Daniel 4:30 - Biblia Mixe de Quetzaltepec

³⁰ ko y'ënäny: Ixtë, nëkooyë yë Babilonyë kajpn myëj'ajnë. Ëjts të nkojy mëëtës yë nkutujkën ets mëëtës yë n'ënä'ämën ets yaj'ixëty wi'ix nmëj'äämpyëtyës.

Biblia Dc en Mixe de Quetzaltepec

³⁰ ko y'ënäny: Ixtë, nëkooyë yë Babilonyë kajpn myëj'ajnë. Ëjts të nkojy mëëtës yë nkutujkën ets mëëtës yë n'ënä'ämën ets yaj'ixëty wi'ix nmëj'äämpyëtyës.

Daniel 4:30 ပူးပေါင်းရင်းမြစ်များ

Proverbios 16:18

Ko yë ja'ay nyämyëjaw nyäjyääntyjyawëty, jää jëtu'un tyu'utëkoy; ko yë ja'ay mëj këjxm jyä'äy'äty, jää kyujënäky.

Apocalipsis 18:10

Tsë'ëkë jawë nëjkx tjaak'a'ijxtuktë jëkäm, yë'ë tsyë'këtëp ko nëjkx näjyëtu'un jyatë ets y'ëna'ana'antë: Mëj Babilonyë kajpn ix m'ëkjaty m'ëkkëpety, mëj Babilonyë kajpn ix m'ëkjaty m'ëkkëpety, mëk ja mëk'ajtën ijty xymyëëtëty ets ajotkumonë të mtukja'tyë ja ëyo'on.

Apocalipsis 17:5

Jam wyinpokëjxm, jam kyëxja'ayëty ja aaw ayuk ka'apë oy yajja'akyukën. Jëtu'un jam kyëxja'ayëty: Mëj Babilonyë, mëti'ipë nyikopk'ajtypyën ja ku'into'oxy, ja pokytyuunk ets ja ëxëëk winma'any.

Lucas 14:11

Pën nämyëjpëjktakëp kë'ëm, yë Tios mutsk yajnaxa'anyë, pën yu'unk naxym näpyëjktakëp, mëj'äämpy yë Tios yajnaxa'anyë.

Ezequiel 29:3

Jëtu'un xy'ënëëmëty: Jëtu'un yë Wintsën y'ënä'äny: Ëjts mmëtsipës yam n'awinpity ma mijtsën yajkutujkpë, mëti'ipë jap Egiptë ënä'ämpën, jëtu'un mijts tä tu'uk mëjnëë jëyujkën, jap mkë'ëmnëëjoty mko'knë ets m'ëna'any: Nilë, mëjnëë, ëjts yë njä'ä, ëjts të nyajkojy.

Apocalipsis 16:19

Ënät ja mëj kajpn tëkëëkpëky nyäwya'kxë ets ja jëën tëjk kyëtaawtaay maajëty ja kajpnën naaxwiiny ets ja Tios tja'amyejtsy ja mëj kajpn Babilonyë ko tuk'uuka'any ja tsatsym nyëë, jä'ä jëtu'un tyijpy ko tmo'oja'any ja ëyo'on mëët ja tsip äkë.

1 Pedro 5:5

Näyjyëtu'un miits ëna'ktëjkëty, mëmëtowtëp ja mëjja'aytyëjk ja y'ënä'ämën tyiyajtënëty. Nixim niyam mëpaat yu'unk naxym mnämyëmëtowëtë. Jä'ä ko yë Tios ka'ap t'oyjyawë mëti'ipë nämyëjja'aw näjyääntyjya'awëyëpën, yë'ë pyutëjkëp mëti'ipë yu'unk naxym ja'ay'ajtëpën.

Salmos 73:8

Mëët yë nëxikën tukxikën, nämyëjja'aw näjyääntyjya'awën ets kanäwyinkutsë'ëkë, yë'ë mëët t'ëtsu'uxya'axtë yë myëku'ukëty ets tsip käjpxy je'eyë t'ixta'atë;

Salmos 49:20

Yë naaxwiinyëtë ja'ay ka'ap xëmëkyëjxm jyuuky'äty oy jënu'un jyakumeenyëty; näjyëtu'un y'ooka'any tä jëyujkën.

