Daniel 5:2 - Biblia Mixe de Quetzaltepec

^2-3 E ja yajkutujkpë tëë yajxon kom y'uuky, ënät ni'ënä'ämëy ets tyajmiinta'atëty ja a'ukën mëti'ipë pu'ts pujxn mëët y'oytyunyëtyën ets tyajmintëty texy mëti'ipë näjyëtu'un aak pu'ts pujxn mëët y'oytyunyëtyën, aakjä'ä mëti'ipë tyeety Nabucodonosor ënäty jam të tmëtsoonyën Jerusalén ma ja tsajptëjkën. Tääts tu'ktä'ämëtyääytyë ja tsim texy aak pu'ts pujxn mëëtpë ets yë'ë tuk'ukëtyë ets tuktojkxëtyë ja yajkutujkpë ets tëkokyë ja wintsëntëjkëty yä'äypyë to'oxypyë mëti'ipë ënäty të yajwoowmuktën.

Biblia Dc en Mixe de Quetzaltepec

^2-3 E ja yajkutujkpë tëë yajxon kom y'uuky, ënät ni'ënä'ämëy ets tyajmiinta'atëty ja a'ukën mëti'ipë pu'ts pujxn mëët y'oytyunyëtyën ets tyajmintëty texy mëti'ipë näjyëtu'un aak pu'ts pujxn mëët y'oytyunyëtyën, aakjä'ä mëti'ipë tyeety Nabucodonosor ënety jam të tmëtsoonyën Jerusalén ma ja tsajptëjkën. Tääts tu'ktä'ämëtyääytyë ja tsim texy aak pu'ts pujxn mëëtpë ets yë'ë tuk'ukëtyë ets tuktojkxëtyë ja yajkutujkpë ets tëkokyë ja wintsëntëjkëty yä'äypyë to'oxypyë mëti'ipë ënety të yajwoowmuktën.

Daniel 5:2 ပူးပေါင်းရင်းမြစ်များ

2 Samuel 9:7

Tä ja David y'ënäny: Këtii mtsë'ëkëty, ëjts janty'oy nmëku'ukjawë, mëëtkyëjxm ja mteety Jonatán. Ëjts tyamës mijts nmooytya'aja'any ja m'apteety Saúl ja nyaax kyamtëjk ets jam xëmë mkayëty m'uukëty maas yë nkaaypyäjnën.

2 Reyes 24:13

Ok ja Nabucodonosor tju'taay tëkokyë ja pu'ts pujxn, poop pujxn ets ja wit meeny mëti'ipë jap tsajptëkoty yajpatpën ets ma ja akujktëjkën ets jëtu'un tä ënäty ja Wintsën të t'akäjpxyën. Ojts tjanty tyukë'tsëtyä'äy tëkokyë winë pu'ts pujxnmëëtpë, mëti'ipë ënäty ja Salomón të tyaj'oyën, mëti'ipë jam yajkutujkën Jerusalén ets tuknikojëy ja Wintsën.

2 Reyes 25:15

Näyjyëtu'un ja ja'ay mëti'ipë ja tsiptuunpëtëjk tyu'uwinwoopyën; ojts tyajnëjkxta'ay winë mëti'ipëjaty ja pu'ts pujxn ets ja poop pujxn myëët'ajtypyën: Tä ja jëëntsijtkën ets ja mëj'a'ukënëty.

2 Crónicas 11:20

Ojts näjyëtu'un pyiky mëët ja Maacá, Absalón yë nyëëx; ja y'u'unk y'ëna'këty jä'ä xyëëwajtë: Abiam, Atai, Zizá ets Selomit.

2 Crónicas 15:16

Ëpëky ja Asá ojts tpëjkë ja Maacá kyutujktakn ma ënäty yajpaatyën jëtu'un tä tu'uk nanwelën ma kutujktaknën, mëët yë'ë ko ojts yë Maacá tni'ënä'ämëpë ets yajkojëty yë Aserá y'awinax. Asá tyuka'tsëtyääy ya'atë awinax, xit ko'ow tuuntaay ets jam tyajnitooy wokjotm ma txëëwatyën Cedrón.

2 Crónicas 36:10

Ma xyëkopk'atyën jä'ä jëmëjt ojts yë yajkutujkpë Nabucodonosor yajnikutukëty ets tyajnëjkxtëty jam Babilonyë mëët tëkokyë mëti'ipë tsowëtyën, japë y'ityën ma Wintsën ja tsyajptëjkën ets tpëjktäky yë'ë Sedequia ets yajkutukëty jam Judá ets Jerusalén, nän yë'ë Joaquín myëku'uk.

2 Crónicas 36:18

Tëkokyë ja apëjk atu'unën mëjpë mutskpë mëti'ipë jap tsajptëkotyën, ma ja Wintsën tyëjkën, mëti'ipë jamën ma ja yajkutujkpë tyëjkën ets ma ja wintsëntëjk ja tyëjkëtyën, wa'ats tyajnëjkxtaay winë jam Babilonyë.

