Daniel 7:11 - Biblia Mixe de Quetzaltepec

¹¹ Jä'äjës ënäty jam n'ijxypyt wi'ix ja waj ja mutskpë jyänty y'ëti'itsy jyänty y'ënä'änyën; ets tamës jëtu'un n'ixy ko ja mëj jëyujk të tyaj'ooktë ets piw nuuk të tuunta'atë ets të njëën mo'otë ets tyooytyëkoyëty.

Biblia Dc en Mixe de Quetzaltepec

¹¹ Jä'äjës ënety jam n'ijxypyt wi'ix ja waj ja mutskpë jyänty y'ëti'itsy jyänty y'ënä'änyën; ets tamës jëtu'un n'ixy ko ja mëj jëyujk të tyaj'ooktë ets piw nuuk të tuunta'atë ets të njëën mo'otë ets tyooytyëkoyëty.

Daniel 7:11 ပူးပေါင်းရင်းမြစ်များ

Daniel 11:45

Jam nëjkx nyäpyëjktä'äkyë itkujky ma ja mejyën mëët nyäpyäätyë ja kopk wa'atspë ets oypyë tsujpë. Je'eyëp ko tëë ënäty tyukja'tyë ja xëëw jëmëjt ma y'ookanën ets jämyë nëjkx y'ooky ets ka'ap ni pën maa y'ëknimëtyakënë.

Daniel 7:12

Näyjyëtu'un ja wiinkëtypë ja mëj jëyujk ojts yajpëjkëtë ja myëk'ajtën, je'eyëp ka'ap të tyaj'ooktë jä'änëm tyuk'ëwxijtëp ja xëëw po'o.

Daniel 7:8

Yë'ëjës ënäty jam ja wyaj n'ijxëp ko të n'ijxpaatyës wiinkpë wyaj jam itkujky ma ja majkpë yajpaatyën je'eyëp ko mutsk, ënät të yajnëtëjy tëkëëk ja wyaj ets të nyi'ëwaatsë ja mëti'ipë ok të pyëtsimyën, jëtu'un yë wyiin ja'ayën ets amëk yo'k mëk kyäjpxy.

Daniel 8:25

Mëët yë kyëpety winma'any, yë'ë nëjkx tukmëtä'äky antakën. Amëj akëjxm nëjkx nyäjyawëty ets may nëjkx ja'ay tyaj'ooky mëti'ipë ënäty jotkujk yajpatëpën, jä'ä ko awin'ë'ënën nëjkx ja'ay tyaj'ooky. Nëjkxëp mëët tsyiptuny mëti'ipë nyikopk'ajtypyën yë yajkutujkpëtëjk, je'eyëp jää ka'ap nëjkx y'ëkmëtaknë.

2 Tesalonicenses 2:8

Ko yajjëpëkëty, jää yajnijawëja'any pën ëxëëk'ajtën'ajtpën, mëti'ipë ja Wintsën Jesús nëjkx pyixtëkoyën ets yajkutëkoyä'änyë ko ënäty myiny mëët ja y'ajaj y'atë'kxën.

2 Pedro 2:18

Amëj akëjxm tii tkajpxtë mëti'ipë ka'ap tyunyën, wyin'ë'ëntëp ja ja'ay ko y'ëna'antë ko ka'ap pyokyëty ko ja'ay kyë'ëm winma'any tyajtuny. Jëtu'un ja ja'ay tyajpokytyuntë tyam ënäty jemnyëm t'ëxmatstë ja ëxëëk juukyajtën.

Judas 1:16

Yë jëtu'unpë ja'ayëty, nitii tkatukjotkëta'aktë, je'eyë nëkoo nyä'ämtë, aak nänyi'ojë tii tpëjkta'aktë, yi'iyë tyukjotkëtaktëp mëti'ipë kë'ëm tsyojktëpën; amëj akëjxm tii tkajpxtë, je'eyë ja Tios nëkoo tukajpxpätë ets yajputëkëtëty.

Apocalipsis 18:8

Paaty yë'ë, tu'kxëëyë nëjkx yë mëj ëyo'on tyukja'tyë: ja o'kën, ja jotmay, ja yuu xëëw ets yajnino'okëty; jä'ä ko ja Wintsën ja mëk'ajtën tmëëtëty paaty yajtëytyuna'any.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënäty ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Tios ja jyä'äjën ets tukwin'ëëny mëti'ipë ënäty të tkupëktën ja mëj jëyujk ja tsya'a ets të twintsë'ëkëtë ja awinax. Ënät ajuukyë nimäjtsk yajkujëpijpëtyë ma ja mejy tyoyën mëët ja azufre.

Apocalipsis 20:10

Ets ja mëjku'u mëti'ipë ënäty të twin'ëënyën ja mayjyä'äy, nän jap ja yajkujëpijpëy ma ja mejy tyoyën mëët ja azufre, ma ënäty të yajkupipëtën ja mëj jëyujk mëët ja mëti'ipë ja Tios kyäjpxynyajxpë nätyijëpën. Japts y'ëyowëty xëmëkyëjxm, xëënaxy tsuunaxy.

Apocalipsis 20:12

Ets n'ijxyës ja o'kpë jam tyänëtë mëj mutsk kutujktakn wintum. Tääts ja noky ojts yaj'akëëywyä'kxy ets yaj'ixy wi'ix të tyuntën nitu'ukjaty, ets näjyëtu'un wiinkpë noky ojts yaj'akëëywyä'kxy ma ja ja'ay ja xyëëw jap y'itën mëti'ipë xëmëkyëjxm juuky'ajtëpën. Jëtu'unts ja o'kpë ni'ëmukë yajpaye'eytyë.

Apocalipsis 20:4

Ets n'ijxyës kanaak ja kutujktakn, yë'ë jam u'unyääytyëp mëti'ipë ënäty të t'ëxajëtën ja kutujkën ets pyaye'eytyëty; ets n'ijxyës näjyëtu'un ja y'anëmëty mëti'ipë të yajkupuxtën mëët ko të tkajpxwa'kxtë ja Wintsën Jesús ja jyä'ä ets ja Tios ja y'aaw y'ayuk ets mëti'ipë ënäty ka'ap të twintsë'ëkëtën ja mëj jëyujk ets ni të tkakupëktë ets yajtsa'atëty wyimpokëjxm ëkë kyë'ëkëjxm; ets n'ijxyës ko jyuukpyëktë jatëkok ets yajkutuka'antë mëët ja Kristë tu'uk mil jëmëjt.