Daniel 6:24 - Biblia Mixe de Quetzaltepec

²⁴ Ja yajkutujkpë ojts tni'ënä'ämë ets tyajmintëty ja ja'ayëty mëti'ipë ënäty ja Daniel të tni'ëënëtë ets jap yajkujëpijpëtyë kaa kemyjoty mëët ja y'u'unkëty y'ëna'këty ets ja y'u'unk tyo'oxytyëjkëty; ka'ap ënäty jap y'oyjya'tënëm ko ja kaa myajtstaayëtë ets tsyu'tstaayëtë.

Biblia Dc en Mixe de Quetzaltepec

²⁴ Ja yajkutujkpë ojts tni'ënä'ämë ets tyajmintëty ja ja'ayëty mëti'ipë ënety ja Daniel të tni'ëënëtë ets jap yajkujëpijpëtyë kaa kemyjoty mëët ja y'u'unkëty y'ëna'këty ets ja y'u'unk tyo'oxytyëjkëty; ka'ap ënety jap y'oyjya'tënëm ko ja kaa myajtstaayëtë ets tsyu'tstaayëtë.

Daniel 6:24 ပူးပေါင်းရင်းမြစ်များ

Isaías 38:13

Jëtu'un tääjës jeexyë kaa xy'akääp xytyuk kääpën, jëtu'unës një'ëy nyä'äxy xëëny koots. Xëëny kootsës xyaj'ëyoy.

Ester 7:10

Jëtu'un'äämpy ojts ja Amán jam y'ooky ma ja o'ktaknën mëti'ipë ënäty të tukni'oytyunën ja Mardoqueo. Tä ojts jëtu'un ja yajkutujkpë jyotxeemy.

Salmos 54:5

Yë'ë yajkutukëp etsës yë nmëtsiptëjk kë'ëm yë y'ëxëëk'ajtën tyiytyunëtëty. Yajkutëkooytya'a mijts Wintsën tääpë ja'ayëty, jä'ä ko mijts aak'oy winë xytyuny. Ëjts mijts nmo'ojëp yë mwintsë'kën ijxtëmës yë njot nwinma'any npëjktä'äkyën, etsës nkuuy'ëwa'any nkuuyya'axa'any yë mxëëw, jä'ä ko mijts janty'oy janty tsuj mTios'aty.

Ester 9:25

e ko ja Ester ojts tuk'ëwaanë ja yajkutujkpë, ënät ja yajkutujkpë nokymyëët ni'ënä'ämëy ja Amán ets y'ënäny: ko tu'kë'ëyë ja ëyo'on jotmay mëti'ipë të tjanimay të tjanitajën yë Amán ets ëxëëk jyatëty ja Jutiiyë ja'ayëty, wä'än jam tkëtakta'ay ma Amanën. Jëtu'un'äämpy yë Amán mëët yë y'u'unk y'ëna'k kyutëkooytyë.

2 Reyes 14:6

Je'eyëp ko ja yu'unk y'ëna'këty ja yaja'ay o'kpë ka'ap ojts tyaj'o'kë, yë'ë ojts tpatuny ja ënä'ämën, ma ja Wintsën y'ënänyën: Yë teety taak ka'ap tjëkyepy tkukëpätëty ja nyëë pyoky ja y'u'unk y'ëna'k ets näjyëtu'un ja u'unk ëna'k ka'ap tjëkyepy tkukëpätëty ja tyeety tyaak ja nyëë pyoky, ja ja'ay mëti'ipë tuuntëkoopyën yë'ë ja kyë'ëmpoky kyukëpätëp.

Deuteronomio 24:16

Yë teety taakëty ka'ap tjëkyepy yë'ë tkëpätëty ja u'unk ëna'k ja nyëë pyoky, ni u'unk ëna'k tkajëkyepy tku'ookëty ja tyeety tyaak ja nyëë pyoky. Ja ja'ay mëti'ipë ënäty pokytyuunpën, yë'ë kë'ëm kyëpätëp ja nyëë pyoky.

Proverbios 11:8

Yë Tios yajpëtsëëmpy yë oyjyä'äytyëjk ma monyë tukyën; ets ëxëëkja'aytyëjk yë'ë jam tpëjktä'äky.

Ester 9:10

Ya'atë nimajkpë yë'ë ënäty ja Amán y'u'unk y'ëna'k mëti'ipë ëxëëk y'ijxën ja Jutiiyë ja'ayëty; je'eyëp ko tëkokyë mëti'ipë myëët'ajtën ka'ap ojts tontë.

Daniel 3:22

E jä'ä ko tëë ënäty ja yajkutujkpë y'ënä'äny ko yë y'ënä'ämën ënätyë mëpaat yajpaatuny, tëë ënäty ja jëënjut nyayä'änpëjknë, ja jëën nëkooyë ojts pyëtë'knë paaty ja tsiptuupëtëjkëty y'o'ktaaytyë ko ja jëën pyatëtë mëti'ipë ënäty ojts të tkujëpijpnaxtën ja nitëkëëkpë ja ëna'ktëjk,

Proverbios 19:9

Ja'ay mëti'ipë tii tëkatsy nyikäjpxypën ets ka'ap kë'ëm të t'ixy kopkpëky ko tkumëtowëty; Mëti'ipë ja'ay je'eyë antakpën, yë'ë ëwxijtëp o'kën.

Jeremias 34:17

Paatyës mëti'ipë Wintsën'ajtpën, jëtu'unës n'ëna'any: Miitsëty ka'apës të xymyëmëtowtë, ka'ap të xy'ëxmatstë ets të xyaj'ëwaatsëpëtsëmtë ja mjëëky mmëku'ukëty mëti'ipë të xyajmëtuntën; e ëjts yë'ëjës nnajtsmatsëjäämpy yë tsip käjpxy, yuu xëëw ets pa'am ëyo'on, mëti'ipë ëxëëk myajjat myajkëpätëtëpën ets naax kajpn tsyë'ëkëtëty. Ëjts Wintsën, ëjts ënaanp.