Daniel 5:18 - Biblia Mixe de Quetzaltepec

¹⁸ Yë Tios Ni'ik yë'ë yajk yë kutujkëntakn ets mëj'ajtën, mëj'ajt oyajtën ets näyajmëjnaxë ma mteetyën Nabucodonosor.

Biblia Dc en Mixe de Quetzaltepec

¹⁸ Yë Dios Ni'ik yë'ë yajk yë kutujkëntakn ets mëj'ajtën, mëj'ajt oyajtën ets näyajmëjnaxë ma mteetyën Nabucodonosor.

Daniel 5:18 ပူးပေါင်းရင်းမြစ်များ

2 Reyes 25:28

oy tsyojkë y'oyjya'awëyë, këtiinëm jyëtu'unëty ja wiinkëtypë ja yajkutujkpëtëjk mëti'ipë ënäty jam mëët Babilonyë yajpaatyën.

Salmos 47:2

Jä'ä ko yë Wintsën, Ni'ik Këjxmëpë, atsë'ëk ajawë yë'ë, yajkutujkpë y'ity naaxwiinyëtë apëtsëmy.

Salmos 7:17

Nmëjpëjkta'akäämpyës yë Wintsën jä'ä ko oy winë tnipaye'ey; n'ëwäämpyës yë ëy mëti'ipë kyuuy'iipyën yë Wintsën yë xyëëw, yë xyëëw Ni'ik Këjxmëpë.

Salmos 9:2

Mijts Ni'ik Këjxmëpë, nëkooyë ntukxoontaknë, n'ëwäämpyës yë ëy mëti'ipë kyuuy'iipyën yë mxëëw.

Salmos 92:8

E mijts Wintsën, xëmë këjxm m'ita'any.

Jeremias 25:9

yë'ëjës nmëkajpxäämpy yë naax kajpn mëti'ipë anëkëjxmtsow yajpatëpën, yë ntuunpës Nabucodonosor mëti'ipë Babilonyë yajkutujkpën tääts yaa myintëty ets tnitëkëtëty ya'atë kajpn ets jënu'un mëët nyämyëwinkon'atyën. Xit ko'ow ntuunta'aja'anyës, wa'atsës nyajkutëkooytya'aja'any. Xit ko'owës xëmë nyaj'ita'any ets je'eyë ja'ay tsyë'ëkëtëty ko t'ixtëty.

Jeremias 27:5

Mëët yë mëj'ajtën kutujkën ojts nyajkojyës yë naaxwiinyëtë; yë ja'ayëty ets jëyujkëty mëti'ipë jam yajpatëpën, njëkyejpyës pën nmo'ojëty mëti'ipës ënäty nmo'ojäämpyën.

Jeremias 27:7

Tu'kë'ëyë yë naax kajpn aakjam yajpata'aja'antë ma yë'ëjën ets ma y'u'unk y'ëna'kën ets ma y'ok'u'unk y'ok'ëna'kën; koonëm wiinkëtypë naax kajpn wäänë mëkpë pyëtsëmëty mëti'ipë nëjkx tyukja'tyën ets pyëjkëtëty ja kyutujkën.

Lamentaciones 3:35

ko kyayajmëj'ixy ja tëyajtën ma ja Ni'ik Këjxmëpë, mëti'ipë tu'uktu'uk ja ja'ay patëpën,

Lamentaciones 3:38

Ko winë oy wyimpëtsëmy ets ko winë ëxëëk wyimpëtsëmy, yë Wintsënën jëtu'un yajkutujkpy.

Ezequiel 31:11

Paaty të ntimy nyajts'ixës, oy ënät nyiminëtëty yë myëtsip, mëti'ipë wiink kë'ëy wiink kajpn tso'onpën ets ëxëëk tyunëtëty jëtu'un tä nyitëkëtyën ko të tyuuntëkoy.

Daniel 4:17

Ya'atë tëytyu'unën të yajnikäjpxy, mëti'ipë yë anklëstëjk këwent'ajtpë të t'awitstën ets tëkokyë naaxwiinyëtë ja'ay nijawëtëty ko yë Tios Ni'ik Këjxmëpë myëët yë mëk'ajtën ma naaxwiinyëtë ja'ay kyutujktaknëtyën, myoopy yë kutujkën yë ja'ay mëti'ipë tyuk'më'a'ijxëpën ets yajwintsën'ajtyp ja ja'ay yu'unkpë naxymyëpë ma ja naax kajpnën.

