Daniel 6:23 - Biblia Mixe de Quetzaltepec

²³ Ënät ja yajkutujkpë mëk xyoontäky ets ojts tim ënätyë tni'ënä'ämë ets ja Daniel tjuutëty jap kemyjoty. Ko tyajpëtsëëmtë jap ka'ap maa ja Daniel tsyëtyutëty ets ka'ap maa wi'ix të jyäty, mëët jä'äkyëjxm ko ja Tios yë'ë tu'ukyë tuk'ijxpejty.

Biblia Dc en Mixe de Quetzaltepec

²³ Ënet ja yajkutujkpë mëk xyoontäky ets ojts tim ënätyë tni'ënä'ämë ets ja Daniel tjuutëty jap kemyjoty. Ko tyajpëtsëëmtë jap ka'ap maa ja Daniel tsyëtyutëty ets ka'ap maa wi'ix të jyäty, mëët jä'äkyëjxm ko ja Dios yë'ë tu'ukyë tuk'ijxpejty.

Daniel 6:23 ပူးပေါင်းရင်းမြစ်များ

1 Crónicas 5:20

ojts pyutëkëtë ja Tios, paaty ka'ap tyajmëtaktë ja Agar ja'ayëty ets ja mëti'ipë mëët të nyäpyëkëtën, yë'ëjëty ënätyë ja Tios ijty tmëkajpxtë jam tsipjotm ets pyutëkëtëty. Ojts pyutëkëtë jä'ä ko nän jam ja wyinma'any ets ja myëpëjkën tpëjktaktë.

Daniel 3:25

Nimajktaxkës jap n'ixtë ets tëë yajkë'ëkaj yajteky kyäjtë, najxtëp tëjkëtyëp jap jëënjoty ets ka'ap yaj'ixtë wi'ix jyatë, ja mëmajktaxkpë ja ja'ay jëtu'un yaj'ixy tä tu'uk Tios kukäjpxy.

Marcos 9:23

Tääts ja Jesús y'ënäny: ¿Tii ko jëtu'un m'ëna'any pën mëpaat xyajtso'oky? Aak oy yë ja'ay pyëtsë'ëmxëtë winë mëti'ipë Tios mëpëjktëpën.

Daniel 6:18

Ënät ja yajkutujkpë ojts nyijkxy ma ja tyëjkën mon tuk, ka'ap y'a'ux'ajty ets nän ka'ap tiituunk wiinkpë tuuny mëti'ipë ja yajkutujkpëtëjk tyuunk'ajtëpën; nän ka'ap ojts oy myä'äy pyo'kxy.

Isaías 26:3

Wintsën mijts jotkujk xyaj'ity mëti'ipë mëk jyot wyinma'anyën, jä'ä ko mijts mtuk'ijxpäjtëp.

Proverbios 18:10

Yë Tios yë xyëëw, jëtu'un yë'ë tä tu'uk yë mëjpotsyën mëti'ipë mëk tënääpyën ma kyäktso'oktën ja'ayëty mëti'ipë juuky'ajtëp mëët yë tëyajtën.

Salmos 37:40

Yë Wintsën yë'ë putëjkëyëtëp ets kyä'äktëty tsipjoty. Yë'ë tukukäkëtëp yë ëxëëkja'aytyëjk ets tsyo'oktëty, jä'ä ko ma yë'ëjën jam t'ixta'atë ja kuwa'anën.

2 Crónicas 20:20

Komjëpom, jopyëp ojts pyëtë'kojtë ets tyu'utëkëja'antë, nyëjkxa'antë jam Tecoa, jam të'ëts'itjotm. Ka'anëm ënäty tyu'utëkëtë ko ja Josafat y'ënëmaayëtë: Mëtoow'itë ya'atë aaw ayuk miitsëty Jerusalén ja'ayëty ets Judá ja'ayëty: Yë Wintsën yë'ë mëpaat tu'ukyë xytyuk'ijxpätë ets akujk jotkujk m'itëty, tuk'ijxpätë ijxtëm ja tyuunpëtëjk y'ëna'antën ets xy'ëk'ixtëty ko aak'oy winë mwinpëtsëma'anxëtë.

Hebreos 11:33

Mëët ko myëpëjktë ojts tmëmëta'aktë ja myëtsip wiink kajpnëpë, ojts oy nyipaye'eytyë ijxtëm pyaat'atyën, ko të tpaatë mëti'ipë ja Tios ënäty të tyukwinwanëtën, ko ja kaa të tyajmujkëtë ja y'aaw,

Daniel 6:14

Ko ja yajkutujkpë jëtu'un tmëtooy, ojts tmëkjawë ets ka'ap ojts jotkujk nyäjyawëty ënätyë tja ixtaay ja winma'any wi'ix jeexyë ja Daniel tyajtso'okyën. Jëtu'un ojts kyutsu'ujë ojts mëk jyamay jyatajy ets tjayajtso'okany ja Daniel,

1 Reyes 5:7

Ko ja Hiram tmëtooy wi'ix ja Salomón ja ayuk tyuknikäjxën, janty jotkujk nyäjya'awëyë ets y'ënäny: Yë'ë tëy yë Wintsën, janty kënu'kxy mëjjawë mëpaat yë xyëëw nyäxy, jä'ä ko tëë tyajkutuky ets tyëkëty ënä'ämpë tu'uk yë David yë myaank mëti'ipë ixpëkyën ets wijy kujkën, mëti'ipë mayëtëpën wi'ix ja nyaax kyajpn oy twinye'eyëty.

Éxodo 18:9

Yë Jetró mëk tukxoontäky, wi'ix ënäty ja Tios ja y'oyjyot y'oywyinma'any të tyajnikëxë'ëkyën ma ja Israel ja'ayëtyën, ko ënäty jap të yajpëtsëmëtë ma ja Egiptë ja'ayëty të kyë'ë'ampëkëtën,

Daniel 3:17

Ëëts ja nTiosëty, mëti'ipë n'ëwtajtëpënës, yë'ëjës xyajtso'oktëp jap jëënjoty ets muum ëxëëktum ma ënäty ja yajkutujkpë ëëts xypyëjkta'aka'antën, yë Wintsën yë'ë ëëts xyajtso'okantëp.

Salmos 18:21

Ëjts Tiosës yë nyë'ë tyu'u të npanëjkxë, Ka'apës nijëna'a nTios të n'ixtijy.