Daniel 6:10 - Biblia Mixe de Quetzaltepec

¹⁰ Ko yë Daniel tnija'awëy, ko tëë ja ënä'ämën yajtsa'ay, ënätyë ojts nyijkxy ma tyëjkën ets tya'ëwatsy ja tyëjk'aaw ets ja tyëjkwiin ma myä'äyën, mëti'ipë jam najts'ijxëpën maatsow yë Jerusalén kajpn wyi'imyën ets nyäkyoxtënaaytyakë ets t'ëwtajty ja Tios. Tëkëëk ijty tu'kxëëwpë nyu'kxtä'äky, jëtu'unyëm ënäty xëmë tuny.

Biblia Dc en Mixe de Quetzaltepec

¹⁰ Ko yë Daniel tnija'awëy, ko tëë ja ënä'ämën yajtsa'ay, ënätyë ojts nyijkxy ma tyëjkën ets tya'ëwatsy ja tyëjk'aaw ets ja tyëjkwiin ma myä'äyën, mëti'ipë jam najts'ijxëpën maatsow yë Jerusalén kajpn wyi'imyën ets nyäkyoxtënaaytyakë ets t'ëwtajty ja Dios. Tëkëëk ijty tu'kxëëwpë nyu'kxtä'äky, jëtu'unyëm ënety xëmë tuny.

Daniel 6:10 ပူးပေါင်းရင်းမြစ်များ

Salmos 55:17

Jopyëp, kujkxyëëw ets uxëp një'ëja'any nya'axa'anyës, ets yë'ë myëtowäämpy.

Hechos 5:29

Tääts ja Pedro y'ëtsooy mëët ja myëku'uktëjk: Yë'ë ëëts xypyatëp ets ja Tios nmëmëtowtëtyës, këtiinëm ja ja'ay.

Salmos 95:6

Mintë, tsojk nwinkoxtëna'ayëmë ets n'ëwtajtëmë. Nwinkoxtëna'ayëmë yë Wintsën, jä'ä ko yë'ë të xyajkojëmë.

Hebreos 13:15

Paaty, tsojk ja Tios nmëjja'wëmë ko ja Jesukristë të nmëpëjkëmë. Yë'ë jëtu'un ya'atë mëpaat ntukwintsë'këmë, tsojk nmëjja'aw njaantyja'awëmë ja Tios mëët ja aaw ayuk.

Filipenses 4:6

Këtii tii je'eyë xymyëmon xymyëtuktëty, yë'ë Tios tukë'ëtëkëtë tii jam mjotmay'ajtëp, amëtowtë pëjktsowtë ets kukajpxën näjyëtu'un.

Salmos 34:1

Kënu'kxyës yë Wintsën yë xyëëw njawëjanëyë oy tyimjëna'a xëëwëty, xëmës nikajpxa'any oy.

Salmos 5:7

E ëjts mëëtkyëjxm koos xytsyoky xyjyawë, jyëkyejpyës ntëkëty ma ja mtsajptëjkën; njëkyejpy mijts n'ëwtat nmënu'kxta'akëty mëët tu'kë'ëyë ja winkutsë'kën, ets jamës ja njot nwinma'any mpëjktä'äky ma mtsajptëjkën.

Hechos 9:40

Tääts ja Pedro tkäjxpëtsëëmtaay ja ja'ayëty ets nyäkyoxtënaaytyakë ets ja Tios ojts tmëkäjpxy ets ja o'kpë tniwa'akwinpijty ets y'ënäny: Tabitá, pëtë'ëk. Ënät ja o'kpë ojts y'ijxwä'kxy ets ja Pedro yajwintë'kxy ets wyä'tskujkëy.

Jonás 2:4

Jëtu'unës ojts näjyawëty tëëjës yowë xy'ëxwa'any ma m'ityën; etsës ojts nmay ntajy ka'apën ntij nijëna'a yë mtsajptëjk n'ëk'ijxnëtyës.

1 Reyes 8:54

Ko ja Salomón kyajpxtaay ets tyajkëjxy ja jyiiytyäky nyu'kxtakën ma ënäty jam të kyoxtänën winkon ma wintsë'këntyaknën ets të xyajjë'ëky jamtsow tsajpwinm,

1 Reyes 8:44

Ko ënäty ja naax kajpn nyijkx tsiptuunpë mëët ja myëtsip ma ja në'ë tu'ujën mëti'ipë të xytyukni''ixën ets jam tmëpëjktsowtëty ja Wintsën, nyajts'ixëtëty ma ja mtsajptëjkën mëti'ipë tyam të yajkojyën,

Efesios 3:14

Yë'ëkyëjxmës nwinkoxtänë ja Tios,

Hechos 10:9

Komjëpom, kujkyxyëëwëjaanpën, tam ënäty ja käjpxynyajxpë tyu'uye'eytyë winkon ma ja Jope kajpnën, ënät ja Pedro pyejty jap tëjkëjxy Tios ëwtajtpë.