Apocalipsis 18:21

Ënät tu'uk ja tsajpjotmëtë kukäjpxy mëk'ajtënmëëtpë tkoonë'ky ja tsaa mëti'ipë jëtu'un këxë'kpën ijxtëm yë mëj tsaapaanën ets mejyjoty të t'aka'atsë ets të y'ënä'äny: Tim näjyëtu'un jyata'any ja mëj kajpn Babilonyë ets nijëna'a kyayaj'ixëty kyayajpaatëty.

1 Corintios 10:31

Jëtu'unës yam n'ëna'any, pën mkaaytyëp m'uktëp, ëkë pën tii mtuuntëp mkajpxtëp, jëtu'un winë tuntë ijxtëm ja Tios yajtukmëjjawëtyën.

Salmos 104:1

Nkënu'kxyjyawëjäämpyës yë Wintsën winë aaw winëjot. Mëj'äämpy m'ity, mijts Wintsën mëti'ipës n'ëwtajtypyën. Mëjwiin këjää yë mmëj'ajt m'oyajtën;

Ester 1:4

ets tyaj'ixa'anyë ja myëj'ajtën kyutujkën, wi'ix kyuwit kyumeenyëtyën ets wi'ix tmëët'atyën ja mëk'ajtën. Ja xëëw jä'ä jyejky tëtujk po'o.

Génesis 10:10

Ya'atë kyajpn'ajt yë Nimrod ma ojts y'ëne'emyën: Babel, Erec, Acad ets Calné, mëti'ipë jam yajpatpën Sinar nyaaxjoty.

Apocalipsis 14:8

Tääts ja mëmäjtskpë ja tsajpjotmëtë kukäjpxy pyamiinë mëti'ipë ënaanpën: Tëënëm, tëënëm ja mëj kajpn Babilonyë kyuka'anaxy, mëti'ipë tu'kë'ëyë ja naaxwiinyëtë ja'ay të twin'ëënyën ets të tuktuny ja ëxëëk tuunk.

Proverbios 29:23

Mëti'ipë ja'ay mëj këjxm näjya'awëyëpën, o'ktëy muum jyäty; e mëti'ipë yu'unk naxym näpyëjktakëp;, oyjya'awëyëp ja'ay.

Isaías 13:19

E ja Babilonyë ja'ayëty mëti'ipë kumeenyëtyën, ja naax kajpn ma yajpaatyën winë mëti'ipë oyëtyën ets tsowëtyën, ma ja Caldeo ja'ayëty tpaatën ja jyotkujk'ajtënëty, o'ktëy nëjkx jyatë kyëpätë jëtu'un tä ja Sodomë ja'ayëty ets Gomorra ja'ayëty jyajtën kyëpäjtën koos nyajkutëkooy ja kajpn.

Daniel 4:31

Tam ënäty kyajpx ëtë'ëtsynyëm ko jam tsajpjotm yajmëtooy käjpxy y'ënä'äny: Mëtow yajxon mijts Nabucodonosor yajkutujkpë. Yë mkutujktakn ka'ap mijts xy'ëkjä'ä'ajnë;

Habacuc 1:11

Mëk pojën nyaxtë ets ka'ap nimëti'ipë tios mëj t'ixtë, yi'iyë tyukjotkujk'ajtëp yë jyot myëjaawëty.

Proverbios 11:2

Ko ja'ay je'eyë nyämyëjaw nyäjyääntyjyawëty, ka'ap pën y'oyjyawëty; ja'ay mëti'ipë wijyën, yu'unk naxym jyä'äy'äty.

Lucas 14:9

ets ja kujëën kutëjk myinëty ets mnë'mxëtëty: Jëwääts jää wä'än ya'atë ja'ay yë'ë jää t'u'unyë. Tääts mijts tsëtyu'unmëët mpëtë'ëktëty ets jam muum jëxkë'ëm mjaaknaaxwäätsëty.