Daniel 3:25 - Biblia Mixe de Quetzaltepec

²⁵ Nimajktaxkës jap n'ixtë ets tëë yajkë'ëkaj yajteky kyäjtë, najxtëp tëjkëtyëp jap jëënjoty ets ka'ap yaj'ixtë wi'ix jyatë, ja mëmajktaxkpë ja ja'ay jëtu'un yaj'ixy tä tu'uk Tios kukäjpxy.

Biblia Dc en Mixe de Quetzaltepec

²⁵ Nimajktaxkës jap n'ixtë ets tëë yajkë'ëkaj yajteky kyäjtë, najxtëp tëjkëtyëp jap jëënjoty ets ka'ap yaj'ixtë wi'ix jyatë, ja mëmajktaxkpë ja ja'ay jëtu'un yaj'ixy tä tu'uk Dios kukäjpxy.

Daniel 3:25 ပူးပေါင်းရင်းမြစ်များ

Isaías 43:2

Pën nëë muum mtuknaxäämpy, ëjts tam'ataanpës mëët mijts; pën mëjnëë mninaxäämpy, ka'ap mnëëji'kxa'any; pën jëën mtuknaxäämpy, ka'ap mtsa'aja'anyë; oy jënu'un ja jëën jyayäänëty, mijts ka'ap nitii mjata'anyë.

Hechos 28:5

Tääts ja Pablo ja kyë'ë twinxijty ets ojts tjëënkuwëjy ja tsa'any, niwi'ix ja Pablo kyajajty.

Marcos 16:18

myatstëp ja tsa'any ets ka'ap tsyu'utsëtëty; ko ajotkumonë t'uuktëty ja ëxëëk nëë, ka'ap wi'ix jyatëty; näjyëtu'un ko ja pa'amja'ay tkë'ënixajtëty, yajtso'oktëp.

Job 1:6

Tu'kxëëw tu'kjëmëjt ojts nyäwya'këxë'ëkëtë yë tsajpjotmëtë kukäjpxy, ojts näjyëtu'un myiny yë tsajpjotmëtë kukäjpxy mëti'ipë ni'ë'ënëpën.

Daniel 3:28

Ënät yujk'ënany ënätyë ja Nabucodonosor: Kënu'kxy mëjjawë nyaxëty yë Tios mëti'ipë y'ëwtajtëpën yë Sadrac, Mesac ets Abed-negó, mëti'ipë të tkexyën yë tsyajpjotmëtë kukäjpxy ets tyajtso'oky yë jyä'äy mëti'ipë oy mëtuunëpën, jä'ä ko yë'ëjëty ka'ap yë o'kën të tsë'ëkëtë ko të tkäjpxykyutëjtë yë yajkutujkpë jä'ä ko yë'ëjëty mëj tjëkyäptë yë Tyiosëty ets ka'ap të t'ëwtatë wiink tios.

Salmos 34:7

Yë Wintsën kyukäjpxy kyuwäämpy ets yajtsokpy mëti'ipë oyjya'awëyëpën.

1 Pedro 3:13

¿Pën m'ëk'ëxëëktunanëtëp pën oypyë xëmë mtuuntëp?

Daniel 3:18

E oy tkatuunpëty jëtu'un tä ëëts yam n'ëna'antën, mijts yë'ë mnijawëp ko ëëtsëty ka'apës tääpë awinax n'ëwtata'antë ets ka'apës nwinkoxtänëja'antë mëti'ipë të xy'oytyunyën mëët yë pu'ts pujxn.

Job 38:7

ma ënäty y'ëwtën mëët ja xoontakën ja maymyëtsa'a ko xyiinyë ma jam yajpaatën ja ntsajpjotmëtë kukexyës?

Romanos 1:4

je'eyëp ko jyuukpyijky o'kpë akujky jää ojts y'awinpity Tios u'unk, mëët ja kutujkën, ets mëët ja mëk'ajtën mëti'ipë yajwatspën.

Lucas 1:35

Tääts ja tsajpjotmëtë kukäjpxy y'ëtsooy: Minaanp ja Kënu'kxymyëkajtën ma mijtsën, Tios ni'ik këjxmëpë myëk'ajtën myajnitukëtëp ijxtëm tu'uk ja yootsën, paaty ya'atë mëxu'unk mëti'ipë minaanp ja'taanpën, wa'ats yë'ë, Tios U'unk yë'ë.

Proverbios 30:4

¿Pën jam të y'ëknëjkxpë tsajpjotm ets pën jam të y'ëktso'onpë? ¿Pën ëkmayëtëp tmatsëty yë poj ets tmajts'itëty kyë'ëjootjoty? ¿Pën yë nëëmejy të t'ëkwinpijtpë witjoty? ¿Pën të tpëjktä'äky ja nyitsëpa'an mapaat ja naaxwiinyëtë y'ëwtitëtyën? Këtiis ënät mijts xy'ënëmääpyëty ko mnija'ap ja xyëëw ets ja y'u'unk xëëw.

Jeremias 1:8

Ni pën xykyatsë'ëkëty, ëjts yajpataanpës mëët mijts ets n'ijx'ita'any nkëwent'ata'any. Ëjts, mëti'ipë Wintsën'ajtpën, ëjts ënaanp.

Jeremias 1:19

Yë'ëjëty, nëjkxëp mjanipëtë'ëkëtë. Mijts ka'ap nëjkx myajmay, jä'ä ko ëjts mëët mijts nyajpaata'anyës ets nkuwa'anäämpy. Ëjts mëti'ipë Wintsën'ajtpën, ëjts ënaanp.

Jeremias 15:21

Nëjkxëp nyajtso'oky ma ja ëxëëkja'aytyëjk y'ëtë'ëtstën y'ëna'antën, nëjkxëp nkuwa'any ma ja ja'ayëtyën mëti'ipë je'eyë jëën tsip tyäty tsyojktëpën.

Daniel 3:24

Ënät ja Nabucodonosor ënätyë y'ëxwä'ätsë'ky ets mëët ja jotmay t'ënëmaay ja nyaxkajpxëpëtëjk mëti'ipë tuuntëpën ma yajkutukyën: ¿Ti këtiijën nyitëkëëk'atë tääpë ëna'ktëjkëty mëti'ipë të yajkujëpipëtën jëënjutjotyë? Jëtu'un, nitëkëëk të yajkujëpipëtë, jëtu'un y'ëtsoowtë.

Daniel 6:23

Ënät ja yajkutujkpë mëk xyoontäky ets ojts tim ënätyë tni'ënä'ämë ets ja Daniel tjuutëty jap kemyjoty. Ko tyajpëtsëëmtë jap ka'ap maa ja Daniel tsyëtyutëty ets ka'ap maa wi'ix të jyäty, mëët jä'äkyëjxm ko ja Tios yë'ë tu'ukyë tuk'ijxpejty.

Job 5:19

Yë'ë, xëmë myajtso'oka'anyë, janaam jatsojk, ka'ap wi'ix mjata'any.