Daniel 6:13

Ënät y'ënaan'ëtë'ëtstë: Yë Daniel, yë jutië ja'ay, mëti'ipë tsumy matsy yaa miinën, ninu'un yë wintsë'kën tkatimmyëët'aty ma yajkutujkpën ets ma ja ënä'ämënën mëti'ipë yë yajkutujkpë të tsa'ayën, jä'ä ko ëëtsëty tëëjës kë'ëm ntimy ixtë ko yë'ë tëkëëk ok nyu'kxtä'äky tu'kxëëwpë.

Hebreos 4:16

Tsojk nmëwinko'onëm ja Tios ja kyutujktakn akujk jotkujk, ets xypya'ëye'emyëty mëët ja y'oywyinma'any ets xypyutëjkëmëty ma ënäty tii nyajmëyajtëmën.

1 Reyes 8:38

Oy tyimtii'ëyo'onëty, pën ja ja'ay ëmuumtu'ukjot jyootwinpity ets tnajtsxajëty ja kyë'ë yaa ma ja mtëjkën,

Apocalipsis 2:10

Këtii mtsë'ëkëty ko m'ëyowa'any, jä'ä ko ja mëjku'u tëë tuknipëjktaakë ko tsuma'an tmatsa'any ja mmëku'uktëjk ets t'ixa'any pën mëk mëpëktë; ets majk xëëw jëtu'un m'ëyowa'antë. Mëk m'itëty oy mtimy'ooktëty, ëjts mijts nmo'ojäämpy ja juukyajtën tä tu'uk ja kuma'ayënën.

Colosenses 3:17

Ets tu'kë'ëyë mëti'ipë mtuuntëp mkajpxtëpën, tuntë Wintsën Jesús xyëëwkyëjxm, mo'otë ja Tios ja kukajpxën Jesukristë mëët.

Filipenses 1:20

Njëjp'ijxypës ëmuumtu'ukjot ko ka'apës ntsëtyu'unpaata'any, ni'ikyës xymyo'oja'any ja Tios ja mëk'ajtën wi'ix yajmëjjaw yajjaantyjäwëtyën ja Kristë, oyës n'ookëty ëkë njuuky'atëtyës.

Hechos 20:36

Ko jëtu'un kyajpxtaay, tää ja Pablo nyäkyoxtënaaytyakë ets ojts tkënu'kxta'ay ja mëpëjkpëtëjk.

Nehemías 6:11

E ëjts tyaajës n'ëtsooy: Ja'ay jëtu'unpë tä ëjtsën ka'ap tii tkuke'eky, wi'ix ko jap tsajptëkoty kyukääkëty pën tëë tnijawë ko ja'ay yaj'ooka'anyë. Ëjts, tyamës yajxon nyikäjpxy ko jap tsajptëkoty ka'apës jap ntëkëja'any.

2 Crónicas 6:38

ets y'ëna'antëty ko jatëkok tyaj'oyëja'antë ja jyot wyinma'anyëty winë aaw winëjot, ma ënäty jam jëtu'un yajpaatën wiink naax wiink kajpn ets mëkajpxëtëty, myintëty yaatsow ma ja mjëën mtëjkën, ma ja naax kajpnën mëti'ipë mmooyën ja tyeety y'apëty, mëti'ipë mijts mwin'ijxën;

Apocalipsis 2:13

Nija'apës ko jam mtsëënë ma ja mëjku'u kyutujktaknën; je'eyëp ko wa'ats jam mnäyaj'ityë koos ëjts xymyëpëky. Ka'ap ja mmëpëjkën të xyajjëwä'äky ma ëjtsën, ni jää ma ja Antipas y'o'kyën, mëti'ipës oy xymyëtuunën, ma tääpë kajpnën ma mëjku'u tsyëënën.

Filipenses 1:14

Ets ko të t'ixtë ko jap tsumy n'ityës, may ja nmëku'uk'ajtëmë të jyotmëkta'aktë ets të nimëtya'aktëty ja oy aaw oy ayuk amëk jotmëk ets yi'iyë tu'ukyë tyuk'ijxpäjtëp ja Wintsën.

Hechos 21:5

Ko wëxtujk xëëw nyäjxy, ni'ëmukës ojts ntsoontë. Ni'ëmukë ja mëpëjkpëtëjk mëët ja y'u'unk tyo'oxytyëjkëty ojts xypyatso'otës ets xynyaswo'owëtyës jam kajpnpë'am. Jam mejy ëkë'ëm ja Tios ojts nja'amyätstës.