Esdras 5:14

Tëës näjyëtu'un nyajtukmëmëtya'aktës ko ja yajkutujkpë Ciro ojts jatëkok jap tjuuty ma ja Babilonyë ja tsyajptëjkën ja pu'ts pujxn ets poop pujxn mëti'ipë ënäty ja Nabucodonosor të tyajpëtsëmyën ma ja tsyajptëjkëtyën ja Israel ja'ayëty jam Jerusalén ets tukë'ëtëjkëy yë Sesbasar mëti'ipë ënäty yajkutujkpën.

Jeremias 27:7

Tu'kë'ëyë yë naax kajpn aakjam yajpata'aja'antë ma yë'ëjën ets ma y'u'unk y'ëna'kën ets ma y'ok'u'unk y'ok'ëna'kën; koonëm wiinkëtypë naax kajpn wäänë mëkpë pyëtsëmëty mëti'ipë nëjkx tyukja'tyën ets pyëjkëtëty ja kyutujkën.

Jeremias 50:35

Jëtu'un yë Wintsën y'ënä'äny: Wä'än t'ooktë yë Babilonyë ja'ayëty, yë kyopktëjkëty ets wyijyä'äytyëjkëty.

Jeremias 52:19

Näyjyëtu'un ja tsiptuunpë wintsën, ojts tmënëjkxta'ay ja apëjk atu'unën mëti'ipë pu'ts pujxn ets poop pujxn mëët y'oytyunyëtyën, tä ja mëj texyën, ma ja jëënpajk yaj'apëkën, ja mëj a'ukën; ja tu'ts ma ja kuyjaam nyipetyën, ja jëëntooytyakn, ja mëj jä'pn ets ja a'ukën mëti'ipë tuunpën ko yajyäky ja tsatym nyëë mëti'ipë tëë nyimaanaxyën.

Daniel 1:2

Wintsën ojts kë'ëm tyajkutuky ets Nabucodonosor tmatsëty yë Joaquim ets yë'ë ojts näjyëtu'un tyajkutuky ets Nabucodonosor tyajpëtsëëmta'ajëty jap tsajptëkoty ja apëjk atu'unën mëti'ipë ja Tios jyä'ä'ajtypyën ets jap tpëjktaktaay ja Tios ja y'apëjk y'atu'unën ma ja kyë'ëm tsajptëjkën ma jap y'ityën kanaak ja tios mëti'ipë y'ëwtajtypyën;

Daniel 5:11

ma kutujkëntaknën tam tu'uk yë ja'ay yajpaaty mëti'ipë tu'uwinye'eyëpën yë Wintsën yë myëj'ajtën y'oyajtën. Ko ijty yë'ë ja mteety kyutujkpë'aty tääpë ja'ay ojts tyaj'ixyë wi'ix wyijyëtyën ets wi'ix y'ijxpëkyëtyën, jëtu'un yaj'ijxy tiosën. Paaty yë Nabucodonosor yajkutujkpë ojts yë'ë tpëjktä'äky ets tniwintsën'atëty yë wijyjyä'äytyëjk, najtsja'apëtëjk, ijxpëkytyëjk ets xëëwmyääpyëtëjk mëti'ipë yajpatëpën ma Babilonyë naaxwiinyëtë tnitänën,

Daniel 5:13

Ënät ja Daniel ojts yajwoownëjkxy ma ja yajkutujkpën ets yajtëëwë: ¿Mijtsën mxëëwajtypë Daniel, mëti'ipë tsumy matsy yë nteetyës Nabucodonosor yajtso'onëm jam Judäjë?

Daniel 5:18

Yë Tios Ni'ik yë'ë yajk yë kutujkëntakn ets mëj'ajtën, mëj'ajt oyajtën ets näyajmëjnaxë ma mteetyën Nabucodonosor.

Daniel 5:23

Mijts, je'eyë xynyëxi'iky xytyukxi'iky yë Wintsën tsajpjotmëpë yajpaatyën, tëë xynyikäxë ja tsim texy mëti'ipë aak pu'ts pujxn mëët y'oytyunyëtyën jampë ijty yajpaatyën ma tsajptëjkën ets jap yë m'uuky të xy'atämëtë ets të xy'ëwtatë ja wiinkëtypë ja tios mëti'ipë oytyunyën mëët yë pu'ts pujxn, poop pujxn, tsuxkpujxn, juunpujxn ets kepy tsaa; tios ka'apë myëtowtën ets ka'apë tii tnijawëtën. E ka'ap ja Tios të xywyinkutsë'ëkë mijts yajkutujkpë mëti'ipë myajjuuky'ajtëpën ets mëti'ipë mtuktuunëpën winë.

Daniel 5:30

Jä'ä tsu'um ja Belsasar yajkutujkpë tyaj'o'ktë, mëti'ipë ënäty jam yajkutujkpën ma Caldeo ja'ayëtyën,

Daniel 5:4

Aak uktaaytyë ja ja'ayëty ets këëkjä'ä tjanty y'ëwtatë ja y'awinaxëty, mëti'ipë oytyunyëtën mëët ja pu'ts pujxn, poop pujxn, tsuxkpujxn, juunpujxn, mëët yë tsaa ets kepy.

Números 7:79

ets näjyëtu'un ojts y'ayajk y'ako'onën tyäky, tä ja mëjëyëjpë ja jyä'äjëty tyajktën.