Daniel 5:28 - Biblia Mixe de Quetzaltepec

²⁸ PARSÍN: Yë yajkutujkpë kyutujkën tëë mäjtskpëky nyäwyä'kxyë, tu'kpëky yë'ë jyä'ä'atantëp yë Medos ja'ayëty ets Persas ja'ayës.

Biblia Dc en Mixe de Quetzaltepec

²⁸ PARSÍN: Yë yajkutujkpë kyutujkën tëë mäjtskpëky nyäwyä'kxyë, tu'kpëky yë'ë jyä'ä'atantëp yë Medos ja'ayëty ets Persas ja'ayës.

Daniel 5:28 ပူးပေါင်းရင်းမြစ်များ

Daniel 6:28

Ets Daniel je'eyëm ojts y'ity wintsën ma ja Darío ja kyutujktaknën ets ma ja Ciro näjyëtu'un yajkutujkyën, mëti'ipë Persëja'ayën.

Isaías 13:17

Ntsipwinkajpxëjäämpyës yam yë Medë ja'ayëty, mëti'ipë ka'ap nëkooyë tmëmay tmëtajtën yë wit meeny, mëti'ipë ka'ap ja poop pujxn pu'ts pujxn tpajëtitën.

Daniel 5:31

ets Darío, Media ja'ayën yë'ë ojts tyëkë yajkutujkpë. Jä'ä ënäty yë Darío jyëmëjt tëkë'px mäjtsk.

Isaías 21:2

Mëk oy yajmëtoy mëti'ipës ja Wintsën të xytyuk'ëwaanën: Mëti'ipë ja myëku'uk kyë'ëyäjkpyën, tëë ja jëtu'un tuny; mëti'ipë yajkutëkoopyën winë, të ja jëtu'un tuny. Pëtë'ëk mijts Elám ets mijts Medë ja'ayëty, nëjkx mtsiptuntë. Ëjts ka'apës n'ëkupëkanë ets pën je'eyë nyikajpx nyimëtya'akëty.

Daniel 9:1

Yë Daniel, Asuero myaank, medo ja'ay, mëti'ipë ënäty jam yajkutujkpën ma Caldeo ja'ayëtyën.

Daniel 8:20

Yë tsajppax mëti'ipë të yaj'ijxpën ko mäjtsk yë wyaj yë'ë y'antijpy yë yajkutujkpëtëjk mëti'ipë Media ja'ayën ets Persë ja'ayën.

Hechos 2:9

Tääts yë ja'ay mëti'ipë tso'ontëpën Partia, Media, Elám, Mesopotamia, Judea, Capadocia, Ponto, Asia,

Daniel 6:8

Paaty yam mijts yajkutujkpë myajpëjktsoy ets xytsya'ajëty ya'atë noky; ya'atë ënä'ämën ka'ap mëpaat pën tyajtëkatsy jëtu'un tä yë tëyajtën y'ënä'änyën mëti'ipë Medos ja'ay ets persë ja'ay yajtuuntëpën ets ka'ap tjëkyepy pën tyajtëkoyëty.

2 Crónicas 36:23

Ciro, Persië yajkutujkpë, jëtu'un tnikäjpxy: Yë Wintsën mëti'ipë jam ijtpën tsajpjotm, tëëjës ja naax kajpn xymyooytyä'äy, yaa naaxwiiny etsës të xytyuknipëky nkojëty tu'uk ja tsajptëjk jam Jerusalén, ma Judá y'itjotmën. E paaty miitsëty n'ënëëmëtë pën tyuk'ijtëp jëtu'unpë ja naax kajpn, mëti'ipë ja Wintsën kyajpn'ajtypyën, Wintsën mputëkëtëp ets nëjkxtë jam.

Isaías 47:11

Je'eyëp ko minaanp ja ëyo'on jotmay ma mijtsën, oy jënu'un tii xyjyatunëty ma mpatoy mpano'okyën, ka'ap tii xytyunëty. Ja ëyo'on jotmay mëti'ipë mtukëtakëpën, ka'ap tjëkyepy xykyukä'äkëty; ka'ap ënäty tii xy'aawëty xyjyotëty ko ja amay jotmay mtukja'tëtëty.

Jeremias 25:13

Nyajkëta'akäämpyës yë ëyo'on jotmay ma ya'atë naax kajpnën, tëkokyë ja ëyo'on jotmay mëti'ipë miinpën kuja'ay; tu'kë'ëyë mëti'ipë yë Jeremías të tnikäjpxyën mëët yë nxëëwkyëjxmës wi'ix jyata'anyën ja naax kajpn.

Jeremias 51:28

Nipëjktaakëtë yajxon yë naax kajpn ets tsyiptuntëty; nipëjktaakëtë yë yajkutujkpë jam Media, yë kutuunktëjkëty ets wintsëntëjkëty wä'än tnitëkëtë yë naax kajpn maajaty yë Babilonyë kajpn tnitänën.

Daniel 2:32

Ja kyëpajk aakyë'ë pu'ts pujxn; ja kyäty aakyë'ë poop pujxn; ja myox ets ja jyëxk aakyë'ë tsuxkpujxn;

Daniel 2:39

Ok wiinkpë yajkutujkpë pyëtsëma'any mëti'ipë naxy nëjkx nyäxy ma mijtsën ets nëjkxëp wiinkpë yajkutujkpë jyää'aty, mëti'ipë të xy'ixyën tä tsuxkpujxnën, mëti'ipë nëjkx näjyëtu'un y'ëne'emyën naaxwiinyëtë apëtsëmy.