Hechos 20:24

Ka'apës yë'ë nmëjpëjktä'äky; yë njuukyajtënës ka'ap tii tsowëty, yi'iyës ntukjotkujk'ajtyp ko ja ntuunkës nyajwintu'upëka'any mëti'ipës yë Wintsën Jesús të xytyuknipëkyën ets nkajpxwa'kxëtyës ja aaw ayuk oypyë ets ntuknijawëtës wi'ix ja Tios ja ja'ay ttsoky tjawën.

Hechos 7:60

Ko jëtu'un y'ënaantaay, tää kyoxtënaay ets mëk y'ënäny: Wintsën, këtii xytyukpoky'atëty ya'atë tuuntëko'oyën koos xyaj'ooktë. Ko jëtu'un y'ënaantaay, tääts y'o'ky.

Hechos 5:20

Nëjkxtë jam ma mëjtsajptëjkën ets xytyuk'ëwaanëtëty ja ja'ay ya'atë aaw ayuk mëti'ipë yajjuuky'ajtpën.

Hechos 4:29

E tyam, Wintsën, ix wi'ix kyajpx'ëtsë'ëkëtën ets yajkutuk ets ja mtuunp amëk jotmëk tnimëtya'aktëty ja m'aaw m'ayuk.

Hechos 3:1

Tëkok ja Pedro ojts nyijkxy mëët ja Juan ma ja mëjtsajptëjkën, jënäkyxyëëw ënäty, jää ma ja ja'ay ijty nyiye'eypyätën Tios mëkajpxpë.

Hechos 2:15

Ëëtsëty, ka'apës nmu'ukëtë ijxtëm miits mmaytyë mtajtën. Je'eyë tyam xëëw nyapëtsëmnyëm.

Lucas 22:41

Tääts ja Jesús ojts nyijkx ëpëky, tu'kjamën ko tu'uk yë tsaa naska'tsëmëty. Jamts ojts nyäkyoxtënaaytyä'äkyë ets ja Tios tja'amyejtsy:

Lucas 14:26

Pën jää ja'ay mëti'ipë ja ënaanpën koos xypyamina'any ets yë'ë ni'ik tsyojkyp ja tyaak tyeety, y'u'unk tyo'oxytyëjk, myëkä'äx, myëku'uktëjk, ëkë kyë'ëm juukyajtën ets këtiinëm ëjts; jëtu'unpë ja'ay ka'ap tjëkyepy n'ijxpëjkpë'atëtyës.

Salmos 86:3

Wintsën, mëët'at pa'ëyo'ow najts'ëyo'owën mëët ëjts; mijts nmëpëjktsoopy janaam jatsojk.

Esdras 9:5

Ënät ojts wäänë ja monyëtukyë xynyiwa'atyës ets tamës jëtu'un ja nwit nixox'aty koos ntëjkëy kajpxtakpë ma Wintsën Tiosën,

2 Crónicas 6:13

Jam kyëxwä'ky ma ënäty të yajni''ixën këjxm, tsuxkpujxn mëët yaj'oytyuuny, tu'kxajpk ja tu'kkë'ënux y'ayenyëty, tu'kxajpk ja tu'kkë'ënux myëjwiinëty ets tëkëëk kë'ënux kyëjxmëty, mëti'ipë ënäty tëkot'itkujky të yajkojyën. Jamts nyäkyoxtënaaytyakë, tam ënäty ja mayjyä'äy yajpaaty tu'kmukyë ets txajë'ky ja kyë'ë mäjtskëty, tsajpkëjxm tyujkxajy,

1 Reyes 8:30

Mkupëkëp ets mëtowëp ya'atë ayuk mëti'ipë ya'atë mtuunpë yajnajxypyën ets ja naax kajpn ja jyä'ä ma ya'atë tsajptëjkën. Mëtoow'itëp ja jëëytyak nu'kxtakën jam tsajpjotm ma m'ityën mtsëënën ets mooykyës pokymyä'kxën.

Daniel 9:4

Ets ja Wintsën të nmëkäjpxyës, jëtu'unës të nmëmaaywyätsy: Wintsën, Tios mëti'ipë maaytyääyëpën winë, mëti'ipë pyatuumpyën mëti'ipë të nikäjpxyën ets myajk ja ijxpät ko mijts mtsoky mjawë ma ja'ayëtyën mëti'ipë pyatuuntëpën ja m'ënä'ämën mtëyajtën:

Marcos 3:3

Tääts ja Jesús t'ënëmaay ja ja'ay mëti'ipë kyë'ëjën ooky: Pëtë'ëk, tänë jää itkujky.