yë kyutujkën ets y'ënä'ämën ijtëwaanp yë tu'kjuuky tu'kkä'äx.

Salmos 102:22

ko ënäty tëkokyë ja ja'ayëty naaxwiinyëtë apëtsëmy nyämyujkta'ajëtë ets t'ëwtata'antë yë Tios.

Salmos 72:17

Wä'än yë yajkutujkpë yë xyëëw xëmëkyëjxm t'ity; wä'än jëtu'un tjeky yë myëj'ajtën ets xyoontakën tä xëëwën. Wä'än kanaak yë naax kajpn t'itë kënu'kxy mëët yë'ëkyëjxm. Wä'än tëkokyë yë naax kajpn yajnimëtya'aktë akujk jotkujk.

Salmos 72:11

Wä'än tëkokyë yë ënä'ämpëtëjk tkoxtänëtë ma yë'ëjën. Ets wä'än tëkokyë yë naax kajpn jam myëtuntë kyupëktë ma yë'ëjën.

1 Pedro 3:22

mëti'ipë ojts pya'tëkën tsajpjotm ets nyaaxwe'tsy ma ja Tios Teety yajkutukyën a'oytsyow, ets yë'ë tyam y'ëne'empy ja anklëstëjk ets mëti'ipë ja mëk'ajtën ets ja kutujkën myëët'ajtëpën.

Apocalipsis 1:6

mëti'ipë të tyajnaaxkëtä'äkyën ja kyutujkën mëët ëëtsajtëm ets teety të xyaj'awinpijtëm ma ja tyuunkën ja Tios Teety. Wä'än yë mëj'ajt oyajtën yë'ë tjä'ä'aty ets ja kutujkën xëmëkyëjxmëpë. Jëtu'un y'itëty.

Isaías 16:5

Yë David yë y'u'unk y'ok yë'ë nëjkx tpaaty ja kutujktakn, mëti'ipë yajkutukaanpën mëët ja tëyajtën. Mëtëy nëjkx winë tnipaye'ey, jëtu'un tä y'ixëtyën ja poky ets mëtëy tyaj'ita'any ja ënä'ämën tëyajtën.

Daniel 2:37

Mijts yajkutujkpë mijts tu'uk mëj'äämpy mnajxp yajkutujkpë, jä'ä ko Wintsën mëti'ipë tsajpjoty yajpatpën yë'ë kutujkën të mo'oyë ets tëë mo'oyë mëk'ajtën ets mëj'ajtën

Salmos 103:19

Yë Tios tëë yë y'ënyääypyäjn tpëjktä'äky jam tsajpjotm ma yajkutukëtyën, ets y'ënä'ämën kyutujkën yë'ë tyam ijtp ma tëkokyë winë y'ityën.

Isaías 9:6

Jä'ä ko tëë tyam myiny jyä'ty tu'uk ja mëxu'unk ye'etyëjkpë, tëë tyäky ja Wintsën tu'uk ja u'unk maay mëti'ipë të yajmo'oyën ja mëk'ajtën kutujkën ets y'ënä'ämëty yajkutukëty, ets jä'ä nëjkx yajtijy: Kajpxwijpë mëti'ipë mëj këjää winë tyuunpy kyäjpxypën, mëk Tios, xëmëpë Tyeety'ätyën, mëti'ipë nyikopk'ajtypyën ja jotkujk'ajtën.