Daniel 4:19

Ënät ja Daniel, tmëmay tmëtajy jeky, natsë'k naja'awëp wäänjaty jä'ä ko kanaak ja wyinma'any jap nyäxy tyëkë kyëpajkjoty. E ëjts yajkutujkpë ënätës t'ënëmaay ja Daniel, këtii nëkooyë xymyëmay xymyëtajy yë nkuma'ayës ets këtii xymyëmay xymyëtajy wi'ix nyiwija'anyën. Ets ja Beltsasar y'ëtsooy: Mon tuk ja yajpaaty ja yajkutujkpë ja myëtsip ma kyëta'aka'anyën ya'atë ëyo'on mëti'ipë yë yajkutujkpë të twinkuma'ayën.

Daniel 4:2

Ntsojkpyës ets miitsëty xynyijawëtëty wi'ix yë Tios Ni'ik Këjxmëpë tii winë tunyën ets wi'ix winë mëj këjää të tunyën ma ëjtsën.

Daniel 4:32

Myajjuutaanp yam ma mayjyä'äyën ets nëjkx mjuuky'äty mëët yë aayjëyujk ujtsjëyujk; wëxtujk jëmëjt m'ujts jë'kxëty tä tsajpkaa y'ujts okyën, koonëm xynyijawëty ko yë Tios Ni'ik mëk yë'ë ets yë'ë y'ënä'ämtääpy yë naax kajpn naaxwiinyëtë apëtsëmy ets yë'ë pyëjktäkpy kë'ëm pën yajkutukëpën.

Daniel 4:34

Ko ojts ja kyäjpxy ja xëëw jëmëjt jënu'un ënäty të yaj'awitsyën ja tëytyu'unën, ëjts Nabucodonosor ojts mpa'at'ixy tsajpkëjxm etsës näjya'awëypyätë ko tëëtëmës ntso'oky; ënät ojts ja Tios Ni'ik mëti'ipë xëmë juukyajtpën, ojts nmëjjaw njaanty jawës ets nkukajpxës mëët ya'atë aaw ayuk: Yë myëj'ajtën xëmë y'itëty; yë kyutujkën xëmë yajpaatëty najts'ook najtskä'äxë.

Daniel 5:21

Yajjëëwijt jam ma ja ja'ayëtyën ets jëtu'un y'awinpijty aayjëyujk ujtsjëyujkën; ojts mëët tsyënaaymyuky yë krukts ets tsajpkaa ets aayjëyujk ujtsjëyujk ëwa'anëtypë, ojts ja jyot nyini'kx nyimaaniky, koonëm t'ijxpaty yë Tios Ni'ik këjxmëpë, mëti'ipë myëët'ajtypyën yë kutujkën ets mëk'ajtën ma naaxwiinyëtë ja'ayëtyën ets ko yë'ë myoopy ja kutujkën ja ja'ay mëti'ipë yë'ë y'a'ijxëpën.

Daniel 6:22

Yë nTiosës yë'ëjës të xytyuknikexy yë tsajpjotmëtë kukäjpxy, mëti'ipë të t'amë'pxta'ayën yë kaa këtiipës xytsyu'utstëty, jä'ä ko yë Tios nyija'ap koos ka'apës tii ntuuntëkoy ets ka'apës ma yajkutujkpë nmëtuuntëkoy.

Hechos 26:13

Kujkyxyëëwës ojts n'ijxpaaty tu'uk ja ajajk atë'kxk jam tsajpjotm tsyoony, wäänë mëk jyäjy këtiinëm ja xëëw ets na'ëwtity nyäpyëjktakëtë ma ëjtsën ets ma mëti'ipë ënäty ëjts jam mëëtëtyën.

Hechos 26:19

Mijts, yajkutujkpë Agripa, koos ja Jesús ojts jëtu'un xymyëkäjpxy tsajpjotm, ojtsës jëtu'un npatuny.

Hechos 7:48

Oy jyajëtu'unëty, Tios ka'ap jap tsyënaay ma ja tëjkën mëti'ipë ja'ay y'oytyuunpyën, ijxtëm ja käjpxynyajxpë y'ënä'änyën:

Deuteronomio 32:8

Tëëyëp, yë Tios Ni'ik Këjxmëpë, ojts tyajwä'kxy yë naaxwiinyëtë, ets näjyëtu'un yë naax kajpn, ko ojts tyajnämyä'kxyë, ënät ojts tpëjktä'äky ja nyitsëpa'an. E ja Israel ja'ayëty ka'ap ojts tja'atyëkoy, ni'ikyë tsojky tja'awëy.