Daniel 3:3 - Biblia Mixe de Quetzaltepec

³ Ënät ja ja'ayëty myujktaaytyë mëti'ipë ënäty mëj'äämpy ijtëpën ma ja naax kajpnëtyën ma jam yajnixëëwtuna'anyën ja awinax.

Biblia Dc en Mixe de Quetzaltepec

³ Ënet ja ja'ayëty myujktaaytyë mëti'ipë ënety mëj'äämpy ijtëpën ma ja naax kajpnëtyën ma jam yajnixëëwtuna'anyën ja awinax.

Daniel 3:3 ပူးပေါင်းရင်းမြစ်များ

Apocalipsis 17:17

Tios të wyinma'anymo'ojëtë ets tuntëty mëti'ipë tsyojkpyën ko ënäty tu'ukyë ja winma'any tmëët'atë. Ënät ja kyutujkën tmo'otëty ja mëj jëyujk koonëm tpaatëty ijxtëm ja Tios të tuknipëjktaakën.

Apocalipsis 17:13

Tu'ukyë ja wyinma'any tyaj'itë ja nimajkpë ja yajkutujkpëtëjk ets myo'ojantëp ja mëk'ajtën ets ja kutujkën ja mëj jëyujk.

Romanos 3:11

Ka'ap pën jyä'äkyukë, ka'ap pën maa mëti'ipë y'ixtääpyën yë Tios.

Daniel 3:2

Ënät tnikäjxëtyääy ja yajkutujkpëtëjk, mëti'ipë ënä'ämtëpën maajaty ja naax kajpnën mëti'ipë ja Babilonyë nyitënääpyën, ojts tnikäxë näjyëtu'un yë tsiptuunpë wintsëntëjkëty, kajpxwijpëtëjkëty, mëti'ipë meenykyoonë'ktëpën, mëti'ipë nyipaye'eytyëpën yë jotmay, mëti'ipë kutuunk'ajtëpën ets myiinta'atëty ma jam ja awinax yajnixëëwtuna'anyën mëti'ipë ja Nabucodonosor të t'oytyunyën.

Daniel 3:4

Ënät ja ja'ay tukkajpxëy mëti'ipë ënäty të yajtuknipëkyën ets t'ënëmaay ja mayjyä'äy: Mëtoow'itë ya'atë aaw ayuk miitsëty naax kajpnëty, ninu'un të mja'tën ets ninu'un wiinkëtypë aaw ayuk xykyajpxtën.

Daniel 3:27

ënät wyinkoontaaytyë ja yajkutujkpëtëjk ets ja kutuunktëjkëty jä'ä y'ijxtëp ja tääpë ja nitëkëëkpë ja ëna'këty mëti'ipë ka'ap wi'ix të jyatën ets ka'ap ja jëën wi'ix të tyunëtë ets t'ixtë ko nitu'uk ënäty kyakiipyxyuuktë ets niwi'ix ja wyit tyujkxy të kyajatë ets ka'ap maa të jyëëntukmëjojtë.